قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №402

  2015 جىلعى 31 ناۋرىز, استانا قالاسى ەنەرگيا-سەرۆيستىك شارتتىڭ ۇلگىلىك نىساندارىن بەكىتۋ تۋرالى «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» 2012 جىلعى 13 قاڭتارداعى قازاقستان رەسپۋبليكاسىنىڭ زاڭى 5-بابىنىڭ 17-1) تارماقشاسىنا سايكەس بۇيىرامىن: 1. قوسا بەرiلiپ وتىرعان ەنەرگيا-سەرۆيستىك شارتتىڭ ۇلگىلىك نىساندارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق.ەرجانوۆ): 1) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنiنەن كەيىن كۇنتiزبەلiك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ «كەلىسىلگەن» قازاقستان رەسپۋبليكاسىنىڭ قارجى ءمينيسترى ______________ ب. سۇلتانوۆ 2015 جىلعى 10 ماۋسىم «كەلىسىلگەن» قازاقستان رەسپۋبليكاسىنىڭ ۇلتتىق ەكونوميكا ءمينيسترى ______________ ە.دوساەۆ 2015 جىلعى 22 ماۋسىم قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 31 ناۋرىزداعى №402 بۇيرىعىمەن بەكىتىلگەن ەنەرگيا-سەرۆيستىك شارتتىڭ ۇلگىلىك نىساندارى ________________________ 20__ جىلعى «__»_______________ (شارتتىڭ جاسالعان ورنى) بۇدان ءارى «تاپسىرىس بەرۋشى» دەپ اتالاتىن _______________________________________________________________________________________اتىنان (زاڭدى تۇلعانىڭ اتاۋى, جسن) _________________________________________________________________________نەگىزىندە ارەكەت ەتەتىن ____________________________________________________________________________________________, (تۇلعانىڭ لاۋازىمى, ت.ا.ءا.) ءبىر جاعىنان, جانە بۇدان ءارى «ورىنداۋشى» دەپ اتالاتىن _______________________________________________________________________________________اتىنان (زاڭدى تۇلعانىڭ اتاۋى, جسن) _________________________________________________________________________نەگىزىندە ارەكەت ەتەتىن _____________________________________________________________________________________________, (تۇلعانىڭ لاۋازىمى, ت.ا.ءا.) بۇدان ءارى بىرلەسىپ «تاراپتار» دەپ اتالاتىندار, «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» 2012 جىلعى 13 قاڭتارداعى قازاقستان رەسپۋبليكاسىنىڭ زاڭىنا سايكەس تاپسىرىس بەرۋشىنىڭ ەنەرگيا رەسۋرستارىن ءتيىمدى پايدالانۋدى قامتاماسىز ەتۋ ماقساتىندا وسى ەنەرگيا-سەرۆيستىك شارتتى (بۇدان ءارى – شارت) جاساستى. 1. شارتتا پايدالانىلاتىن نەگىزگى ۇعىمدار 1. وسى شارتتا مىناداي نەگiزگi ۇعىمدار پايدالانىلادى: 1) ەنەرگەتيكالىق بازيس – ورىنداۋشى ەنەرگيالىق ءتيىمدى ءىس-شارالاردى ىسكە-اسىرماعان بولسا, تاپسىرىس بەرۋشىنىڭ قازىرگى وبەكتىلەرىندە پايدالانىلاتىن ەنەرگەتيكالىق رەسۋرستاردىڭ ءاربىر ءتۇرىن ەسەپتەۋ. كەلىسىلگەن شارت اياسىندا جىل بويى قولدانىلعان ەنەرگيا رەسۋرستارى كورسەتكىشتەرى وسى جىلعى كەلىسىمدە كورسەتىلەدى. 2) ەنەرگيا تيىمدىلىك ءىس-شارالارى – جاڭا قوندىرعىلاردى ورناتۋ, تاپسىرىس بەرۋشىنىڭ وبەكتىلەرىندە عيماراتتاردى نەمەسە قولدانىستاعى قوندىرعىلاردى اۋىستىرۋ نەمەسە جاڭعىرتۋ, نەمەسە ەنەرگەتيكالىق رەسۋرستاردى ازايتۋ نەمەسە ءتيىمدى تۇتىنۋ ءۇشىن قايتا قارالعان ءىس-قيمىلدار جانە قىزمەت كورسەتى راسىمدەرى; 3) ەنەرگيا رەسۋرستارىن ۇنەمدەۋ – ورىنداۋشىنىڭ ەنەرگيا تيىمدىلىك ءىس-شارالارىن ىسكە-اسىرۋ سالدارى بولىپ تابىلاتىن ەنەرگەتيكالىق رەسۋرستاردى تقتىنۋدى قىسقارتۋ. ەنەرگەتيكالىق رەسۋرستاردى ۇنەمدەۋ ورىنداۋشى ەنەرگيا تيىمىلىك ءىس-شارالارىن ورنىداعاننا (ورىنداۋعا كىرىسكەننەن) كەيىن ەنەرگەتيكالىق ءبازيستى ەنەرگەتيكالىق رەسۋرستاردى تۇتىنۋ كولەمىمەن (پايدالانىلاتىن ەنەرگەتيكالىق رەسۋرستاردى ەسەپكە الۋ اسپاپتارىنىڭ دەرەكتەرى بويىنشا) سالىستىرۋ كەزىندە انىقتالادى. 