قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى №466

  2015 جىلعى 17 ءساۋىر , استانا قالاسى اۆاريالار مەن اپاتتار كەزىندەگى شۇعىل شاقىرۋ جۇيەسىن ۇيىمداستىرۋ جانە پايدالانۋ قاعيدالارىن بەكىتۋ تۋرالى «جول ءجۇرiسi تۋرالى» 2014 جىلعى 17 ساۋىردەگى قازاقستان رەسپۋبليكاسىنىڭ زاڭى 11-بابىنىڭ 5-2) تارماقشاسىنا سايكەس بۇيىرامىن: 1. قوسا بەرىلىپ وتىرعان اۆاريالار مەن اپاتتار كەزىندەگى شۇعىل شاقىرۋ جۇيەسىن ۇيىمداستىرۋ جانە پايدالانۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ كولىك كوميتەتى ء(ا.ا.اساۆباەۆ): 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنiنەن كەيiن كۇنتiزبەلiك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترىنىڭ مىندەتىن اتقارۋشى ج.قاسىمبەك «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى _______________ ت.دۇيسەنوۆا 2015 جىلعى 15 مامىر «كەلىسىلدى» قازاقستان رەسپۋبليكاسىنىڭ ىشكى ىستەر ءمينيسترى _______________ ك.قاسىموۆ 2015 جىلعى 27 ءساۋىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ مىندەتىن اتقارۋشىنىڭ 2015 جىلعى 17 ساۋىردەگى №466 بۇيرىعىمەن بەكىتىلگەن اۆاريالار مەن اپاتتار كەزىندەگى شۇعىل شاقىرۋ جۇيەسىن ۇيىمداستىرۋ جانە پايدالانۋ قاعيدالارى 1. جالپى ەرەجەلەر 1. وسى اۆاريالار مەن اپاتتار كەزىندەگى شۇعىل شاقىرۋ جۇيەسىن ۇيىمداستىرۋ جانە پايدالانۋ قاعيدالارى (بۇدان ءارى - قاعيدالار) «جول ءجۇرىسى تۋرالى» 2014 جىلعى 17 ساۋىردەگى قازاقستان رەسپۋبليكاسىنىڭ زاڭىنا سايكەس ازىرلەنگەن جانە قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار كەزىندە جەدەل دەن قويۋدى قامتاماسىز ەتۋگە باعىتتالعان. 2. قاعيدالاردا مىناداي نەگiزگi ۇعىمدار پايدالانىلادى: 1) «112» بىرىڭعاي كەزەكشىلىك-ديسپەتچەرلىك «112» قىزمەتى (بۇدان ءارى – 112 قىزمەتى) – توتەنشە جاعدايدىڭ تۋىنداۋ العىشارتتارى نەمەسە تۋىنداۋى, ءورت, ادامداردىڭ ومىرىنە تونگەن قاتەر مەن دەنساۋلىعىنا زيان كەلتىرۋ قاتەرى تۋرالى جانە ءوز قۇزىرەتى شەگىندە شۇعىل قىزمەتتەردىڭ دەن قويۋ جونىندەگى ءىس-قيمىلدارىن كەيىننەن ۇيلەستىرە وتىرىپ شۇعىل كومەك شارالارىن قولدانۋدى قاجەت ەتەتىن وزگە دە جاعدايلار تۋرالى جەكە جانە زاڭدى تۇلعالاردان كەلىپ تۇسەتىن حابارلامالاردى قابىلداۋ جانە وڭدەۋ قىزمەتى; 2) اۆاريالار مەن اپاتتار كەزىندەگى شۇعىل شاقىرۋ جۇيەسى (بۇدان ءارى – شۇعىل شاقىرۋ جۇيەسى) – ناۆيگاتسيالىق سپۋت­نيكتىك جۇيەلەردىڭ سيگنالدارى مەن دەرەكتەرىن پايدالانا وتىرىپ جۇمىس ىستەيتىن, شۇعىل قيمىلدايتىن جەدەل قىزمەت­تەرگە قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار