ۇزدىك جۋرناليستەر ماراپاتتالدى

كەشە استاناداعى قازاق ۇلتتىق ونەر ۋنيۆەرسيتەتىندە قازاقستان حالقى اسسامبلەياسىنىڭ (قحا) جۋرناليستيكا سالاسىنداعى «شاڭىراق» شىعارماشىلىق بايقاۋىنىڭ جەڭىمپازدارىن ماراپاتتاۋ ءراسىمى ءوتتى. ەل تاۋەلسىزدىگىنىڭ 25 جىلدىعىنا ارنالعان سالتاناتتى شاراعا قحا ءتور­اعاسىنىڭ ورىنباسارى – حاتشى­لىق مەڭگەرۋشىسى ەرالى توعجانوۆ, پار­لامەنت ءماجىلىسىنىڭ دەپۋتاتتارى, مەملەكەتتىك ورگانداردىڭ وكىل­­دەرى, بۇقارالىق اقپارات قۇرال­­­دارىنىڭ باسشىلارى, سون­داي-اق, رەس­پۋب­ليكالىق, وڭىرلىك جانە ەت­نوس­­­تىق باق, ەتنومادەني بىرلەستىك­تەر­دىڭ جەتەكشىلەرى مەن جاس­تار قا­تىستى. تاۋەلسىزدىگىمىزدىڭ 25 جىلدىعىن, قازاقستاننىڭ تۇڭعىش پرەزيدەنتى  – ەلباسى نۇرسۇلتان نازارباەۆتىڭ قوعامدىق كەلىسىم مەن جالپىۇلتتىق بىرلىكتىڭ قازاقستاندىق مودەلىن, بەيبىتشىلىك پەن كەلىسىم ساياساتىن نىعايتۋداعى ءرولىن باستى تاقىرىپ ەتىپ العان «شاڭىراق» بايقاۋىنىڭ جەڭىمپازدارىن ماراپاتتاۋ ءراسىمىن ەرالى توعجانوۆ اشىپ, كىرىسپە ءسوز سويلەدى. ول ءبىرىنشى كەزەكتە مەملەكەت باسشىسى نۇرسۇلتان نازارباەۆتىڭ ساليقالى ساياساتىنىڭ ارقاسىندا ەلىمىز ءورىسىن كەڭەيتىپ, بىرلىك پەن تاتۋلىعىن نىعايتىپ وتىرعانىن ءسوز ەتتى. سونداي-اق, ە.توعجانوۆ حالقىمىزدى ىنتىماققا ۇندەۋدە, ەلباسى ساياساتىن ەلگە ءتۇسىن^­دىرۋدە جانە قازاقستان حالقى اسسام­ب­لەياسىنىڭ جۇمىسىنا قولداۋ ءبىلدىرۋ ىسىندە ايانباي ەڭبەك ەتىپ جۇرگەن جۋرناليستەر قاۋىمى قىزمەتىنىڭ ەرەكشە ەكەنىنە ەكپىن بەردى. بۇدان كەيىن ءسوز العان پارلامەنت ءماجىلىسى توراعاسىنىڭ ورىنباسارى, قحا مۇشەسى ۆلاديمير بوجكو قازاقستاننىڭ 25 جىل ىشىندەگى بارلىق جەتىستىكتەرى ەلباسىنىڭ ولشەۋ­سىز قىزمەتىمەن تىكەلەي بايلا­نىستى ەكەنىن اتاپ ءوتتى. سونى­مەن بىرگە ول ەلىمىزدىڭ دامۋىنا اقپا­رات­تىق كەڭىستىكتە تەر توگىپ جۇرگەن جۋر­ناليستەر قىزمەتىنىڭ ماڭىزدى­لىعىنا نازار اۋداردى. سونىمەن, 25 جىلدىڭ قۇرمەتىنە وتكەن بايقاۋدا ۇزدىك رەتىندە تانىل­عان ەلىمىز بويىنشا 25 جۋرناليس­كە سىيلىقتار تاپسىرىلىپ, العىس حاتتار بەرىلدى. ولاردىڭ ارا­سىن­دا «ەگەمەن قازاقستان» گازەتىنىڭ شىعىس قازاقستان وبلىسىنداعى مەنشىكتى ءتىلشىسى, ارىپتەسىمىز دۋمان اناش تا بار. ول «قوعامدىق كەلىسىم مەن جالپىۇلتتىق بىرلىكتى نىعايتۋعا باعىتتالعان ۇزدىك ماقالالار» اتالىمى بويىنشا ماراپاتتالدى. ايتا كەتەيىك, بايقاۋعا 200-دەن استام ءوتىنىم كەلىپ تۇسكەن, ونىڭ ىشىنەن رەسپۋبليكالىق كەزەڭگە 75-ءى ىرىك­تەلىپ الىنعان. بايقاۋعا قاتىسۋ­شى­لاردىڭ جۇمىستارىن پارلامەنت ءماجىلىسىنىڭ دەپۋتاتى ساۋىتبەك ابدراحمانوۆ توراعالىق ەتكەن قازىلار القاسى باعالاعان. سالتاناتتى شارادا كونتسەرتتىك باعدارلاما جانە «تاۋەلسىزدىكتىڭ 25 ءساتى» فوتوكورمەسى ۇيىمداستىرىلدى. جولدىباي بازار, «ەگەمەن قازاقستان»