ىنتىماقتاستىقتىڭ ىرگەتاسىن عارىشكەرلەر قالادى

جاقىندا ۆەنانىڭ Ritz-Carlton وتەلىندە قازاقستان تاۋەلسىزدىگىنىڭ 25 جىلدىعىنا ارنالعان كونفەرەنتسيا بولىپ ءوتتى. شارانى ۇيىمداستىرۋشىلار – اۆستريا-قازاقستان قوعامى مەن قازاقستاننىڭ اۆسترياداعى ەلشىلىگى. كونفەرەنتسياعا «اۆستريا-ورتالىق ازيا» پارلامەنتتىك توبىنىڭ مۇشەلەرى, اۆستريا سىرت­­قى ىستەر مينيسترلىگى, حالىقا­رالىق ۇيىمداردىڭ اتقا­رۋ­شى قۇرىلىمدارى جانە قازاق­ستان ەلشىلىگىنىڭ قىزمەتكەر­لەرى, قازاقستان رەسپۋبليكاسىنىڭ اۆس­ترياداعى قۇرمەتتى كونسۋلدارى, اۆستريا-قازاقستان قوعامىنىڭ مۇشەلەرى, قازاق دياسپوراسىنىڭ وكىلدەرى مەن ستۋدەنتتەر, اۆستريانىڭ ەكونوميكا, عىلىم, مادەنيەت سالالارىنىڭ جانە بۇقارالىق اقپارات قۇرالدارىنىڭ وكىلدەرى قاتىستى. اۆستريا-قازاقستان قو­عا­مىنىڭ پرەزيدەنتى, اۆستريا ەكونوميكا پالاتاسىنىڭ ۆيتسە-پرەزيدەنتى, دوكتور ر.شەنتس, اۆستريا-قازاقستان قوعامىنىڭ اتقارۋشى پرەزيدەنتى, دوكتور گ.لانسكي, قازاقستاننىڭ اۆسترياداعى ەلشىسى ق.سارىباي جيىنعا قاتىسۋشىلارعا قۇتتىق­تاۋ سوزبەن قايىرىلدى. سويلە­گەندەر قازاقستاننىڭ تاۋەلسىزدىك العاننان بەرگى جەردە ەكونوميكا, ساياسات, ءبىلىم, مادەنيەت سالالارىندا قول جەتكىزگەن تابىستارىن, سونداي-اق, قازاقستان-اۆستريا ىنتىماقتاستىعىنىڭ ءوزارا ءتيىمدى دامۋىن تىلگە تيەك ەتتى. الدىڭعى قاتارلى تەحنو­لو­گياعا يە اۆستريالىق فيرما­لاردىڭ «نۇرلى جول» مەملەكەتتىك باعدارلاماسى مەن «100 ناقتى قادام» ۇلت جوس­پارىن جۇزەگە اسى­رۋعا قاتىسۋعا مۇمكىندىگى مول ەكەن­دىگىنە نازار اۋدارىلدى. ەنەر­­گيا كوزدەرىنە قاتىستى سالادا زا­ماناۋي تەحنولوگيالار­مەن جاراق­تاندىرىلعان اۆستريا­لىق كوم­پانيالار ءۇشىن قوسىم­شا مۇمكىندىك استاناداعى ەكسپو-2017 كورمەسىنە قاتىسۋعا جول اشادى. كونفەرەنتسياعا قاتى­سۋ­شى­­لارعا العاشقى اۆستريالىق عا­رىشكەر ف.فيبەكتىڭ تۇڭعىش قازاق عارىشكەرى ت.ءاۋبا­كى­روۆپەن 1991 جىلدىڭ قازانىندا «باي­قوڭىر» عارىش ايلاعىنان عارىشقا ساپارى تۋرالى دە­رەكتى فيلم كورسەتىلدى. بۇل قا­زاق­ستان تاۋەلسىزدىگىنىڭ ءرامىزى ءىس­پەت­تەس جانە قازاقستان-اۆس­تريا ىنتىماقتاستىعىنىڭ نەگى­زىن قالاعان وقيعا بولدى. بۇل تۋرالى 1991 جىلى قازاندا قا­زاق­ستانعا جۇمىس ساپارىمەن بار­عان, عارىش كەمەسىنىڭ ۇشۋىنا كۋا­گەر بولعان اۆستريانىڭ بۇرىن­عى فەدەرالدىق كانتسلەرى ف.ۆرا­نيتسكي ايتىپ بەردى. قازاقستان مەن اۆستريا ارا­سىنداعى ەكىجاقتى قارىم-قاتى­ناس­تىڭ العاشقى جىلدارى تۋرالى اۆستريانىڭ قازاقستانداعى ال­عاشقى ەلشىسى ح.گيۋرەر حانىم بايان­دادى. قازاقستان رەسپۋب­لي­كاسى سىرتقى ىستەر ءمينيسترى­نىڭ ورىنباسارى ر.ۆاسيلەنكو قازاق جەرىندە توعىز جىل بويى ەل­شىلىك قىزمەت اتقارعان گيۋرەرگە ەكى­جاقتى ىن­تى­ماقتاستىقتى دا­مى­تۋعا قوسقان ۇلەسى ءۇشىن كور­نەكتى الاش ديپلو­ماتى ن.تورە­قۇ­لوۆ اتىنداعى مە­دالدى تاپسىردى. كونفەرەنتسيانىڭ رەسمي بولىگى اياقتالعان سوڭ ۆەنا كونسەرۆاتوريا­سىندا وقيتىن قازاقستاندىق ستۋدەنتتەر ا.ما­ديار مەن ا.وۆچين­نيكوۆا قو­ناق­تاردى قازاق جانە كلاسسيكالىق مۋ­زىكالاردى ورىن­داۋداعى شە­بەر­لىگىمەن ءتانتى ەتتى. عابيت مۇسىرەپ, «ەگەمەن قازاقستان»