تۋرالى قالىپقا تۇسىرىلگەن اقپارات بەرۋدى قامتاماسىز ەتەتىن مەملەكەتتىك اۆتوماتتاندىرىلعان اقپاراتتىق جۇيە; 3) eCall تۋى – شۇعىل جانە باسىم شاقىرۋ بەلگىسىمەن ءموبيلدى بايلانىس جەلىلەرى ارقىلى اۆتوماتتى تۇردە بەرىلەتىن جول-كولىك وقيعاسى تۋرالى سيگنالى; 4) جاھاندىق ناۆيگاتسيالىق سپۋتنيكتىك جۇيە – جەردەگى جانە عارىشتىق جابدىقتاردىڭ جيىنتىعىنان تۇراتىن, جەردەگى, اۋەدەگى جانە سۋداعى وبەكتىلەر ءۇشىن ورنالاسقان جەرىن (گەوگرافيالىق كوورديناتتارى مەن بيىكتىگىن), سونداي-اق قوزعالىس پارامەترلەرىن (قوزعالىس جىلدامدىعى مەن باعىتىن) انىقتاۋعا ارنالعان كەشەندى ەلەكتروندى-تەحنيكالىق جۇيە; 5) جول-كولiك وقيعاسى – كولiك قۇرالىنىڭ جولدا ءجۇرۋى پروتسەسiندە جانە ونىڭ قاتىسۋىمەن تۋىنداعان, ادامنىڭ دەنساۋلىعىنا زيان كەلتىرۋگە, ولىمىنە, كولىك قۇرالدارىنىڭ, قۇرىلىستاردىڭ, جۇكتەردىڭ ب ۇلىنۋىنە نە وزگە دە ماتەريالدىق زالالعا اكەپ سوققان وقيعا; 6) كولىك قۇرالىنىڭ جاعدايىن باقىلايتىن داتچيكتەر – كولىك قۇرالىندا ورناتىلعان, جول-كولىك وقيعاسى فاكتىسىن انىقتاۋعا مۇمكىندىك بەرەتىن جانە وسى فاكتى تۋرالى اقپاراتتى شاقىرۋ قۇرىلعىسىنا بەرەتىن جەدەلدەتۋ داتچيكتەرى (اكسەلەرومەترلەر) نەمەسە وزگە دە تەحنيكالىق قۇرالدار; 7) كولىك قۇرالىنىڭ يەسى – كولىك قۇرالىنىڭ مەنشىك يەسى, سونداي-اق كولىك قۇرالىن شارۋاشىلىق جۇرگىزۋ قۇقىعىندا نەمەسە جەدەل باسقارۋ قۇقىعىندا نە وزگە دە زاڭدى نەگىزدە (جالداۋ قۇقىعى, كولىك قۇرالىن باسقارۋ قۇقىعىنا سەنىمحات, ءتيىستى ورگاننىڭ وسى ادامعا كولىك قۇرالىن بەرۋ تۋرالى وكىمى) يەلەنەتىن ادام. ءوزىنىڭ قىزمەتتىك نەمەسە ەڭبەك مىندەتتەرىن ورىنداۋىنا وراي, ونىڭ ىشىندە كولىك قۇرالىنىڭ مەنشىك يەسىمەن نەمەسە وزگە دە يەسىمەن جاسالعان ەڭبەك نەمەسە ازاماتتىق-قۇقىقتىق شارت نەگىزىندە كولىك قۇرالىن باسقاراتىن ادام كولىك قۇرالىنىڭ يەسى بولىپ تابىلمايدى; 8) ءوتىنىش بەرۋشى – شاقىرۋ قۇرىلعىسىن تىركەۋ جانە ەسەپكە الۋ ءۇشىن شۇعىل شاقىرۋ جۇيەسىنىڭ وپەراتورىنا جۇگىنگەن جەكە نەمەسە زاڭدى تۇلعا; 9) سەرۆيستىك ورتالىق (شەبەرحانا) – شۇعىل قيمىلدايتىن جەدەل شاقىرۋ قۇرىلعىسىن ورناتۋ مەن قىزمەت كورسەتۋ جونىندەگى قىزمەتتى جۇزەگە اسىراتىن جەكە نەمەسە زاڭدى تۇلعا; 10) شۇعىل قيمىلدايتىن جەدەل قىزمەتتەر – قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار كەزىندە شۇعىل كومەك كورسەتەتىن قىزمەتتەر; 11) شۇعىل قيمىلدايتىن جەدەل قىزمەتتەردى شاقىرۋ قۇرىلعىسى (بۇدان ءارى – شاقىرۋ قۇرىلعىسى) – جۇمىس ىستەپ تۇرعان كەمىندە ەكى جاھاندىق ناۆيگاتسيالىق سپۋتنيكتىك جۇيە سيگنالدارىنىڭ كومەگىمەن كولىك قۇرالىنىڭ كوورديناتتارىن, جىلدامدىعىن جانە قوزعالىس باعىتىن ايقىنداۋدى, جول-كولىك وقيعاسى جانە وزگە دە توتەنشە جاعداي كەزىندە كولىك قۇرالى تۋرالى حابارلاما بەرۋدى, سونداي-اق جىلجىمالى راديوتەلەفون بايلانىسى جەلىلەرى ارقىلى شۇعىل قيمىلدايتىن جەدەل قىزمەتتەرمەن ەكىجاقتى داۋىس بايلانىسىن جۇزەگە اسىراتىن جانە قامتاماسىز ەتەتىن قۇرىلعى; 12) شۇعىل قيمىلدايتىن جەدەل قىزمەتتەردى شاقىرۋ قۇرىلعىسىنان قۇرىلعان دەرەكتەردىڭ ەڭ از جيىنتىعى (بۇدان ءارى – دەرەكتەردىڭ ەڭ از جيىنتىعى) – جول-كولىك وقيعاسى كەزىندەگى شاقىرۋ قۇرىلعىسىمەن بەرىلەتىن جانە شۇعىل دەن قويۋدى ۇيىمداستىرۋ ءۇشىن قاجەتتى اۆاريالىق كولىك قۇرالى ءجۇرىسىنىڭ كوورديناتالارى مەن پارامەترلەرى جانە اۆاريا ۋاقىتى, كولىك قۇرالىنىڭ سايكەستەندىرۋ نومىرلەرى تۋرالى اقپاراتتى قامتيتىن دەرەكتەر جيىنتىعى; 13) شۇعىل شاقىرۋ جۇيەسىنىڭ وپەراتورى – شۇعىل شاقىرۋ جۇيەسىن باسقارۋدى جۇزەگە اسىراتىن ۋاكىلەتتى ۇيىم; 14) «شۇعىل شاقىرۋ» سيگنالى – شۇعىل شاقىرۋ جۇيەسى وپەراتورىنىڭ زارداپ شەككەندەرگە شۇعىل كومەك ۇيىمداستىرۋ ءۇشىن قاجەتتى وڭدەلگەن ەڭ از مولشەردەگى دەرەكتەر جيىنتىعىن قامتيتىن جول-كولىك وقيعاسى نەمەسە وزگە دە توتەنشە جاعداي تۋرالى حابارلاماسى. 3. شۇعىل شاقىرۋ جۇيەسىنىڭ ماقساتى: 1) قازاقستان رەسپۋبليكاسىنىڭ اۆتوموبيل جولدارىنداعى جول-كولىك جانە وزگە دە توتەنشە جاعدايلار تۋرالى اقپاراتتاردى جاھاندىق ناۆيگاتسيالىق سپۋتنيكتىك جۇيەلەر سيگنالدارىن پايدالانۋ نەگىزىندە شۇعىل الۋ, وسى اقپاراتتى شۇعىل شاقىرۋ جۇيەسىن ورنالاستىرىلعان كولىك قۇرالدارى تۋرالى اقپاراتپەن ونى تولىقتىرۋ جولىمەن وڭدەۋ, «112» بىرىڭعاي ءنومىرى بويىنشا 112 قىزمەتىندە وڭدەلگەن اقپاراتتى بەرۋ; 2) جۇيەدە ورنالاستىرىلعان قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار تۋرالى, سونداي-اق شۇعىل دەن قويۋداعى قابىلدانعان شارالار تۋرالى, ولاردىڭ ۋاقىتىلىعى جانە تيىمدىلىگى تۋرالى وڭدەلگەن اقپاراتتى مۇددەلى تۇلعالارعا ۇسىنۋ. 2. شۇعىل شاقىرۋ جۇيەسىن ۇيىمداستىرۋ ءتارتىبى 4. شۇعىل شاقىرۋ جۇيەسىنىڭ قۇرىلىمى: 1) وسى قاعيدالاردىڭ 10-تارماعىندا كورسەتىلگەن اقپاراتتى قامتيتىن اقپاراتتىق رەسۋرستان; 2) مىنالارعا ارنالعان باعدارلامالىق-تەحنيكالىق قۇرالداردان: قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعاسى جانە وزگە دە توتەنشە جاعدايلار تۋرالى, سونداي-اق كولىك قۇرالدارى تۋرالى اقپاراتتى جيناۋ, وڭدەۋ مەن ساقتاۋ, وسى اقپاراتتى بەرۋدى جۇزەگە اسىرعان قۇرىلعى ءۇشىن; شاقىرۋ قۇرىلعىسى تۋرالى اقپاراتتى جيناۋ, وڭدەۋ مەن ساقتاۋ ءۇشىن; 