وقو ءبىر گەكتاردان 24 تسەنتنەر ماقتا الۋدا

وڭتۇستىك قازاقستان وبلىسىنىڭ شارۋالارى ماقتانىڭ گەكتارىنان 24 تسەنتنەردەن ءونىم الۋدا, دەپ حابارلايدى وبلىس اكىمدىگىنىڭ ءباسپاسوز قىزمەتى. وڭتۇستىك قازاقستان وبلىسىنىڭ كليماتتىق جاعدايى - اۋىل شارۋاشىلىعىن, ونىڭ ىشىندە ماقتا شارۋاشىلىعىن دامىتۋعا ەڭ قولايلى ايماق. سوندىقتان وڭتۇستىك قازاقستان ەلىمىزدەگى اق ماقتانىڭ نەگىزگى وتانى سانالادى. وڭىردە بيىلعى جىلى 109,6 مىڭ گا جەرگە ماقتا ءشيتى ەگىلسە, بۇل وتكەن جىلعىمەن سالىستىرعاندا 10,3 مىڭ گا ارتىق. قازىرگى تاڭدا تۇسىمدىلىگى ورتاشا ەسەپپەن ءار گەكتاردان 24 تسەنتنەردەن 262,5 مىڭ توننا ءشيتتى ماقتا نەمەسە مەجەنىڭ 94,7 پايىزى جينالدى. ماقتا وڭدەۋ ۇيىمدارىندا ءشيتتى ماقتا قابىلداۋ باعاسى العاشقى كەزدە 1 كيلوگرامى 160-165 تەڭگەدەن (2015 ج 1 كگ باعاسى 107 تەڭگەدەن باستالعان) باستالىپ, بۇگىنگى تاڭدا ماقتانىڭ 1 كيلوگرامى سورتىنا بايلانىستى 130-145 تەڭگەدەن قابىلدانۋدا. قازىرگى تاڭدا ءار اۋداننىڭ كليماتتىق جاعدايىنا بايلانىستى 2-ءشى, 3-ءشى تەرىم ناۋقانى جۇرۋدە. ماقتا جيناۋ جۇمىستارىن قاراشا ايىنىڭ 1 ونكۇندىگىندە اياقتاۋ جوسپارلانعان. ال وبلىس بويىنشا ماقتا تەرەتىن 512 دانا كومباين بار. وڭتۇستىك قازاقستاندا ماقتا جيناۋ جۇمىستارىنىڭ 65% كومبايننىڭ كومەگىمەن اتقارىلادى.