جاستارعا جول اشىق

«جۇمىسپەن قامتۋدىڭ جول كارتاسى-2020» باعدارلاماسى بويىنشا باسىم باعىتتاردىڭ ءبىرى – «جاستار تاجىريبەسى». مەملەكەتتىڭ جان-جاقتى قولداۋ كورسەتۋىنىڭ ارقاسىندا بۇل باعىت بۇگىندە ەلىمىزدىڭ بارلىق وڭىرلەرىندە ويداعىداي جۇزەگە اسىرىلىپ, اۋىز تولتىرىپ ايتارلىقتاي ناتيجە بەرىپ وتىر. بۇل باعدارلامانىڭ نەگىز­گى ماقساتى – جوعارى وقۋ ورىن­دا­رىنىڭ, كوللەدجدەر مەن ليتسەيلەردىڭ تۇلەكتەرىنە مەملەكەت تاراپىنان قوسىمشا قولداۋ كورسەتۋ. قازىر جۇمىس بەرۋ­شىلەردىڭ كوبى تاجىريبەسى جوق جاس مامانداردى جۇمىس­قا الۋعا ق ۇلىقسىز ەكەنى جاسى­رىن ەمەس. باستاپ جۇمىس ىستە­مەسە, ول تاجىريبە قايدان كە­لەدى؟ سوندىقتان, بۇل جەردە مەملەكەتتىڭ ارالاسىپ, جاس ما­مان­­­نىڭ تاۋىن شاقپاي, جۇمىس تابۋىنا, تاجىريبە جيناۋىنا سەپتەسۋى اسا قاجەت. جۇمىس بەرۋ­شى دە جاس ماماندار اراسىنان ءوز كوڭىلىنەن شىعاتىن, سەنىم ارتا الاتىن, جىگەرلى ماماندى تاڭداپ الا الاتىنداي بولۋى كەرەك. – باعدارلاما شارتى بو­يىنشا, جاس مامان مەنشىك ءتۇ­رى­نە قاراماستان, كەز كەلگەن ۇيىمدا تاجىريبەدەن وتە الادى. مەملەكەت وعان اي سايىن 34 686 تەڭگە كولەمىندە جالاقى تولەپ وتىرادى. ال جۇمىس بەرۋشى ونىڭ جۇمىس رەتىن, مىندەتتەر كولەمىن بەلگىلەپ, مەملەكەت بولگەن ەڭبەكاقىنىڭ ۇستىنەن قوسىمشا اقى تولەۋىنە بولادى. وسىلايشا, التى اي بويى تاجىريبەدەن وتەدى دە, سودان كەيىن جۇمىس بەرۋشى قالاسا, جاس مامان كەلىسسە, ول تۇراقتى جۇمىسقا قابىلدانۋى مۇمكىن, – دەيدى قاراعاندى قالاسىنىڭ اكىمدىگىنە قاراستى حالىقتى جۇمىسپەن قامتۋ ورتالىعى­نىڭ ديرەكتورى نۇرلان بايانوۆ. جاستاردىڭ تاجىريبەدەن ءوتۋى مەملەكەتتىك بيۋدجەتتىڭ جۇمىسپەن قامتۋ باعدارلاماسىن جۇزەگە اسىرۋعا ارناعان قاراجا­تى ەسەبىنەن جۇزەگە اسىرىلادى. تاجىريبەدەن وتكىزۋگە كەلىسكەن كاسىپورىن, كەلىسىمشارت تالابى بو­يىنشا, جاس مامانعا جەتەكشى تاعايىنداۋعا, ونى تەحنيكالىق قاۋىپسىزدىك جونىندەگى نۇسقاۋ­لىقپەن تانىستىرۋعا, كەرەك بولعان جاعدايدا ارنايى كيىم-كەشەكپەن, قۇرال-سايماندارمەن قامتاماسىز ەتۋگە مىندەتتى. ال تاجىريبەدەن ءوتۋ مەرزىمى اياق­تال­عاننان كەيىن جاس مامان­­عا مىنەزدەمە بەرىلەدى. قالاي بولعاندا دا, جاستار تاجىريبەسىنىڭ مەرزىمى التى ايدان اسپاۋى ءتيىس. وسى ۋاقىت ءىشىن­دە جاس مامان ءوزى وقىعان ماماندىقتىڭ پراكتيكالىق قىرلارىن تانىپ, ءبىلىم-بىلىگىن مەيلىنشە ارتتىرىپ, ءوزىن-ءوزى كورسەتىپ, الداعى ۋاقىتتا جۇمىس بەرۋشىنىڭ تالابىنان شىعا الاتىنداي, سەنىمىن وياتا الاتىنداي دارەجەگە قول جەتكىزۋى