3) شاقىرۋ قۇرىلعىسىنان تۇسكەن اقپاراتتى قابىلداۋدى جانە وسى اقپاراتتى شۇعىل قيمىلدايتىن جەدەل قىزمەتكە بەرۋدى قامتاماسىز ەتەتىن تەحنولوگيالىق ينفراقۇرىلىمنان; 4) قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار كەزىندەگى مەحانيكالىق كولىك قۇرالدارىنىڭ جاعدايى مەن كوورديناتتى-ۋاقىتتىق پارامەترلەرى تۋرالى اقپارات وڭدەۋدى, سونداي-اق وڭدەلگەن اقپاراتتى بەرۋ ءۇشىن اقپاراتتىق-تەلەكوممۋنيكاتسيالىق جەلى ەلەمەنتتەرىن قامتاماسىز ەتەتىن تەحنيكالىق قۇرالداردان جانە اقپاراتتىق تەحنولوگيالاردان تۇرادى. 5. شۇعىل شاقىرۋ جۇيەسىن قۇرۋ جانە جۇمىس ىستەۋىمەن بايلانىستى تۋىنداعان قاتىناستاردىڭ قاتىسۋشىلارى شۇعىل شاقىرۋ جۇيەسىنىڭ وپەراتورى, اقپاراتتى شۇعىل شاقىرۋ جۇيەسىنە ۇسىناتىن ءوتىنىش بەرۋشىلەر, «112» بىرىڭعاي كەزەكشىلىك-ديسپەتچەرلىك «112» قىزمەتى بولىپ تابىلادى. 6. شۇعىل شاقىرۋ جۇيەسىندە ورنالاستىرىلعان اقپاراتتى يەلەنۋشىلەر: 1) قازاقستان رەسپۋبليكاسىنىڭ اۆتوموبيل جولدارىندا جول-كولىك جانە وزگە دە توتەنشە جاعدايلار كەزىندە شۇعىل كومەك كورسەتۋدى قامتاماسىز ەتەتىن مەملەكەتتىك ورگاندار; 2) شۇعىل شاقىرۋ جۇيەسىنىڭ وپەراتورى; 3) كولىك قۇرالدارىن تىركەۋدى جۇزەگە اسىراتىن مەملەكەتتىك ورگاندار; 4) قازاقستان رەسپۋبليكاسىنىڭ اۋماعىندا اينالىمعا كولىك قۇرالدارىن شىعارۋمەن اينالىساتىن ۇيىمدار; 5) قازاقستان رەسپۋبليكاسىنىڭ اۋماعىندا پايدالانۋدا تۇرعان جانە شاقىرۋ قۇرىلعىسىمەن جاراقتالعان كولىك قۇرالدارىنىڭ مەنشىك يەلەرى بولىپ تابىلادى. 7. شاقىرۋ قۇرىلعىسىمەن جاراقتاندىرۋ: 1) شاقىرۋ قۇرىلعىسىمەن جاراقتاندىرۋعا جاتاتىن كولىكتىك قۇرالدار مەنشىك يەلەرى (يەلەرى) كولىكتە ورناتىلعان شۇعىل قيمىلدايتىن جەدەل قىزمەتتەردىڭ شاقىرۋ قۇرىلعىسىن شۇعىل شاقىرۋ جۇيەسىنىڭ وپەراتورىندا تىركەيدى. 2) شاقىرۋ قۇرىلعىسىن تىركەۋ مەن ەسەپكە الۋدى شۇعىل شاقىرۋ جۇيەسىنىڭ وپەراتورى جۇزەگە اسىرادى. 8. قازاقستان رەسپۋبليكاسىنىڭ اۋماعىندا پايدالانىمداعى جانە مەنشىك يەسىنىڭ باستاماسى بويىنشا شاقىرۋ قۇرىلعىسىمەن جاراقتالعان كولىك قۇرالدارى شۇعىل شاقىرۋ جۇيەسى وپەراتورىنا وسى قاعيدالاردىڭ 10-تارماعىنىڭ 3) تارماقشاسىندا كورسەتىلگەن اقپاراتتى, سونداي-اق شاقىرۋ قۇرىلعىسى ابونەنتىنىڭ جەكە تىركەۋ ءنومىرىن ۇسىنادى. 9. ۇيالى بايلانىس وپەراتورلارى ەCall تۋىن شۇعىل شاقىرۋ جۇيەسى وپەراتورىنا بەرۋدى قامتاماسىز ەتەدى, سونداي-اق باسىمدىقتى شاقىرۋدى جانە زارداپ شەككەندى نەمەسە قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلاردا زارداپ شەككەندەردى شۇعىل شاقىرۋ جۇيەسى وپەراتورىمەن ەكى جاقتى قوسۋدى جۇزەگە اسىرادى. 