ۇزدىك الەۋمەتتىك جوبالار انىقتالدى

بۇگىن شىمكەنتتە «قازاقستاندا جۇزەگە اسىرىلاتىن ەڭ ۇزدىك الەۋمەتتىك جوبالار» كورمە اياسىنداعى بايقاۋ جەڭىمپازدارى ماراپاتتالدى, دەپ حابارلايدى egemen.kz وقو وبلىسى اكىمىنىڭ ءباسپاسوز قىزمەتىنە سىلتەمە جاساپ. شاراعا قر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا, وبلىس اكىمى جانسەيىت تۇيمەباەۆ, پارلامەنت دەپۋتاتتارى مەن مەملەكەتتىك ورگانداردىڭ,  قوعامدىق بىرلەستىكتەردىڭ وكىلدەرى قاتىستى. تامارا دۇيسەنوۆا قازاقستاندا الەۋمەتتىك جوبالاردى جۇزەگە اسىرۋدىڭ كومەگىمەن ءومىردىڭ قيىندىقتارىنا تاپ بولعان 250 مىڭنان استام ازاماتقا قولداۋ كورسەتىلگەنىن اتاپ ايتتى. ال جانسەيىت قانسەيىت ۇلى ەلىمىزدەگى مۇمكىندىگى شەكتەۋلى جانداردىڭ 17 %-دىق ۇلەسى وڭتۇستىك قازاقستان وبلىسىنا تيەسىلى ەكەنىن  جەتكىزدى. بيىلعى جىلى ايماقتىق كوميسسيا 178 ءوتىنىشتى قاراستىرىپ, 32 الەۋمەتتىك جوبا ىرىكتەۋ كەزەڭىنىڭ جەڭىمپازدارى اتاندى. جۇلدەلى ورىن العان جوبالار: 1-ورىن. «ونلاين سۋردواۋدارما قىزمەتى» جوباسى 2-ورىن. «كوكشەتاۋ قالاسىندا جانە كراسنىي يار اۋىلىندا تۇراتىن, قوزعالىستا قيىنشىلىق كورەتىن 1 توپتاعى مۇگەدەكتەرگە, 18 جاسقا دەيىنگى مۇگەدەك بالالارعا ۇيدە ءپاللياتيۆتى كومەك كورسەتۋ ورتالىعىن ۇيىمداستىرۋ» جوباسى 3-ورىن. «ادام ساۋداسىنىڭ قۇرباندارىنا ارناۋلى الەۋمەتتىك قىزمەتتەر كورسەتۋ» الەۋمەتتىك جوباسى.