استانادا الەۋمەتتىك تاقىرىپتا سۋرەت بايقاۋى ءوتتى

ەلوردادا الەۋمەتتىك تاقىرىپتاعى سۋرەت بايقاۋىنا ءوتىنىش قابىلداۋ اياقتالدى. شىعارماشىلىق كونكۋرسقا 18 ءوتىنىش ءتۇسىپ, 25 سۋرەت ۇسىنىلعان.  قاتىسۋشىلار ا3 فورماتىندا ۇلتتىق مادەنيەتتى قولداۋ, وتانسۇيگىشتىكتى ناسيحاتتاۋ, دەنساۋلىق ساقتاۋ جانە ءبىلىم بەرۋ ماسەلەلەرى سەكىلدى تاقىرىپتاردى قامتىعان. كونكۋرسانتتارعا قويىلعان تاعى ءبىر تالاپ - جۇمىستارىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا جانە ەكسپو-2017 كورمەسىنە ارنالعان ەلەمەنتتەردى پايدالانۋ. بايقاۋعا استانادا تۇراتىن, ءبىلىم الاتىن نەمەسە جۇمىس ىستەيتىن ادامدار قاتىسادى. ەڭ جاس سۋرەتشىنىڭ جاسى  9-دا بولسا, ەڭ ەرەسەگى – 25-تە. جەڭىمپازداردى ارنايى كوميسسيانىڭ مۇشەلەرى ىرىكتەيدى. ولار ءبىر اپتا بويى ۇزدىك جۇمىستاردى تاڭدايتىن بولادى. بايقاۋ قورىتىندىسى 7 قاراشادا شىعارىلىپ, جەڭىمپازدارعا ديپلومدار مەن باعالى سىيلىقتار تابىس ەتىلەدى. ال ەڭ ۇزدىك جۇمىستار اتالعان تاقىرىپتار بويىنشا جارنامالىق كونسترۋكتسيالاردى دايىنداۋدا پايدالانىلىپ, قالا كوشەلەرىنە ورنالاستىرىلادى.