10. شۇعىل شاقىرۋ جۇيەسىنىڭ اقپاراتتىق رەسۋرسى وزىنە مىنالاردى قامتيدى: 1) كارتوگرافيالىق اقپارات; 2) شاقىرۋ قۇرىلعىسىنان تۇسكەن سيگنالداردى قابىلداۋ نەگىزىندە الىنعان كولىك قۇرالىنىڭ ورنالاسقان جەرى تۋرالى اقپارات; 3) شۇعىل شاقىرۋدىڭ تىركەلگەن قۇرىلعىلارىمەن جاراقتالعان كولىك قۇرالدارى, مەملەكەتتىك تىركەۋ بەلگىلەرى, كولىك قۇرالىنىڭ سايكەستەندىرۋ نومىرلەرى (ولار بولعان جاعدايدا), كولىك قۇرالدارى شاناقتارىنىڭ ءنومىرى, ماركاسى, ۇلگىسى, ءتۇسى تۋرالى اقپارات; 4) قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى تۋرالى جانە وزگە دە توتەنشە جاعدايلار تۋرالى اقپارات بەرىلگەن شاقىرۋ قۇرىلعىسىنان بەرىلگەن كوورديناتتىق-ۋاقىتتىق اقپارات; 5) قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلار تۋرالى كولىك قۇرالدارىنىڭ جاعدايىن باقىلايتىن داتچيكتەردىڭ كومەگىمەن الىنعان قوسىمشا اقپارات (ول بولعان جاعدايدا); 6) شاقىرۋ قۇرىلعىسىنان جانە كولىكتىڭ جاعدايىن باقىلايتىن داتچيكتەرىنەن شۇعىل قيمىلدايتىن جەدەل قىزمەتتەرگە بەرىلگەن اقپارات; 7) قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلارعا دەن قويۋ شارالارى تۋرالى اقپارات: قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلارعا دەن قويۋدى جۇزەگە اسىرعان شۇعىل قيمىلدايتىن جەدەل قىزمەتتەر بولىمشەلەرىنىڭ اتاۋى; شۇعىل دەن قويۋ قىزمەتتەرىنىڭ بولىمشەلەرىنە بەرىلگەن اقپاراتتىڭ ناقتى ۋاقىتى; قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلارعا دەن قويۋدىڭ باستاپقى ۋاقىتى; قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلار بولعان جەرگە بولىمشەلەردىڭ كەلۋ ۋاقىتى. 8) قازاقستان رەسپۋبليكاسىنىڭ اۆتوموبيل جولدارىنداعى شۇعىل شاقىرۋ جۇيەسىندە وڭدەلگەن جول-كولىك وقيعالارى مەن وزگە دە توتەنشە جاعدايلار تۋرالى ستاتيستيكالىق جانە تالدامالىق اقپارات. 3. شۇعىل شاقىرۋ جۇيەسىن پايدالانۋ ءتارتىبى 11. شۇعىل شاقىرۋ جۇيەسىنىڭ وپەراتورى اقپاراتتى وڭدەۋدى اقپاراتتى قورعاۋ شارالارىن قامتاماسىز ەتىپ, قۇپيالىلىق جاعدايىندا جۇزەگە اسىرادى. 12. شۇعىل شاقىرۋ جۇيەسىندە ورنالاستىرىلعان اقپارات: 1) قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلار تۋرالى شۇعىل قيمىلدايتىن جەدەل قىزمەتتەرگە; 2) ءوز مەنشىگىندەگى (يەلىگىندەگى) كولىك قۇرالدارىنىڭ كوورديناتتىق-ۋاقىتتىق پارامەترلەرى جانە شۇعىل قيمىل­دايتىن قىزمەتتەردىڭ سيگنالدى قابىلداۋى جانە دەن قويۋدى باستاۋى تۋرالى قازاقستان رەسپۋبليكاسىنىڭ اۋماعىندا شاقىرۋ قۇرىلعىلارىمەن جاراقتالعان كولىك قۇرالدارىن پايدالاناتىن مەنشىك يەلەرىنە (يەلەرىنە) ۇسىنىلادى. 