2. شارتتىڭ ءمانi 2. وسى شارت شەڭبەرىندە ورىنداۋشى تاپسىرىس بەرۋشىنىڭ جۇگىنۋى بويىنشا ەنەرگيا ۇنەمدەۋگە جانە تاپسىرىس بەرۋشى ەنەرگەتيكالىق رەسۋرستاردى پايدالانۋىنىڭ ەنەرگەتيكالىق تيىمدىلىگىن ارتتىرۋعا باعىتتالعان ءىس-ارەكەتتەردى جۇزەگە اسىرادى, ونىڭ ىشىندە تاپسىرىس بەرۋشىنىڭ وبەكتىلەرىندە ەنەرگيا ءتيىمدى ءىس-شارالاردى جۇزەگە اسىرادى, ال تاپسىرىس بەرۋشى ەنەرگيا ءتيىمدى ءىس-شارالاردى ىسكە اسىرۋ ناتيجەسىندە ۇنەمدەۋدەن الىنعان قاراجات ەسەبىنەن ورىنداۋشىعا قىزمەتتەردىڭ (جۇمىستاردىڭ) اقىسىن تولەيدى. 3. شارت: 1) ورىنداۋشى وسى شارتتى ورىنداۋ ناتيجەسىندە ورىنداۋشى قامتاماسىز ەتۋگە ءتيىس ەنەرگەتيكالىق رەسۋرستاردىڭ شاماسى (زاتتاي كورىنىستە) تۋرالى; 2) وسى شارتتا بەلگىلەنگەن ەنەرگەتيكالىق رەسۋرستاردى ۇنەمدەۋ شاماسىنا قول جەتكىزۋ ءۇشىن قاجەتتى مەرزىمنەن كەم بولماۋعا ءتيىس وسى شارتتىڭ قولدانىس مەرزىمى تۋرالى; 3) پايدالانىلاتىن ەنەرگەتيكالىق رەسۋرستاردى جىل سايىنعى ۇنەمدەۋدەن الىناتىن قاراجات ەسەبىنەن قىزمەتتەرگە (جۇمىستارعا) تولەم جۇرگىزۋ تۋرالى شارتتاردى قامتۋعا ءتيىس. 4. وسى شارت شەڭبەرىندە جۇزەگە اسىرىلاتىن ەنەرگيا ءتيىمدى ءىس-شارالاردىڭ تىزبەسى ەنەرگيا ۇنەمدەۋ جانە ارتتىرۋ ەنەرگيا تيىمدىلىگى بويىنشا قورىتىندىعا (ەنەرگواۋديت قورىتىندىسىنا) سايكەس انىقتالادى. 5. وسى شارت شەڭبەرىندە بارلىق جۇمىستار قازاقستان رەسپۋبليكاسىنىڭ قولدانىستاعى زاڭناماسىنىڭ تالاپتارىنا, قازاقستان رەسپۋبليكاسىنىڭ قۇرىلىس نورمالارى مەن قاعيدالارىنىڭ نورماتيۆتىك تالاپتارىنا, قۇرىلىس جانە كۇردەلى جوندەۋ سالاسىنداعى قازاقستان رەسپۋبليكاسىنىڭ مەملەكەتتىك ستاندارتتارىنا جانە تەحنيكالىق شارتتارعا سايكەس ورىندالۋعا ءتيىس. وسى شارتتىڭ قولدانىلۋى مەملەكەتتىك مەكەمەلەرگە تارالمايدى. 3. باعا جانە ەسەپتەۋ ءتارتىبى 6. وسى شارت بويىنشا باعا وسى شارتتى ىسكە اسىرۋ ناتيجەسىندە قول جەتكىزىلگەن نە قول جەتكىزىلۋى جوسپارلانعان كورسەتكىشتەرگە سۇيەنە وتىرىپ, ونىڭ ىشىندە ۇنەمدەلگەن ەنەرگەتيكالىق رەسۋرستاردىڭ قۇنىنا نەمەسە ءونىم بىرلىگىنە ۇلەستىك ەنەرگيا تۇتىنۋدىڭ تومەندەۋى ەسەبىنەن قالىپتاساتىن ەنەرگەتيكالىق رەسۋرستاردى ۇنەمدەۋگە سۇيەنە وتىرىپ, انىقتالۋعا ءتيىس. 7. وسى شارت بويىنشا جۇمىستاردى ورىنداۋ ءۇشىن ورىنداۋشىعا تولەۋگە جاتاتىن پايىز ۇنەمدەۋدەن ______ %-دى قۇرايدى. وسى ۇنەمدەۋ پايىزى وسى شارتتى ورىنداۋ بارىسىندا وزگەرتۋگە جاتپايدى. _____ % ۇنەمدەۋ تاپسىرىس بەرۋشىنىڭ باسقارۋىندا قالادى. 8. وسى شارت بويىنشا ەسەپتەر جارتى جىلدا/جىلىنا ءبىر رەت اي سايىن /توقسان سايىن/ جۇزەگە اسىرىلادى. 9. وسى شارت بويىنشا ەسەپتەر ەسەپتىك كەزەڭدە قالىپتاسقان زاتتاي كورىنىستە ەنەرگەتيكالىق رەسۋرستاردى ءىس جۇزىندە ۇنەمدەۋگە, سونداي-اق ەسەپتەۋ كۇنىنە ءىس جۇزىندە قالىپتاسقان ءتيىستى ەنەرگەتيكالىق رەسۋرستارعا باعالار (تاريفتەر) بويىنشا قۇندىق كورىنىستە انىقتالعان مۇنداي ۇنەمدەۋدىڭ پايىزىنا سۇيەنە وتىرىپ, جۇزەگە اسىرىلادى. بۇل رەتتە ەسەپتەۋلەردە مىناداي مالىمەتتەر ەسكەرىلۋگە ءتيىس: 1) الدىڭعى ايداعى ءىس جۇزىندە تۇتىنىلعان ەنەرگەتيكالىق رەسۋرستاردى جانە ءىس جۇزىندە بەرىلگەن تاۋارلىق ءونىمدى ەسەپتەۋ اسپاپتارىنىڭ كورسەتكىشتەرى; 2) الدىڭعى كەزەڭدەگى (اي, توقسان, جارتى جىل, جىل) اقشالاي كورىنىستەگى ەنەرگەتيكالىق رەسۋرستاردىڭ ءىس جۇزىندەگى ۇنەمدەلۋى; 3) كەزەكتى كەزەڭگە (اي, توقسان, جارتى جىل, جىل) اۋدارىلۋعا جاتاتىن ءىس جۇزىندەگى سوما. 10. ەسەپتەردى جۇرگىزۋ ماقساتىندا ورىنداۋشى ەسەپتىك كەزەڭنەن كەيىنگى كەزەڭنىڭ 5 كۇنىنە دەيىنگى مەرزىمدە تاپسىرىس بەرۋشىگە ەسەپتىك كەزەڭدەگى, ونىڭ ىشىندە ەنەرگەتيكالىق رەسۋرستاردى ءىس جۇزىندە ۇنەمدەۋ ەسەبىن جانە وسى شارتتىڭ 9-تارماعىنا سايكەس انىقتالعان مۇنداي ۇنەمدەۋدەن ورىنداۋشىعا تولەۋگە جاتاتىن پايىز ەسەبىن قامتيتىن پايدالانىلاتىن ەنەرگەتيكالىق رەسۋرستاردى ەسەپتەۋ اسپاپتارىنىڭ كورسەتكىشتەرىن سالىستىرىپ تەكسەرۋ اكتىسىن جىبەرەدى. 