قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №399 

  2015 جىلعى 31 ناۋرىز, استانا قالاسى ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتارىن ايقىنداۋ جانە قايتا قاراۋ قاعيدالارىن بەكىتۋ تۋرالى «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» قازاقستان رەسپۋبليكاسى 2012 جىلعى 13 قاڭتارداعى زاڭىنىڭ 5-بابىنىڭ 6-9) تارماقشاسىنا سايكەس بۇيىرامىن: 1. قوسا بەرىلىپ وتىرعان ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتارىن ايقىنداۋ جانە قايتا قاراۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ يندۋستريالىق دامۋ جانە ونەركاسىپتىك قاۋىپسىزدىك كوميتەتى (ا.ق.ەرجانوۆ): 1) وسى بۇيرىقتىڭ زاڭنامادا بەلگىلەنگەن تارتىپپەن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتىڭ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە تىركەلگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىنىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنiنەن كەيىن كۇنتiزبەلiك ون كۇن وتكەن سوڭ قولدانىسقا ەنگiزiلەدi. قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى ءا.يسەكەشەۆ «كەلىسىلدى» قازاقستان رەسپۋبليكاسىنىڭ ۇلتتىق ەكونوميكا ءمينيسترى ______________ ە. دوساەۆ 2015 جىلعى 8 مامىر قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 31 ناۋرىزداعى №399 بۇيرىعىمەن بەكىتىلگەن ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتارىن ايقىنداۋ جانە قايتا قاراۋ قاعيدالارى 1. جالپى ەرەجەلەر 1. وسى ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتارىن ايقىنداۋ جانە قايتا قاراۋ قاعيدالارى (بۇدان ءارى – قاعيدالار) «ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ تۋرالى» 2012 جىلعى 13 قاڭتارداعى قازاقستان رەسپۋبليكاسىنىڭ زاڭىنىڭ 5-بابى 6-9) تارماقشاسىنا جانە 11-بابىنىڭ 5-تارماعىنا سايكەس ازىرلەنگەن جانە ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتارىن ايقىنداۋ جانە قايتا قاراۋ ءتارتىبىن بەلگىلەيدى. 2. ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىبى: 1) كۇنتىزبەلىك ءبىر جىل ىشىندە تۇتىنۋ مولشەرى بەس ءجۇز جانە ودان كوپ توننا شارتتى وتىنعا بارابار ۇيلەردiڭ, قۇرىلىستاردىڭ, عيماراتتاردىڭ جاڭاسىن سالۋ نەمەسە قولدانىستاعىلارىن كەڭەيتۋ (كۇردەلى جوندەۋ, قايتا جاڭارتۋ) جوبالاۋ (جوبالاۋ-سمەتالىق) قۇجاتتاماسىن ورىنداۋ كەزىندە; 2) جوبالاۋ (جوبالاۋ-سمەتالىق) قۇجاتتاماسىنا تاپسىرىس بەرۋشىنىڭ باستاماسىمەن كۇنتىزبەلىك ءبىر جىل ىشىندە ەنەرگەتيكالىق رەسۋرستاردى تۇتىنۋ مولشەرى بەس ءجۇز توننا شارتتى وتىننان كەم ۇيلەردiڭ, قۇرىلىستاردىڭ, عيماراتتاردىڭ جاڭالارىن سالۋدىڭ نەمەسە قولدانىستاعىلارىن كەڭەيتۋدىڭ (كۇردەلى جوندەۋ, قايتا جاڭارتۋ) جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسىن ورىنداعان كەزدە ايقىندالادى. 3. قولدانىستاعى ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىبى جۇرگىزىلگەن ەنەرگيا ءاۋديتىنىڭ قورىتىندىسى بويىنشا ايقىندالادى. 2. ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتىرىن ايقىنداۋ جانە قايتا قاراۋ ءتارتىبى 4. قولدانىستاعى ۇيلەردىڭ, عيماراتتاردىڭ, قۇرىلىستاردىڭ مەنشىك يەلەرى ەنەرگيا تيىمدىلىگى سىنىپتارىن ايقىنداۋ ءۇشىن ەنەرگيا اۋديتiن جۇرگىزەتىن, قىزمەتتىڭ وسى ءتۇرى بويىنشا (نورماتيۆتىك قۇقىقتىق اكتىلەردىڭ مەملەكەتتىك تىركەۋ تىزىلىمىندە № 8073 تىركەلگەن) قازاقستان رەسپۋبليكاسى يندۋستريا جانە جاڭا تەحنولوگيالار ءمينيسترىنىڭ 2012 جىلعى 3 قازانداعى № 354 بۇيرىعى سايكەس اككرەديتتەۋ تۋرالى كۋالىگى بار زاڭدى تۇلعاعا جۇگىنەدى. ەنەرگيا ءاۋديتى ناتيجەلەرى بويىنشا ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىبى تۋرالى اقپارات جازىلعان قورىتىندى بەرىلەدى. 5. ۇيلەردىڭ, عيماراتتاردىڭ, قۇرىلىستاردىڭ جاڭالارىن سالۋدىڭ نەمەسە قولدانىستاعىلارىن كەڭەيتۋدىڭ (كۇردەلى جوندەۋ, قايتا جاڭارتۋ) جوبالاۋ (جوبالاۋ-سمەتالىق) قۇجاتتاماسىن ازىرلەگەن كەزدە ەنەرگيا تيىمدىلىگى سىنىبىن ايقىنداۋ ءۇشىن: 1) تاپسىرىس بەرۋشى جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاماسىن ازىرلەۋگە ارنالعان تاپسىرماسىندا قاجەتتى ەنەرگيا تيىمدىلىگى سىنىبىن كورسەتەدى; 2) جوبالاۋ الدىنداعى جانە (نەمەسە) جوبالاۋ (جوبالاۋ-سمەتالىق) قۇجاتتاما تاپسىرمادا كورسەتىلگەن ەنەرگيا تيىمدىلىگى سىنىبىن ەسكەرە وتىرىپ, ازىرلەنەدى; 3) جوبالاۋ قۇجاتتاماسىندا بەلگىلەنگەن وبەكتىنىڭ ەنەرگيا تيىمدىلىگى سىنىبى «قازاقستان رەسپۋبليكاسىنداعى ساۋلەت, قالا قۇرىلىسى جانە قۇرىلىس قىزمەتى تۋرالى» 2001 جىلعى 16 شىلدەدەگى قازاقستان رەسپۋبليكاسىنىڭ زاڭىنا سايكەس جۇرگىزىلەتىن, قۇرىلىس جوبالارىنا ۆەدومستۆودان تىس كەشەندى ساراپتاما قورىتىندىسىندا كورسەتىلەدى. 6. ەنەرگيا تيىمدىلىگى سىنىبى ءاربىر بەس جىلدا ءبىر رەتتەن سيرەك بولماي ەنەرگيا ءاۋديتىن جۇرگىزۋ ارقىلى قايتا قارالادى. 7. ەنەرگيا تيىمدىلىگى سىنىبى ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالاسىندا, قازاقستان رەسپۋبليكاسىنىڭ ساۋلەت, قالا قۇرىلىسى جانە قۇرىلىس, ەنەرگيا ۇنەمدەۋ جانە ەنەرگيا تيىمدىلىگىن ارتتىرۋ سالالارىنداعى مەملەكەتتىك نورماتيۆتەر, قۇرىلىس نورمالارى مەن قاعيدالارىنا سايكەس وسى قاعيدالارعا قوسىمشادا كورسەتىلگەن كورسەتكىشتەرگە سايكەس ايقىندالادى. 8. ەنەرگيا تيىمدىلىگى سىنىبى ۇيلەردىڭ, قۇرىلىستاردىڭ, عيماراتتاردىڭ تەحنيكالىق پاسپورتىندا كورسەتىلەدى. ۇيلەردىڭ, قۇرىلىستاردىڭ, عيماراتتاردىڭ ەنەرگيا تيىمدىلىگى سىنىپتارىن ايقىنداۋ جانە قايتا قاراۋ قاعيدالارىنا قوسىمشا كەستە عيماراتتاردىڭ ەنەرگيا تيىمدىلىگى سىنىپتارىن ر/س № سىنىپتى بەلگىلەۋ ەنەرگيا تيىمدىلىگى سىنىبىنىڭ اتاۋى عيماراتتىڭ جىلىتۋعا جانە جەلدەتۋگە ەنەرگيا تيىمدىلىگى كورسەتكىشىنىڭ ەسەپتىك (ناقتى) ءمانىنىڭ نورماتيۆتىك مانىنەن اۋىتقۋ شاماسى, % جاڭا جانە قايتا جاڭارتىلاتىن عيماراتتاردى جوبالاۋ جانە پايدالانۋ كەزىندە 1 ا++ ا+ ا وتە جوعارى -60 تان تومەن -50-دەن -60-قا دەيىن -40-تان -50-گە دەيىن 2 B+ B جوعارى -30-دان -40-قا دەيىن -15-تەن -30-عا دەيىن 3 C+ C C- قالىپتى - 5-تەن – 15-كە دەيىن + 5-تەن – 5-كە دەيىن + 15-تەن + 5-كە دەيىن بار عيماراتتاردى پايدالانۋ كەزىندە 4 D تومەندەتىلگەن + 15,1-دەن + 50-گە دەيىن 5 E تومەن +50-دەن جوعارى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 11 ماۋسىمدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11312 بولىپ ەنگىزىلدى.