بۇگىن ەلوردادا نيكولا تەسلا اتىنداعى كوشەنىڭ اشىلۋ سالتاناتى ءوتتى. وعان استانا قالاسىنىڭ اكىمى اسەت يسەكەشەۆ پەن سەربيا ەلىنىڭ پرەمەر-ءمينيسترى الەكساندر ۆۋچيچ قاتىستى.
«قازاقستانعا العاش رەت كەلىپ تۇرمىن جانە العاشقى ساپارىمنىڭ اياسىندا سەربيا مەن الەم بويىنشا تانىمال تۇلعا - نيكولا تەسلا اتىنداعى كوشەنى اشىپ تۇرمىن»,-دەدى سەربيانىڭ پرەمەر-ءمينيسترى الەكساندر ۆۋچيچ.
نيكولا تەسلا فيزيكا, راديوتەحنيكا, ەلەكتروتەحنيكا سياقتى سالالاردا ەڭبەگى سىڭگەن ونەرتاپقىش, عالىم بولعان, 700-دەن استام پاتەنتتىڭ اۆتورى. سونداي-اق, اقش-تاعى نياگار سارقىراماسىنداعى العاشقى سۋ ەلەكتر ستانتسياسىنىڭ قۇرىلىسىنا ەڭبەك سىڭىرگەن.
ال, استانا قالاسىنىڭ اكىمى اسەت يسەكەشەۆ تەسلا اتىنداعى كوشەنى اشا وتىرىپ, ەكى ەل اراسىنداعى ىنتىماقتاستىقتىڭ نىعايا تۇسكەنىن اتاپ ءوتتى.
سۋرەتتەردى تۇسىرگەن ەرلان وماروۆ
"ەگەمەن قازاقستان"