11. تاپسىرىس بەرۋشى وسى شارتتىڭ 10-تارماعىندا كورسەتىلگەن قۇجاتتار كەلىپ تۇسكەن كۇننەن باستاپ 3 ء(ۇش) جۇمىس كۇنى ىشىندە سالىستىرىپ تەكسەرۋ اكتىسى قاراۋعا جانە وعان قول قويۋعا نە انىقتالعان كەمشىلىكتەردى كورسەتە وتىرىپ, ورىنداۋشىعا جازباشا نىساندا نەگىزدى قارسىلىقتى جىبەرۋگە مىندەتتى. 12. تاپسىرىس بەرۋشىنىڭ تالاپتارى نەگىزدى بولعان جاعدايدا ورىنداۋشى نەگىزدى قارسىلىق كەلىپ تۇسكەن كۇننەن باستاپ 5 (بەس) جۇمىس كۇنى ىشىندە انىقتالعان كەمشىلىكتەردى ءوز كۇشىمەن جانە ءوز ەسەبىنەن جويادى. سالىستىرىپ تەكسەرۋ اكتىسىنە قول قويۋ كورسەتىلگەن كەمشىلىكتەردى ورىنداۋشى جويعاننان كەيىن ءبىر جۇمىس كۇنى ىشىندە جۇزەگە اسىرىلادى. 13. سالىستىرىپ تەكسەرۋ اكتىسىنە وسى شارتتىڭ 11-تارماعىندا كورسەتىلگەن مەرزىمدەردە قول قويىلماعان جانە جازباشا تۇردە تاپسىرىس بەرۋشىنىڭ نەگىزدى قارسىلىقتارى بولماعان جاعدايدا ورىنداۋشى تاپسىرىس بەرۋشىگە تولەۋگە ورىنداۋشى ءبىر جاقتى تارتىپپەن قول قويعان سالىستىرىپ تەكسەرۋ اكتىسىمەن ۇسىنىلعان ەسەپتەر بويىنشا سومانى ۇسىنۋعا قۇقىلى. 14. سالىستىرىپ تەكسەرۋ اكتىسىنە قول قويىلعان كۇننەن باستاپ 3 ء(ۇش) جۇمىس كۇنى ىشىندە تاپسىرىس بەرۋشى ورىنداۋشىنىڭ ەسەپتىك شوتىنا اقشالاي قاراجاتتى (ەسەپتەۋدىڭ قولما-قول اقشاسى نىسانى) ورىنداۋشىمەن ەسەپ ايىرىسۋلاردى جۇزەگە اسىرادى. 15. ءاربىر كۇنتىزبەلىك جىل اياقتالعاننان كەيىن تاراپتار وسى شارت شەڭبەرىندە تولەمدەردى سالىستىرىپ تەكسەرۋدى جۇرگىزەدى. 4. ەنەرگيا ءتيىمدى ءىس-شارالار جوسپارى 16. ەنەرگيا ءتيىمدى ءىس-شارالار جوسپارى (بۇدان ءارى- جوسپار) وسى شارتتىڭ اجىراماس بولىگى بولىپ تابىلادى. 17. جوسپار: 1) جابدىق, تاپسىرىس بەرۋشىنىڭ وبەكتىلەرىندەگى قولدانىستاعى جابدىقتى/عيماراتتى جاڭعىرتۋ (تۇرلەندىرۋ) نەمەسە اۋىستىرۋ نەمەسە ەنەرگيا تۇتىنۋدى جانە تاپسىرىس بەرۋشىنىڭ وبەكتىلەرىندە كوممۋنالدىق قىزمەتتەردىڭ كولەمىن ازايتۋعا الىپ كەلەتىن ءىس-ارەكەتتەر مەن قىزمەت كورسەتۋ راسىمدەرىن قايتا قاراۋ بويىنشا ءىس-شارالار تىزبەسىن (جوسپار وسى شارتتى ىسكە اسىرۋدىڭ باستاپقى كەزەڭىندە پايدالانىلاتىن ەنەرگەتيكالىق رەسۋرستاردى ەسەپتەۋ اسپاپتارىن ورناتۋ جانە پايدالانۋعا بەرۋ بويىنشا ءىس-شارانى كوزدەۋگە ءتيىس); 2) جوسپاردا كوزدەلەتىن ءاربىر ءىس-شارانى ىسكە اسىرۋ مەرزىمىن; 3) ەسەپتىك كەزەڭ اياقتالعاننان كەيىن زاتتاي كورىنىستە ەنەرگەتيكالىق رەسۋرستاردى ۇنەمدەۋدىڭ قول جەتكىزۋ جوسپارلاناتىن مولشەرلەرىن (ەسەپتىك كەزەڭدى انىقتاۋ كەرەك: اي, توقسان, جارتى جىل, جىل); 4) ونىڭ ىشىندە جوسپاردا كوزدەلگەن ءاربىر ءىس-شارانى ىسكە اسىرۋ شىعىندارىن بولە وتىرىپ, ورىنداۋشىنىڭ جوسپاردى ىسكە اسىرۋ شىعىندارىنىڭ كولەمىن كورسەتۋگە ءتيىس. 18. تاپسىرىس بەرۋشى ول تاپسىرىس بەرۋشىگە رەسمي تۇردە كەلىپ تۇسكەن كۇننەن باستاپ _____ جۇمىس كۇنى ىشىندە جوسپاردى قاراۋعا جانە بەكىتۋگە نە انىقتالعان كەمشىلىكتەردى كورسەتە وتىرىپ, ورىنداۋشىعا جازباشا نىسان بويىنشا نەگىزدى قارسىلىقتى جىبەرۋگە مىندەتتى. 19. تاپسىرىس بەرۋشىنىڭ تالاپتارى نەگىزدى بولعان جاعدايدا ورىنداۋشى نەگىزدى قارسىلىق كەلىپ تۇسكەن كۇننەن باستاپ ______ جۇمىس كۇنى ىشىندە انىقتالعان كەمشىلىكتەردى ءوز كۇشىمەن جانە ءوز ەسەبىنەن جويادى. 20. جوسپاردىڭ مازمۇنى بويىنشا كەلىسپەۋشىلىكتەردى تاراپتار كەلىسسوزدەر جولىمەن شەشەدى. 5. ەنەرگيا ءتيىمدى ءىس-شارالار جوسپارىن ىسكە اسىرۋ 21. ورىنداۋشى تاپسىرىس بەرۋشى جوسپاردى بەكىتكەننەن كەيىن ______ جۇمىس كۇنى ىشىندە جوسپاردى ىسكە اسىرۋعا كىرىسۋگە مىندەتتى. 