13. وسى قاعيدالاردىڭ 10-تارماعىنىڭ 4) تارماقشاسىندا كورسەتىلگەن اقپارات شاقىرۋ قۇرىلعىسىنىڭ كومەگىمەن قالىپتاسىپ, شۇعىل شاقىرۋ جۇيەسىنە اقپارات يەلەرى كولىك قۇرالدارىندا ورناتىلعان شاقىرۋ قۇرىلعىلارىنىڭ تۇرىنە قاراي اۆتوماتتى رەجيمدە نەمەسە قولمەن رەجيمىندە بەرىلەدى. اقپارات اۆتوماتتى رەجيمدە باعدارلامالىق-تەحنيكالىق قۇرالدارمەن قالىپتاستىرىلادى. 14. وسى قاعيدالاردىڭ 10-تارماعىنىڭ 7) تارماقشاسىندا كورسەتىلگەن اقپارات شۇعىل شاقىرۋ جۇيەسىندە شۇعىل قيمىلدايتىن جەدەل قىزمەتتەر ورنالاستىرادى. 15. اقپاراتتى جۇيەگە ورناتۋعا بەرەتىن اقپارات يەلەرى كورسەتىلگەن اقپاراتتىڭ تولىقتىعىن جانە انىقتىعىن قامتاماسىز ەتەدى. 16. شاقىرۋ قۇرىلعىسىن ورناتۋ جانە بەلسەندىلەندىرۋ ءراسىمىن وتكىزگەننەن كەيىن سەرۆيستىك ورتالىق كەلەسى جۇمىس كۇنىنەن كەش ەمەس مەرزىمدە شۇعىل شاقىرۋ جۇيە وپەراتورىنا اۆتوكولىكتىڭ يەسى (يەسى) تۋرالى, سونىڭ ىشىندە شۇعىل شاقىرۋ جۇيەسىن پايدالانۋشىنىڭ كارتوچكاسىن قالىپتاستىرۋ ماقساتىندا اۆتوكولىكتىڭ جەكەلەگەن سايكەستەندىرۋ بەلگىلەرىنە قاتىستى اقپاراتتى جىبەرەدى. 17. شۇعىل شاقىرۋ جۇيەسىنىڭ وپەراتورى پايدالانۋشىلاردىڭ كارتوچكاسىن شۇعىل شاقىرۋ جۇيەسىنىڭ دەرەكقورىندا دەربەس قالىپتاستىرادى. 18. شۇعىل شاقىرۋ جۇيەسىنىڭ دەرەكقورىن شۇعىل شاقىرۋ جۇيەسىنىڭ وپەراتورى 112 قىزمەتى ۇسىناتىن اقپاراتتى وسىنداي اقپاراتتىڭ تۇسۋىنە جانە ونىڭ جاڭارتىلۋىنا نە تۇزەتىلۋىنە قاراي جيناۋ, وڭدەۋ, جيناقتاۋ جانە ساقتاۋ جولىمەن قالىپتاستىرادى. 19. شۇعىل قيمىلدايتىن جەدەل قىزمەتتەر مەن شۇعىل شاقىرۋ جۇيەسىنىڭ وپەراتورى اراسىنداعى اقپارات الماسۋ اقپارات جۇيەلەردى جانە اقپاراتتىق تەحنولوگيالاردى, ونىڭ ىشىندە اقپاراتتى ەلەكتروندىق ادىستەرمەن بەرۋگە نەگىزدەلگەندەردى, سونداي-اق ولاردى قامتاماسىز ەتۋ قۇرىلدارىن پايدالانۋ ارقىلى جاسالادى. 20. شۇعىل شاقىرۋ جۇيەسىنىڭ وپەراتورى شۇعىل شاقىرۋ جۇيەسىنىڭ دەرەكقورلارىن قالىپتاستىرۋ ءۇشىن 112 قىزمەتىمەن اقپاراتتى اي سايىنعى سالىستىرۋدى جۇرگىزەدى. 21. شۇعىل شاقىرۋ جۇيەسى مەن 112 قىزمەتى تاۋلىك بويعى رەجيمدە جۇمىس ىستەيدى جانە شاقىرۋلارعا شۇعىل دەن قويۋدى ۇيىمداستىرۋعا ۇدايى دايىندىقتا بولادى. 22. جاھاندىق ناۆيگاتسيالىق سپۋتنيكتىك جۇيەلەردىڭ سيگنالدارى مەن دەرەكتەرىن قابىلداۋدى جانە شۇعىل شاقىرۋ جۇيەسىندەگى حابارلامالاردى وڭدەۋدى شۇعىل شاقىرۋ جۇيەسى وپەراتورىنىڭ پەرسونالى جۇزەگە اسىرادى, ول حابارلامالاردىڭ انىقتىعىن تەكسەرەدى, وقيعانىڭ نەگىزگى سيپاتتاماسىن ەنگىزەدى, سونداي-اق شاقىرۋدىڭ انىقتىعى راستالعان كەزدە ونى 112 قىزمەتىنە بەرۋدى ۇيىمداستىرادى. 