كەرەك. تالپىنعان, ەرتەڭگى كۇنىن ويلاعان جاستار بۇل ماقساتتىڭ ۇدەسىنەن شىعۋى ءتيىس. بۇل باعدارلاما جاستاردىڭ ءوز الەۋەتىن باعامداپ, كەلەشەك­كە قادام جاساۋىنا, ءوز ءمۇم­كىن­دىكتەرى مەن ءبىلىم-بىلىگىن تانىتۋىنا تاماشا مۇمكىندىك بەرىپ وتىر. بيىل قاراعاندىدا «جاستار تاجىريبەسى» باعدارلاماسىنا وقۋ ورىندارىنىڭ 322 تۇلەگى قا­تىس­تى. سولاردىڭ جار­­­تى- سى تاجىريبەدەن ءوتۋ مەرزىمى اياقتالعاننان كەيىن تۇراقتى جۇمىسقا قابىلداندى. سولار­دىڭ ءبىرى – بالقاشتىق قاي­سار قارابالين. ول جاستار ءتاجى­ري­بەسىنەن ويداعىداي ءوتىپ, كاسىپ­ورىن باسشىلارىنىڭ سەنىمىن اقتادى. 2010 جىلى بالقاش گۋماني­تارلىق-تەحنيكالىق كوللەدجىن تەحنيك-مەحانيك ما­­ماندىعى بويىنشا ءتامامداپ, ودان كەيىن 2014 جىلى قاراعاندى مەملەكەتتىك تەحنيكالىق ۋني­ۆەرسيتەتىنىڭ ماشينا جاساۋ فاكۋلتەتىن بىتىرگەن قايسار جىلدان ارتىق ۋاقىت بويى ماماندىعى بويىنشا تۇراقتى جۇمىس تاپپاي ءجۇرىپ قالعان ەدى. ءسويتىپ جۇرگەندە «جۇمىسپەن قامتۋدىڭ جول كارتاسى-2020» مەملەكەتتىك باعدارلاماسىنىڭ ايا­سىن­داعى «جاستار تاجىريبەسى» تۋرالى ەستىپ, بىردەن قاراعاندى قالاسى اكىمدىگىنىڭ حالىقتى جۇمىسپەن قامتۋ ورتالىعىنا بارعان. مۇنداعى ماماندار ۇسىنعان بىرنەشە كاسىپورىنداعى بوس جۇمىس ورىندارىنان ول «ەكسپەريمەنتتىك زاۋىت №1» جا­ۋاپ­كەرشىلىگى شەكتەۋلى سەرىك­تەستىگىن تاڭداپ الادى. وزىنە جۇكتەلگەن ءمىن­دەت­تەر­دى تىڭ­عى­لىقتى, ۇلكەن جاۋاپ­كەرشىلىكپەن اتقارا بىلگەن جاس مامان تاجىريبەدەن ءوتۋ مەرزىمى اياقتالار-اياقتالماستان, ءوندىرىس ورنىنىڭ مەتالل بۇيىمدار ۋچاسكەسىنە شەبەر رەتىندە جۇ­مىس­قا قابىلداندى. ول-ول ما, ارادا جارتى جىلداي عانا وتكەندە, قايسار وسى ۋچاسكە­نىڭ باسشىسى بولىپ تاعايىندالدى. – مەن الدىمەن جاس ما­مان­­داردىڭ, وقۋ ورىندارى تۇلەكتەرىنىڭ جۇمىسپەن قام­تىلۋىنا ەرەكشە كوڭىل ءبولىپ وتىرعان ءتيىمدى مەملەكەتتىك باعدارلاما ءۇشىن ۇكىمەتىمىزگە العىس ايتامىن, – دەيدى قايسار قارابالين. جۇمىسپەن قامتۋ ورتالىعى جاستارعا عانا ەمەس, ادال ەڭبەك­پەن تابىس تاپقىسى كەلەتىن كىم-كىمگە دە جۇمىس قا­راس­تى­رۋعا ءاردايىم دايىن. قازىر ورتالىقتىڭ مالىمەتتەر بازاسىندا ەكى مىڭداي بوس جۇمىس ورنى بار. ونىڭ ىشىندە سان ءتۇرلى ماماندىقتار بار, كەلىپ تانىسقىسى كەلەتىندەر ءۇشىن ەسىك اشىق. تۇراقتى جۇمىس تاپقىسى كەلگەن جانعا جالعىز مەملەكەت كومەگى ازدىق ەتەدى. ەڭ الدىمەن ادامنىڭ ەڭبەك ەتۋگە قۇلشىنىسى, ماقساتىنا جەتپەي تىنبايتىن تاباندىلىعى بولۋى شارت. قايرات ءابىلدينوۆ, «ەگەمەن قازاقستان» قاراعاندى