22. جۇمىستاردى ورىنداۋ كەزىندە ورىنداۋشى جوسپارعا, تەحنيكالىق شارتتارعا, مەملەكەتتىك ستاندارتتارعا سايكەس كەلەتىن ماتەريالداردى, بۇيىمداردى جانە جابدىقتى قولدانۋعا مىندەتتى. ورىنداۋشى جۇمىستاردى ورىنداۋ بارىسىندا تاپسىرىس بەرۋشىمەن جازباشا كەلىسىم بويىنشا ءوزىنىڭ تەحنيكالىق سيپاتتامالارى بويىنشا جوسپاردا كورسەتىلگەن ماتەريالدارعا سايكەس كەلەتىن نەمەسە ولاردان اسىپ تۇسەتىن ۇقساس ماتەريالداردى, بۇيىمداردى جانە جابدىقتى پايدالانۋعا قۇقىلى. بارلىق جەتكىزىلەتىن ماتەريالدار, بۇيىمدار جانە جابدىق تاڭبالانۋعا جانە سەرتيفيكاتتارى, تەحنيكالىق پاسپورتتارى جانە ولاردىڭ ساپاسىن كۋالاندىراتىن باسقا دا قۇجاتتارى بولۋعا ءتيىس. بۇل سەرتيفيكاتتاردىڭ جانە راستاۋ قۇجاتتارىنىڭ كوشىرمەلەرىن ورىنداۋشى تاپسىرىس بەرۋشىنىڭ تالاپ ەتۋى بويىنشا شۇعىل تۇردە ۇسىنۋعا ءتيىس. جۇمىستاردى جۇرگىزۋ كەزىندە ورىنداۋشى تەحنيكالىق شارتتاردى جانە ماتەريالداردى, بۇيىمداردى, جابدىقتى دايىنداۋشى زاۋىتتاردىڭ نۇسقاۋلىقتارىن, تەحنولوگيالىق كارتالاردى جانە ساپانى جەدەل باقىلاۋ سىزبالارىن باسشىلىققا الۋعا مىندەتتى. 23. ورىنداۋشى تاپسىرىس بەرۋشىگە جوسپاردىڭ ءاربىر كەزەڭىنىڭ اياقتالۋى تۋرالى, ونىڭ ىشىندە جالپى جوسپاردى ىسكە اسىرۋدىڭ اياقتالۋى تۋرالى جازباشا نىساندا حابارلاۋعا مىندەتتى. ورىنداۋشى جۇمىستاردى تاپسىرۋ (جۇمىستار كەزەڭى) كۇنىنە دەيىن _____ كۇنتىزبەلىك كۇننەن كەشىكتىرىلمەيتىن مەرزىمدە جۇمىستاردىڭ (جۇمىستار كەزەڭىنىڭ) ورىندالۋىن راستايتىن قۇجاتتامانى, ونىڭ ىشىندە جۇمىستاردىڭ قۇنىن راستايتىن قۇجاتتامانى قوسا بەرە وتىرىپ, تاپسىرىس بەرۋشىگە جۇمىستاردىڭ (جۇمىستار كەزەڭىنىڭ) اياقتالۋى جانە قابىلداۋ ۋاقىتىن بەلگىلەۋ تۋرالى جازباشا حابارلاما جىبەرەدى. ورىندالعان جۇمىستار (جۇمىستار كەزەڭدەرى) اكتىسىنە تاپسىرىس بەرۋشى جۇمىستاردىڭ ءتيىستى تۇردە ورىندالۋ شارتىمەن ورىنداۋشىعا جازباشا حابارلامادا ايقىندالاتىن ورىندالعان جۇمىستار قابىلدانعان كۇننەن باستاپ ______ كۇنتىزبەلىك كۇننەن كەشىكتىرىلمەيتىن مەرزىمدە قول قويادى. تاپسىرىس بەرۋشى ۇسىنىلعان ورىندالعان جۇمىستار اكتىلەرىندە تىركەلگەن ورىنداۋشى ورىنداعان جۇمىستاردىڭ كولەمدەرى مەن قۇنىن تەكسەرۋدى جۇرگىزەدى. ۇسىنىلعان ورىندالعان جۇمىستار اكتىلەرىندە سايكەسسىزدىكتەر انىقتالعان جاعدايدا تاپسىرىس بەرۋشى انىقتالعان سايكەسسىزدىكتەردى جويۋ ءۇشىن ولاردى ورىنداۋشىعا قايتارادى. ورىندالعان جۇمىستاردىڭ (جۇمىستار كەزەڭىنىڭ) ناتيجەلەرىندە كەمشىلىكتەر بولعان كەزدە تاراپتار قاجەتتى پىسىقتامالار تىزبەسى بار اكت جاسايدى. ورىنداۋشى ەگەر تاراپتار كەمشىلىكتەر تىركەلەتىن اكتىدە جويۋعا جاتاتىن كەمشىلىكتەردىڭ كولەمىنە جانە سيپاتىنا بايلانىستى وزگە مەرزىمدى انىقتاماسا, _________ كۇنتىزبەلىك كۇن ىشىندە ورىندالعان جۇمىستاردا جىبەرىلگەن كەمشىلىكتەردى ءوز كۇشىمەن جانە ءوز ەسەبىنەن جويۋعا مىندەتتى. ورىندالعان جۇمىستار اكتىسىنە ورىنداۋشى قابىلداۋ كەزىندە انىقتالعان بارلىق كەمشىلىكتەر جويىلعاننان كەيىن قول قويادى. جۇمىستاردى (جۇمىستار كەزەڭىن) ورىنداۋدىڭ اياقتالۋ كۇنى تاراپتاردىڭ ورىندالعان جۇمىستار اكتىسىنە قول قويۋ كۇنى بولىپ ەسەپتەلەدى. 24. جابۋعا جاتاتىن جۇمىستاردى تاپسىرىس بەرۋشى قابىلداۋعا ءتيىس. ورىنداۋشى كەيىنگى جۇمىستاردى ورىنداۋعا تەك قانا تاپسىرىس بەرۋشى ورىندالعان جۇمىستاردى قابىلداعاننان جانە وسى جۇمىستاردى, كونسترۋكتسيالاردى, ينجەنەرلىك-تەحنيكالىق قامتاماسىز ەتۋ جەلىلەرىن كۋالاندىرۋ اكتىلەرىن جاساعاننان كەيىن كىرىسەدى. ورىنداۋشى تاپسىرىس بەرۋشىگە جابۋعا جاتاتىن ورىندالعان جۇمىستاردى, جاۋاپتى كونسترۋكتسيالاردى ارالىق قابىلداۋدى جۇرگىزۋدىڭ قاجەتتىگى تۋرالى, بىراق وسى قابىلداۋدى جۇرگىزۋ باستالعانعا دەيىن ____ جۇمىس كۇنىنەن كەشىكتىرمەي جازباشا تۇردە الدىن الا حابارلايدى. ەگەر تاپسىرىس بەرۋشىنىڭ وكىلى جابۋعا جاتاتىن ورىندالعان جۇمىستاردى, جاۋاپتى كونسترۋكتسيالاردى ارالىق قابىلداۋدى جۇرگىزۋدىڭ كورسەتىلگەن مەرزىمىنە كەلمەسە, وندا ورىنداۋشى ءبىر جاقتى اكت جاسايدى جانە جۇمىستاردى قابىلداندى دەپ ەسەپتەيدى, بۇل رەتتە ورىندالعان جۇمىستاردىڭ ساپاسى