23. 112 قىزمەتى شۇعىل شاقىرۋ جۇيەسى وپەراتورىنان شۇعىل حابارلامالاردى قابىلداپ, وڭدەپ, ونى قازاقستان رەسپۋبليكاسى اۆتوموبيل جولدارىنداعى جول-كولىك وقيعالارى مەن وزگە دە توتەنشە جاعدايلاردىڭ سالدارلارىن جويۋ ءۇشىن ءتيىستى شۇعىل قيمىلدايتىن جەدەل قىزمەتتەرگە جەتكىزۋدى قامتاماسىز ەتەدى. 24. وقيعاعا دەن قويۋ ءىس-شارالارىن ۇيلەستىرۋدى, دەن قويۋ ناتيجەلەرى بويىنشا الىنعان اقپاراتتى تالداۋدى, ءىس-قيمىلدى انىقتاۋ مەن ناقتىلاۋدى, تارتىلعان جانە ءوزارا ءىس-قيمىل جاسايتىن شۇعىل قيمىلدايتىن جەدەل قىزمەتتەردىڭ كەزەكشىلىك-ديسپەتچەرلىك قىزمەتتەرىنە توتەنشە جەدەل قىزمەتتەردىڭ كەزەكشى ديسپەتچەرلىك قىزمەتتەرىنە قابىلدانعان جانە ءىس اسىرىلىپ جاتقان شارالار تۋرالى حابارلاۋدى 112 قىزمەتىنىڭ پەرسونالى جۇزەگە اسىرادى. 112 قىزمەتى شۇعىل شاقىرۋ جۇيەسىنە قابىلدانعان حابارلاماعا جەدەل دەن قويۋ بويىنشا ءىس-شارالاردىڭ بارىسى تۋرالى جانە اياقتالعاندىعى تۋرالى اقپاراتتى بەرەدى. 25. شۇعىل شاقىرۋ جۇيەسى جانە 112 قىزمەتى وقيعالاردىڭ نەگىزگى سيپاتتامالارى تۋرالى, ولاردىڭ باستالۋى, اياقتالۋى جانە الىنعان حابارلامالارعا شۇعىل دەن قويۋدىڭ نەگىزگى ناتيجەلەرى تۋرالى دەرەكقور جۇرگىزەدى, شاقىرۋ قۇرىلعىسىنان الىنعان قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار تۋرالى حابارلامالاردىڭ بارلىق كىرىس جانە شىعىس حابارلامالارىن تىركەيدى. 26. شۇعىل حابارلامالاردى بەرۋ مەن كولىك قۇرالدارىنداعى ادامدارمەن ەكى جاقتى دىبىستىق بايلانىستى ورناتۋ بىرىڭعاي «112» نومىرىنە شۇعىل شاقىرۋ (وسى شاقىرۋعا قىزمەت كورسەتۋ ءۇشىن ورناتىلعان سايكەستەندىرۋشىلەردىڭ ءبىرى) ارقىلى جۇزەگە اسىرىلادى. 27. شۇعىل شاقىرۋ جۇيەسى جانە 112 قىزمەتى قوسىلۋ كەنەت ۇزىلگەن جاعدايدا, شاقىرۋ قۇرىلعىسىنان جۇگىنگەن ادامنىڭ پايدالانۋ (سوڭعى) جابدىعىمەن قوسىلۋدى اۆتوماتتى تۇردە قالپىنا كەلتىرۋ مۇمكىندىگىن قاراستىرادى. 28. شۇعىل كومەك كورسەتۋگە سۇراۋ سالۋ شۇعىل شاقىرۋ جۇيەسىمەن باستاماشىلىق جاساۋ ارقىلى شاقىرۋ قۇرىلعىسىمەن جۇزەگە اسىرىلادى جانە مىناداي تاسىلدەرمەن جۇزەگە اسىرىلادى: 1) قازاقستان رەسپۋبليكاسىنىڭ اۆتوموبيل جولدارىنداعى جول-كولىك وقيعالارى جانە وزگە دە توتەنشە جاعدايلار كەزىندە كولىك قۇرالىنىڭ جۇرگىزۋشىسى نەمەسە جولاۋشىسى شاقىرۋ قۇرىلعىسى پايدالانۋشىسىنىڭ ينتەرفەيس بلوگىنداعى «شۇعىل شاقىرۋ» كنوپكاسىن باسۋ ارقىلى جۇزەگە اسىرىلاتىن, قولمەن شۇعىل شاقىرۋعا باستاماشىلىق جاساۋ; 2) شاقىرۋ قۇرىلعىسى اۆتوماتتى تۇردە ىسكە قوسىلعان كەزدە شۇعىل شاقىرۋعا باستاماشىلىق جاساۋ. 