كوگىلدىر وتىن باعاسى ارزانداۋى مۇمكىن

جىل اياعىنا دەيىن ەلىمىزدە بالامالى جانە جاڭارتىلعان قۋات كوزدەرىن وندىرەتىن 9 نىسان ىسكە قوسىلادى. بۇل تۋرالى بۇگىن سەناتقا «پاريج كەلىسىمىن راتيفيكاتسيالاۋ تۋرالى» زاڭ جوباسىن اكەلگەن ەنەرگەتيكا ءمينيسترى قانات بوزىمباەۆ مالىمدەدى, دەپ حابارلايدى egemen.kz "حابار 24" - كە سىلتەمە جاساپ. سالا باسشىسى اتاپ وتكەندەي, ەلەكتر قۋاتىن تاسىمالداۋشى كومپانيالارمەن ءتيىستى شارت جاسالدى. سونداي-اق مۇناي سالاسىندا دا وڭ كورسەتكىش بايقالادى. جىل سوڭىنا دەيىن «قاشاعان» كەنىشىنەن 1 ميلليون توننا قارا التىن الىنادى. بۇل جوسپاردى جۇزەگە اسىرۋ ءۇشىن ءوندىرىس ورنىن ىسكە قوسۋ, رەتتەۋ جۇمىستارى اياقتالۋى ءتيىس. ءسويتىپ, كەلەر جىلعى ءوندىرىس كولەمى 7 ميلليون تونناعا ۇلعايماق. سونىڭ اسەرىنەن كوگىلدىر وتىن باعاسى ارزانداۋى مۇمكىن. ال قارا التىن قۇنىندا وزگەرىس بولمايدى. سەبەبى شيكىزات ەكسپورتقا جونەلتىلەدى, دەيدى مينيستر.