ءۇشىن جاۋاپكەرشىلىك ورىنداۋشىدان الىنبايدى. بۇل جاعدايدا جۇمىستاردى اشۋ تاپسىرىس بەرۋشىنىڭ تالاپ ەتۋى بويىنشا ونىڭ ەسەبىنەن جۇرگىزىلەدى. ەگەر تاپسىرىس بەرۋشىنىڭ وكىلى جۇمىستاردى جۇرگىزۋ جۋرنالىنا جابۋعا جاتاتىن ورىندالعان جۇمىستار بويىنشا ەسكەرتۋلەر ەنگىزگەن جاعدايدا, قابىلداۋ ءۇشىن تاپسىرىس بەرۋشى وكىلى كەلمەگەن جاعدايلاردى قوسپاعاندا, تاپسىرىس بەرۋشىنىڭ جازباشا رۇقساتىنسىز ورىنداۋشى ولاردى جاپپاۋعا ءتيىس. ەگەر جۇمىستاردى جابۋ تاپسىرىس بەرۋشىنىڭ راستاۋىنسىز (تاپسىرىس بەرۋشىنىڭ وكىلىنە بۇل تۋرالى حابارلانباسا نەمەسە كەشىكتىرىپ حابارلانسا), وندا ورىنداۋشى ونىڭ نۇسقاۋىنا سايكەس تاپسىرىس بەرۋشى وكىلىنە قابىلداۋىنا وتپەگەن جابىق جۇمىستاردىڭ كەز كەلگەن بولىگىن ءوز ەسەبىنەن اشۋعا, ودان كەيىن ونى قالپىنا كەلتىرۋگە مىندەتتەمە الادى. قابىلداناتىن جاۋاپتى كونسترۋكتسيالاردىڭ, جابىق جۇمىستاردىڭ جانە جۇيەلەردىڭ دايىندىعى تاپسىرىس بەرۋ­شى­نىڭ جانە ورىنداۋشىنىڭ كونسترۋكتسيالاردى جانە جابىق جۇمىستاردى كۋالاندىرۋ اكتىلەرىنە قول قويۋىمەن راستالادى. 25. ورىنداۋشى تاپسىرىس بەرۋشىگە جۇمىس جانە پايدالانۋ جونىندەگى نۇسقاۋلىقتى جانە جۇمىستاردىڭ ناتيجەلەرى مەن تۇرلەندىرىلگەن جابدىققا قىزمەت كورسەتۋگە ارنالعان قوسالقى بولشەكتەردىڭ ۇسىنىلاتىن كاتالوگتارىن ۇسىنۋعا مىندەتتى. ورىندالعان جۇمىستاردى قابىلداۋ اكتىسىمەن راستالعان ورناتۋ اياقتالعاننان كەيىن _______ جۇمىس كۇنى ىشىندە ورىنداۋشى تاپسىرىس بەرۋشىنىڭ پەرسونالىن اپاتتار بولعان جاعدايدا جابدىقتى جانە جۇيەنى پايدالانۋ, ساقتاۋ, قالپىنا كەلتىرۋگە قويىلاتىن تالاپتاردى وقىتۋعا مىندەتتى. 26. ورىنداۋشى جوسپاردا كوزدەلگەن جۇمىستاردى ورىندالعان جۇمىستاردىڭ _______________ جىل ىشىندە ساپا بويىنشا تالاپتارعا كەپىلدىكتى سايكەستىكپەن ورىنداۋعا مىندەتتەمە الادى. ورىندالعان جۇمىستاردىڭ ساپاسى ورىندالعان جۇمىستاردىڭ جوسپارعا, تەحنيكالىق شارتتارعا, مەملەكەتتىك ستاندارتتارعڭا سايكەستىگىمەن انىقتالادى. كەپىلدىك مەرزىمى تاراپتار ورىندالعان جۇمىستاردى قابىلداۋ تۋرالى اكتىگە قول قويعاننان كۇننەن باستاپ ەسەپتەلەدى. ەگەر كورسەتىلگەن كەپىلدىك مەرزىمى كەزەڭىندە جۇمىستار ناتيجەسىنىڭ كەمشىلىكتەرى انىقتالسا, وندا ورىنداۋشى ەگەر تاراپتار كەمشىلىكتەر تىركەلەتىن اكتىدە جويۋعا جاتاتىن كەمشىلىكتەردىڭ كولەمىنە جانە سيپاتىنا بايلانىستى وزگە مەرزىمدى انىقتاماسا, ولاردى _________ جۇمىس كۇنى ىشىندە ءوز ەسەبىنەن جويۋعا مىندەتتى. كەپىلدىك مەرزىمى بۇل جاعدايدا تيىسىنشە ورىنداۋشى كەمشىلىكتەردى جويۋ بويىنشا جۇمىستاردى جۇرگىزگەن كەزەڭگە ۇزارتىلادى. كەمشىلىكتەر تىركەلەتىن اكتىنى جاساۋعا, ولاردى جويۋ ءتارتىبىن جانە مەرزىمدەرىن كەلىسۋگە قاتىسۋ ءۇشىن ورىنداۋشى كەمشىلىكتەردىڭ انىقتالۋى تۋرالى تاپسىرىس بەرۋشى جازباشا حابارلاماسىن العان كۇننەن باستاپ ____ جۇمىس كۇنىنەن كەشىكتىرمەي ءوزىنىڭ وكىلىن جىبەرۋگە مىندەتتى. ورىنداۋشى انىقتالعان كەمشىلىكتەر اكتىسىن جاساۋدان نەمەسە وعان قول قويۋدان باس تارتقان كەزدە ولاردى راستاۋ ءۇشىن تاپسىرىس بەرۋشى ساراپتاما تاعايىندايدى, ول كەمشىلىكتەردىڭ بولۋىن جانە سيپاتىن ايقىندايتىن اكتىنى جاسايدى. مۇنداي ساراپتامانىڭ ناتيجەسى تاراپتار ءۇشىن مىندەتتى بولىپ تابىلادى. ورىنداۋشىنىڭ كىناسى انىقتالعان كەزدە ساراپتامامەن بايلانىستى شىعىنداردى ورىنداۋشى كوتەرەدى. ساراپتامانى جۇرگىزۋ تاراپتاردى داۋدى ءۇشىن سوت ورگاندارىنا جۇگىنۋ قۇقىقتارىنان ايىرمايدى. ەگەر كەپىلدىك مەرزىمى كەزەڭىندە وسى شارت بويىنشا ورىنداۋشى جۇمىسىنىڭ كەمشىلىكتەرى سالدارىنان كەپىلدىك مەرزىمى كەزەڭىندە وبەكتىگە نۇقسان كەلتىرىلسە, وندا تاپسىرىس بەرۋشى بۇل تۋرالى ورىنداۋشىعا حابارلايدى, ودان كەيىن تاراپتار نۇقساندى جويۋمەن بايلانىستى ءىس-ارەكەتتەردى تالقىلايدى جانە ورىنداۋشى ب ۇلىنۋلەردى ءوز كۇشىمەن جويادى نەمەسە تاپسىرىس بەرۋشىگە نۇقساندى ۋاعدالاستىق بويىنشا نە سوت تارتىبىندە وتەيدى. 