29. باستاماشىلىق جاساۋ تاسىلىنە قاراماي, شۇعىل شاقىرۋعا باستاماشىلىق جاساۋ ساتىندە شاقىرۋ قۇرىلعىسىنىڭ شۇعىل حابارلاماسى قۇرامىندا بەرىلۋگە جاتاتىن جول-كولىك وقيعاسى تۋرالى دەرەكتەردىڭ ەڭ از جيىنتىعىن اۆتوماتتى تۇردە قالىپتاستىرۋ جۇزەگە اسىرىلادى. 30. شاقىرۋ قۇرىلعىسىنان حابارلامانى العاننان كەيىن شۇعىل شاقىرۋ جۇيەسىنىڭ وپەراتورى حابارلامانى وڭدەۋدى جۇرگىزەدى. 31. حابارلامانى وڭدەۋ كەزىندە شۇعىل شاقىرۋ جۇيەسىنىڭ وپەراتورى قازاقستان رەسپۋبليكاسىنىڭ اۆتوموبيل جول­دا­رىنداعى جول-كولىك وقيعالارى جانە وزگە دە توتەنشە جاعدايلار تۋرالى سيگنالدىڭ دۇرىستىعىن انىقتايدى. دۇ­رىس حابار­لامانى وڭدەۋ پروتسەسىنىڭ اياقتالۋ نىسانى قالىپتاستىرعان «شۇعىل شاقىرۋ» كارتوچكاسى بولىپ تابىلادى. 32. «شۇعىل شاقىرۋ» كارتوچكاسىن قالىپتاستىرىلعاننان كەيىن شۇعىل شاقىرۋ جۇيەسىنىڭ وپەراتورى «شۇعىل شاقىرۋ» سيگنالىن 112 قىزمەتىنە بەرۋدى ۇيىمداستىرادى. 33. شۇعىل شاقىرۋ جۇيەسىنىڭ وپەراتورى شاقىرۋ قۇرىلعىسىنان الىنعان شۇعىل حابارلامالاردى سۇرىپتاۋدى قوسا العاندا, قابىلداۋدى جانە وڭدەۋدى, ولاردىڭ نەگىزىندە جانە شۇعىل شاقىرۋ جۇيەسىنىڭ شۇعىل حابارلامالارىنىڭ قوسىمشا اقپاراتىن پايدالانۋ نەگىزىندە دايىنداۋ جانە ولاردى باعدارلامالىق-اقپاراتتىق قۇرالداردى جانە شۇعىل شاقىرۋ جۇيەسىنىڭ ينفراقۇرىلىمىن پايدالانۋ ارقىلى 112 قىزمەتىنە جەتكىزۋدى قامتاماسىز ەتەدى. 34. «شۇعىل شاقىرۋ» سيگنالىن العان كەزدە 112 قىزمەتىنىڭ جەدەل كەزەكشىسى شۇعىل قيمىلدايتىن كومەكتىڭ قاجەت كولەمىن انىقتايدى, زارداپ شەككەندەرگە ساپالى شۇعىل قيمىلدايتىن جەدەل كومەكتى ۇيىمداستىرىلۋى ءۇشىن قاجەتتى كۇشتەر مەن قۇرالداردى انىقتايدى جانە شۇعىل قيمىلدايتىن جەدەل قىزمەتتەردىڭ وقيعا ورنىنا شىعۋىن ۇيىمداس­تىرادى. قاجەت بولعان جاعدايدا 112 قىزمەتىنىڭ جەدەل كەزەكشىسى جول-كولىك وقيعاسى زارداپ شەگۋشىگە/زارداپ شەگۋشىلەرگە پسيحولوگيالىق كومەكتى ۇيىمداستىرادى, سونداي-اق جول-كولىك وقيعاسى بولعان جەردە اۆاريالىق-قۇتقارۋ قۇرامالارىنىڭ ءىس-قيمىل جاساۋىنىڭ تۇراقتى مونيتورينگىن جانە اعىمداعى جاعداي تۋرالى اقپاراتتى جەتكىزۋدى جۇزەگە اسىرادى. 35. زارداپ شەككەندەرگە كورسەتىلگەن شۇعىل كومەك قورىتىندىلارى بويىنشا 112 قىزمەتىنىڭ جەدەل كەزەكشىسى شۇعىل شاقىرۋ جۇيەسىنىڭ وپەراتورىنا اتقارىلعان ءىس-شارالار تۋرالى اقپارات جىبەرەدى, ونىڭ نەگىزىندە شۇعىل شاقىرۋ جۇيەسىنىڭ وپەراتورى «شۇعىل شاقىرۋ» كارتوچكاسىن جابۋ بويىنشا ءىس-قيمىل جۇرگىزەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 19 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11403 بولىپ ەنگىزىلدى.