سۋ سپورتى تۇرلەرىنە سەرپىن كەرەك

قازاقستان سپورتشىلارى ريو وليمپيالىق ويىندارى مەن پاراليمپياداسىندا  تاريحتا تۇڭعىش رەت التىن مەدال جەڭىپ العاننان كەيىن ەلىمىزدە سۋ سپورتى تۇرلەرىنە دەگەن ىنتا-ىقىلاس كۇرت ارتا ءتۇستى. بۇل بۇرناعى كۇنى الماتىدا وتكەن رەسپۋبليكا سۋ سپورتى تۇرلەرى فەدەراتسياسىنىڭ 6-شى ەسەپ بەرۋ-سايلاۋ كونفەرەنتسياسىندا دا ەرەكشە اتاپ كورسەتىلدى. كونفەرەنتسيادا فەدەراتسيانىڭ باسشىسى وزگەردى. جيىنعا قاتىسۋ­شىلار ونىڭ جاڭا پرەزيدەنتى ەتىپ تيمۋر ق ۇلىباەۆتى ءبىر اۋىز­دان سايلادى. ول بۇل قىزمەتتى 2008 جىلدان بەرى اتقارىپ كەلگەن تەمىر­­حان دوسمۇحامبەتوۆتى الماس­تىردى. تيمۋر ق ۇلىباەۆ سونىمەن قا­تار, ازيا وليمپيالىق كەڭەسىنىڭ ۆيتسە-پرەزيدەنتى, قازاقستان رەس­پۋبليكاسى ۇلتتىق وليمپيالىق كوميتەتىنىڭ پرەزيدەنتى, قازاق­ستان بوكس فەدەراتسياسىنىڭ پرە­زي­دەنتى بولىپ تابىلادى. ال قازاق­ستان جەكپە-جەك ۇرىستارى فەدەراتسياسىنىڭ پرەزيدەنتتىگىنەن جاقىندا ءوزى بوسادى. ونىڭ ۇسىنى­سى بويىنشا بۇل ورىنعا دانيار ابۋلعازين سايلاندى. جيىندا تيمۋر ق ۇلىباەۆ فە­دەراتسيانىڭ جۇمىسى تۋرالى ەسەپ بەرۋشىلەرگە بۇگىندە جۇرتتىڭ بارىنە بەلگىلى بولىپ وتىرعان سوڭعى جىلداردىڭ تابىستارى جايلى قازبالاي بەرمەي, ماسەلەنىڭ جاقىن ارادا فەدەراتسيانىڭ ارالاسۋىمەن شەشىلۋدى تىلەيتىن پروبلەمالىق جاقتارىنا كوبىرەك نازار اۋدارۋدى سۇرادى. وسىدان كەيىن سويلەۋشىلەر سالاداعى ماتەريالدىق-تەحني­كا­لىق بازانىڭ ناشارلىعى نەمەسە ونىڭ مۇلدە جوقتىعى, مامان كادر­­لاردىڭ تاپشىلىعى جانە قار­­­جى جەتىسپەۋشىلىگى تۋرالى ءسوز قوز­عادى. تيمۋر اسقار ۇلىنىڭ ايتۋىن­شا, قازاقستاندا سۋ سپورتى ءتۇر­لەرىن دامىتۋدىڭ ۇزاق جىلدارعا ار­نالعان باعدارلاماسى بولۋعا ءتيىس. وندا سپورتشىلاردى دايارلاۋدىڭ باستاپقى كەزەڭىنىڭ ءرولىن كوتەرۋ, رەسپۋبليكا ايماقتارىندا, ءبىرىن­شى كەزەكتە استانا جانە الماتى قالالارىندا ءتيىستى سپورت عيما­راتتارىن سالۋ, سۋ سپورتى تۇرلەرىن دامىتۋ جۇمىسىنا بيزنەس قۇرى­لىمدارىن تارتۋ ماسەلەلەرى قاراس­تىرىلۋى كەرەك. كونفەرەنتسياعا مادەنيەت ءجا­نە سپورت ءمينيسترى ارىستانبەك مۇحا­مەدي ۇلى قاتىستى. سەرىك ءپىرنازار, «ەگەمەن قازاقستان»