27. تاپسىرىس بەرۋشىنىڭ وبەكتىلەرىن پايدالانۋ كەزەڭىندە, جوسپار ىسكە اسىرىلعاننان كەيىن, وسى شارتتىڭ قولدانىس مەرزىمى ىشىندە ورىنداۋشى تاپسىرىس بەرۋشىنىڭ وبەكتىلەرىندە تەحنولوگيالىق پروتسەستەردى جانە جاڭا جابدىقتىڭ پايدالانىلۋىن قاداعالاۋدى, ەنەرگەتيكالىق رەسۋرستاردىڭ ۇنەمدەلۋىن انىقتاۋ ءۇشىن ەنەرگەتيكالىق رەسۋرستاردىڭ پايدالانىلۋىن باقىلاۋدى, ەنەرگيامەن جابدىقتاۋشى ۇيىمدارمەن تاپسىرىس بەرۋشىنىڭ بارلىق ءوزارا قارىم-قاتىناستارىن باقىلاۋدى جۇزەگە اسىرادى. 6. تاراپتاردىڭ قۇقىقتارى مەن مىندەتتەرى 28. تاپسىرىس بەرۋشى: 1) ورىنداۋشىنىڭ وسى شارت تالاپتارىنا سايكەس وسى شارت بويىنشا بارلىق قىزمەتتەر كەشەنىن ۋاقتىلى جانە تولىق ىسكە اسىرۋىن تالاپ ەتۋگە; 2) انىقتالعان كەمشىلىكتەردى ۋاقتىلى جويۋدى تالاپ ەتۋگە; 3) وسى شارت بويىنشا مىندەتتەردىڭ ورىندالۋىن راستايتىن ءتيىستى تۇردە رەسىمدەلگەن ەسەپتىك قۇجاتتامانى ۋاقتىلى ۇسىنۋدى تالاپ ەتۋگە; 4) ورىنداۋشىدان وسى شارتتىڭ مانىنە قاتىستى كەز كەلگەن قۇجاتتامانى جانە اقپاراتتى سۇراتۋعا; 5) ورىنداۋشىعا تاپسىرىس بەرۋشىنىڭ وسى شارتتى ورىنداۋدان باس تارتۋ تۋرالى حابارلاماسىن العانعا دەيىن ورىندالعان كورسەتىلگەن قىزمەتتەردىڭ بولىگىنە پروپورتسيونال بەلگىلەنگەن باعانىڭ بولىگىن تولەي وتىرىپ, مىندەتتەمەلەر كەزەڭىن ورىنداۋدى تاپسىرۋ-قابىلداۋ اكتىسىنە قول قويعانعا دەيىن كەز كەلگەن ۋاقىتتا وسى شارتتى ورىنداۋدان باس تارتۋعا قۇقىلى. 29. تاپسىرىس بەرۋشى: 1) ورىنداۋشىنىڭ قىزمەتتەرىن قابىلداۋدى جانە وسى شارتتا كوزدەلگەن مولشەردە, تارتىپتە جانە تالاپتاردا ولارعا تولەم جۇرگىزۋدى جۇزەگە اسىرۋعا; 2) ورىنداۋشىنىڭ تالابىن الۋ كۇنىنەن كەيىنگى _____ جۇمىس كۇنىنەن كەشىكتىرىلمەيتىن مەرزىمدە ورىنداۋشىنىڭ تالاپ ەتۋى بويىنشا وسى شارتتى ورىنداۋ ءۇشىن قاجەتتى اقپاراتتى جانە قۇجاتتاردى ۇسىنۋعا; 3) ورىنداۋشىعا تاپسىرىس بەرۋشىنىڭ ءۇي-جايلارىناپ رۇقساتتى قامتاماسىز ەتۋگە; 4) وسى شارت بويىنشا قىزمەتتەردى كورسەتۋ ءۇشىن قاۋىپسىز شارتتاردى قالىپتاستىرۋعا; 5) وسى شارت بويىنشا ورىنداۋشىمەن ءوزارا ءىس-ارەكەتتە تاپسىرىس بەرۋشىنىڭ مۇددەسىن ءبىلدىرۋ بويىنشا جاۋاپتى وكىلىن تاعايىنداۋعا; 6) ورىنداۋشىعا وسى شارت بويىنشا مىندەتتەمەلەردى ورىنداۋ ءۇشىن قاجەتتى سەنىمحات بەرۋگە; 7) ورىنداۋشىعا جوسپاردا كوزدەلگەن ءىس-شارالاردى ىسكە اسىرۋ كەزىندە جاردەم كورسەتۋگە; 8) ورىنداۋشى قىزمەتتەر كورسەتۋ تۋرالى اكتىنى ۇسىنعان ساتتەن باستاپ ________ مەرزىمدە ءتيىستى اكتىگە قول قويۋعا جانە ءبىر داناسىن ورىنداۋشىعا بەرۋگە نە ورىنداۋشىعا ءتيىستى اكتىگە قول قويۋدان دالەلدى باس تارتۋدى ۇسىنۋعا مىندەتتى. 30. ورىنداۋشى: 1) تاپسىرىس بەرۋشىنىڭ وسى شارتتىڭ تالاپتارىنا سايكەس وسى شارت بويىنشا كورسەتىلگەن قىزمەتتەرگە ۋاقتىلى جانە تولىق تولەم جۇرگىزۋىن تالاپ ەتۋگە; 2) تاپسىرىس بەرۋشىدەن وسى شارتتى ورىنداۋ ءۇشىن قاجەتتى اقپاراتتى جانە قۇجاتتاردى ۋاقتىلى ۇسىنۋدى تالاپ ەتۋگە; 3) تاپسىرىس بەرۋشىدەن ونىڭ ءۇي-جايلارىنا ەركىن رۇقساتتى تالاپ ەتۋگە; 4) وسى شارت شەڭبەرىندە جۇمىستار مەن قىزمەتتەردى ورىنداۋ ءۇشىن قوسالقى مەردىگەرلىك ۇيىمداردى تارتۋعا قۇقىلى. جۇمىستاردى ورىنداۋعا قوسالقى مەردىگەرلىك ۇيىمدار تارتىلعان جاعدايدا ورىنداۋشى تاپسىرىس بەرۋشىنىڭ الدىندا قوسالقى مەردىگەرلىك ۇيىمداردىڭ ءىس-ارەكەتتەرى ءۇشىن جاۋاپكەرشىلىكتە بولادى. 31. ورىنداۋشى: 1) تاپسىرىس بەرۋشىگە وسى شارتتا كوزدەلگەن بارلىق جۇمىستاردىڭ تۇرلەرىن ورىنداۋعا (ەسەپتەۋ جۇيەلەرىن جانە اۆتوماتتاندىرىلعان دەرەكتەردى جيناۋ جۇيەلەرىن جوبالاۋ, مونتاجداۋ جانە جوندەۋ; ولشەۋ قۇرالدارىنا قىزمەت كورسەتۋ جانە جوندەۋ; وبەكتىلەردى ەنەرگەتيكالىق تەكسەرۋ جانە ت.ب.) ارنالعان رۇقسات بەرۋ قۇجاتتارىن ۇسىنۋعا; 2) بارلىق ءىس-شارالار كەشەنىن وسى شارت بەلگىلەنگەن مەرزىمدەردە ىسكە اسىرۋعا. 3) جوسپاردا انىقتالعان جۇمىستاردى ء(ىس-شارالاردى) تۇراقتى نەگىزدە, ۋاقتىلى جانە تولىق كولەمدە ورىنداۋعا. 4) وسى شارتتىڭ تالاپتارىنا سايكەس قاجەتتى: ماتەريالداردى; جابدىقتى ۇسىنۋعا; 5) وسى شارتقا سايكەس ىسكە اسىرۋعا جاتاتىن جوسپاردى تاپسىرىس بەرۋشىمەن كەلىسۋگە, وزگە دە رۇقسات بەرۋ قۇجاتىن الۋدى قامتاماسىز ەتۋگە; 6) ءار ايدىڭ _______ كۇنىنەن كەشىكتىرمەي تاپسىرىس بەرۋشىگە وتكەن ايداعى ەنەرگەتيكالىق رەسۋرستاردىڭ ءىس جۇزىندە تۇتىنۋ, الدىڭعى جىلدىڭ ۇقساس كەزەڭىندەگى اۋدارىمداردىڭ سومالارى تۋرالى مالىمەتتەردى, ەنەرگەتيكالىق رەسۋرستاردىڭ قول جەتكىزىلگەن ۇنەمدەلۋىنىڭ مولشەرى تۋرالى مالىمەتتەردى قامتيتىن وسى شارتتىڭ ورىندالۋ بارىسى تۋرالى جازباشا ەسەپتى ۇسىنۋعا; 7) بارلىق پايدالانىلاتىن رەسۋرستاردى ەسەپتەۋ اسپاپتارىن ورناتۋعا (وسى مىندەتتى شەشۋ شەڭبەرىندە ورناتىلادى, ولار بولعان جاعدايدا - سۋىق, ىستىق سۋعا, جىلۋعا, ەلەكتر ەنەرگياسىنا ارنالعان ەسەپتەۋ اسپاپتار قودانىستاعى تالاپتارعا سايكەس كەلتىرىلەدى); 8) پايدالانىلاتىن ەنەرگەتيكالىق رەسۋرستاردى ەسەپتەۋ اسپاپتارىن پايدالانۋعا بەرۋگە; 9) ەسەپتەۋ اسپاپتارىنىڭ تۇراقتى جۇمىسقا قابىلەتتىلىگىن ۇستاپ تۇرۋدى باقىلۋعا. سەرۆيستىك قىزمەت كورسەتۋ جۇيەسىنىڭ جۇمىس ىستەۋى ەسەبىنەن قول جەتكىزىلەدى, ول اسپاپتاردىڭ اقاۋىن باقىلاۋدى, ولار ىستەن شىققان جاعدايدا جەدەل جوندەۋدى, رەگلامەنتتىك جۇمىستاردى (تازالاۋ, مەترولوگيالىق تەكسەرۋ جانە ت.ب.) ورىنداۋدى قامتيدى; 10) تەحنيكالىق رەگلامەنتتەردىڭ, مەملەكەتتىك ستاندارتتاردىڭ, قۇرىلىس نورمالارى مەن قاعيدالارىنىڭ, سانيتار­لىق نورمالار مەن قاعيدالاردىڭ, گيگيەنالىق نورماتيۆتەردىڭ تالاپتارىن قوسا العاندا, قولدانىستاعى زاڭنامانىڭ نورمالارىنا سايكەس ەنەرگەتيكالىق رەسۋرستاردىڭ پايدالانۋ رەجيمدەرىن (شارتتارىن) قامتاماسىز ەتۋگە مىندەتتى. 7. تاراپتاردىڭ جاۋاپكەرشىلىگى 32. وسى شارتتى ورىنداماعانى نەمەسە تيىسىنشە ورىنداماعانى ءۇشىن تاراپتار قازاقستان رەسپۋبليكاسىنىڭ قولدانىستاعى زاڭناماسىنا سايكەس جاۋاپكەرشىلىكتە بولادى. 33. تاپسىرىس بەرۋشى وسى شارتتا كوزدەلگەن مىندەتتەمەلەردى ورىنداۋ مەرزىمىن وتكىزگەن جاعدايدا, ورىنداۋشى تۇرىقسىزدىق ايىبىن (وسىماقى) تولەۋدى تالاپ ەتۋگە قۇقىلى. 34. تاپسىرىس بەرۋشى ەگەر وسى شارتتا كوزدەلگەن مىندەتتەمەلەردى ورىنداۋ مەرزىمىنىڭ ءوتۋى ەڭسەرىلمەيتىن كۇش سالدارىنان, ورىنداۋشىنىڭ كىناسى بويىنشا نەمەسە وزگە دە ادامداردىڭ كىناسى بويىنشا بولعانىن دالەلدەسە, تۇرىقسىزدىق ايىبىن (وسىماقى) تولەۋدەن بوساتىلادى. 35. ورىنداۋشى وسى شارتقا سايكەس كەپىلدىك مەرزىمى ىشىندە ورىندالعان جۇمىستاردىڭ ساپاسى ءۇشىن, جۇمىستاردى جۇرگىزۋ كەزىندە پايدالانىلاتىن ماتەريالدار, بۇيىمدار جانە جابدىقتىڭ ساپاسى ءۇشىن جاۋاپكەرشىلىكتە بولادى. 36. ورىنداۋشى وسى شارتتى ورىنداۋ شەڭبەرىندە جۇرگىزىلگەن شىعىنداردى, ەگەر وسى شارتتىڭ قولدانىس مەرزىمى بىتكەننە كەيىن كورسەتىلگەن شىعىندار ەنەرگەتيكالىق رەسۋرستاردى ۇنەمدەۋدەن الىنعان قاراجات ەسەبىنەن, ونىڭ ىشىندە وسى شارتتا بەلگىلەنگەن ەنەرگەتيكالىق رەسۋرستاردى ۇنەمدەۋ كورسەتكىشتەرىنە قول جەتكىزبەۋ سەبەبىنەن جابىلماعان جاعدايدا ءوزىنىڭ شىعىندارىنا جاتقىزۋ تاۋەكەلىن الادى. 37. ورىنداۋشى وسى شارتتا كوزدەلگەن مىندەتتەمەلەردى ورىنداۋ مەرزىمىن وتكىزگەن, ونىڭ ىشىندە جۇمىستاردى ورىن­داۋ مەرزىمىن, انىقتالعان كەمشىلىكتەردى جويۋ مەرزىمدەرىن, بۇزعان جاعدايدا تاپسىرىس بەرۋشى تولەمدى تالاپ ەتۋگە قۇقىلى. 38. تۇراقسىزدىق ايبىن تولەۋ نەمەسە جاۋاپكەرشىلىكتىڭ وزگە دە نىسانىن قولدانۋ تاراپتى وسى شارت بويىنشا مىندەتتەمەلەرىن ورىنداۋدان بوساتپايدىۆ. 39. ورىنداۋشى بارلىق ەنەرگيا ءتيىمدى ءىس-شارالاردى ىسكە اسىرۋ كەزىندە ساپانى باقىلاۋ ءۇشىن جاۋاپكەرشىلىكتە بولادى. ورىنداۋشى وسى شارتتىڭ تالاپتارىنا سايكەستىكتى قامتاماسىز ەتۋ ءۇشىن ورىندالاتىن بارلىق جۇمىستى تەسكەرۋگە جانە تەستىلەۋگە مىندەتتى. 8. فورس-ماجورلىق ءمان-جايلار 40. تاراپتاردىڭ ەشقايسىسى فورس-ماجورلىق ءمان-جايلار, ياعني ەڭسەرىلمەيتىن كۇش ءمان-جايلارى (تابيعي اپاتتار نەمەسە بولجاپ-ءبىلۋ نەمەسە الدىن الۋ مۇمكىن ەمەس وزگە دە ءمان-جايلار), سونداي-اق وسى شارتتىڭ تالاپتارىن ورىنداماۋعا نەمەسە تيىسىنشە ورىنداماۋعا الىپ كەلەتىن سوعىس ءىس-قيمىلدارى, ەرەۋىلدەر جانە ت.ب. ورىن العان جاعدايدا ەكىنشى تاراپتىڭ الدىندا جاۋاپكەرشىلىكتە بولمايدى. 41. تاراپتاردىڭ وسى شارت بويىنشا مىندەتتەمەلەرى ەڭسەرىلمەيتىن كۇش ءمان-جايلارى ارەكەت ەتەتىن مەرزىمگە, بىراق تەك قانا مۇنداي ءمان-جايلار تاراپتاردىڭ وسى شارت بويىنشا مىندەتتەمەلەرىن ورىنداۋىنا كەدەرگى كەلتىرەتىندەي دارەجدە توقتاتىلۋى مۇمكىن. 42. ول ءۇشىن ەڭسەرىلمەيتىن كۇش ءمان-جايلارىنىڭ ورىن الۋى سالدارىنان مىندەتتەمەلەرىن تيىسىنشە ورىنداۋ مۇمكىن بولماعان تاراپ مۇنداي ءمان-جايلار ورىن العان كۇننەن باستاپ 10 كۇنتىزبەلىك كۇن ىشىندە ولاردىڭ ورىن الۋى, ءتۇرى جانە ولاردىڭ اسەرىنىڭ ىقتيمال ۇزاقتىعى تۋرالى ەكىنشى تاراپقا جازباشا نىساندا حابارلاۋعا مىندەتتى. 43. ەگەر وسى شارتتىڭ 40-تارماعىندا كورسەتىلگەن ءمان-جايلار ءتيىستى حابارلانعان كۇننەن باستاپ _______________ كۇنتىزبەلىك كۇننەن ارتىق سوزىلسا, تاراپتار مۇنداي ءمان-جايلاردىڭ ورىن الۋىنا بايلانىستى كەلتىرىلگەن شىعىنداردىڭ وتەلۋىن تالاپ ەتپەي, ءوزارا كەلىسىم بويىنشا وسى شارتتى بۇزۋعا قۇقىلى. 44. جۇمىستاردى ورىنداۋ ناتيجەسىندە ءۇشىنشى تۇلعاعا كەلتىرىلگەن نۇقساندى, ەگەر بۇل نۇقساننىڭ وزگە دە ادامداردىڭ كىناسى بويىنشا كەلتىرىلگەندىگى دالەلدەنبەسە, ورىنداۋشى وتەيدى. ەگەر ەڭسەرىلمەيتىن كۇش ءمان-جايلارى 3 جانە ودان استام ايعا سوزىلعان جاعدايدا, تاراپتاردىڭ ارقايسىسى بولجاناتىن بۇزۋ كۇنىنە دەيىن كەمىندە كۇنتىزبەلىك كۇن بۇرىن ەكىنشى تاراپقا الدىن الا حابارلاۋ شارتىمەن شارتتى بۇزۋعا قۇقىلى. بۇل رەتتە تاراپتار 30 كۇنتىزبەلىك كۇن ىشىندە شارت بويىنشا بارلىق ءوزارا ەسەپ ايىرىسۋلاردى جۇرگىزۋگە مىندەتتەمە الادى. 9. قورىتىندى ەرەجە 45. وسى شارت تاراپتار وعان قول قويعان كۇننەن باستاپ جاسالاعان بولىپ ەسەپتەلەدى جانە 20__ج. «___»__________ دەيىن قولدانىستا بولادى. 46. وسى شارتتى تاراپتاردىڭ كەلىسىمى نەمەسە سوتتىڭ شەشىمى بويىنشا, ازاماتتىق زاڭنامادا كوزدەلگەن نەگىزدەر بويىنشا بۇزۋعا رۇقسات ەتىلەدى. 47. وسى شارت ەگەر وسى شارتتى ورىنداۋ كەزىندە كەلتىرىلگەن ورىنداۋشىنىڭ شىعىندارىن جابۋ (وسى شارتتا بەلگىلەنگەن ۇنەمدەۋ پايىزىن تولەۋ جولىمەن) وسى شارتتىڭ قولدانىس مەرزىمىنىڭ اياقتالۋىنان بۇرىن بولعان جاعدايدا ءوزىنىڭ قولدانىسىن توقتاتادى. 48. وسى شارتتىڭ تالاپتارىن ورىنداۋمەن بايلانىستى تاپسىرىس بەرۋشى جانە ورىنداۋشى اراسىنداعى بارلىق داۋلى ماسەلەلەر زاڭنامادا بەلگىلەنگەن تارتىپپەن شەشىلەدى. 49. وسى شارتتا كوزدەلمەگەن بارلىق جاعدايلاردا تاراپتار قازاقستان رەسپۋبليكاسىنىڭ قولدانىستاعى زاڭناماسىن باسشىلىققا الادى. 50. وسى شارت تاراپتاردىڭ ارقايسىسىنا ءبىر-بىردەن بەرىلەتىن جانە بىردەڭ زاڭدىق كۇشى بار مەملەكەتتىك جانە ورىن تىلدەرىندەگى ەكى تۇپنۇسقا دانادا, _____ پاراقتا جاسالدى. 10. تاراپتاردىڭ دەرەكتەمەلەرى تاپسىرىس بەرۋشى ________________________ ________________________ ________________________ ________________________ ________________________ م.و. ورىنداۋشى ________________________ ________________________ ________________________ ________________________ ________________________ م. و. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 14 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11663 بولىپ ەنگىزىلدى.