قاراعاندى كەن بايىتۋ فابريكاسى العاش رەت رەكوردتىق ءونىم شىعاردى

قاراعاندى كەن بايىتۋ فابريكاسى 40 جىلدىق تاريحىندا العاش رەت رەكوردتىق ءونىم شىعاردى. كومىردى بايىتىپ, ونى كونتسەنتراتقا اينالدىراتىن كاسىپورىن مۇنداي تابىسقا جاڭا فلوتاتسيالىق جەلىنى ىسكە قوسۋ ارقاسىندا قول جەتكىزدى. ساپالى ونىمگە سۇرانىس مول. كونۆەەرگە ءبىر اۋىسىمدا 200 ۆاگون شيكىزات كەلەدى. الىپ تسيليندردەگى سۋدا كومىردىڭ ساپالى قۇرامى اجىراتىلادى.  بۇل وتىننىڭ قىزۋى مول. ادەتتە, كومىردى جاققاندا ونىڭ 40 پايىزى كۇلگە اينالسا, كونتسەنتراتتالعان كومىردەن تەك 10 پايىز قالدىق شىعادى.  قازىر كەن بايىتۋ فابريكاسى ايىنا 241 مىڭ توننا كومىر كونتسەنتراتىن وندىرەدى. ءونىمنىڭ 50 پايىزى مەتاللۋرگيالىق كومبيناتقا جىبەرىلسە, قالعانى ەلى ىشىنە, رەسەي, ۋكراينا, قىتايعا ەكسپورتتالادى.  فابريكادا 500 ادام ەڭبەك ەتەدى. "2018-2020-شى جىلدارى ناقتى تابىستى كەزەڭ بولماق. سەبەبى «ورتا جانە اۋىر تسيكلوندى» دەپ اتالاتىن ۇلكەن جوبانى قولعا الماقپىز. بۇل جوبا ىسكە اسقاندا, وندىرىستەگى ءونىم كولەمى 3 ەسەگە ارتادى. ءارى جاڭا تەحنولوگيانىڭ كومەگىمەن شىعىن ازايادى. جوبا قۇنى 20 ميلليون دوللار شاماسىندا" - دەيدى كەن بايىتۋ فابريكاسىنىڭ باس ديرەكتورى دميتري بويارسكي. قاراعاندىدا بارلىعى 10 شاحتا بار. بيىل ولاردان 33 ميلليون توننا كومىر وندىرگەن, بۇل وتكەن جىلمەن سالىستىرعاندا 4,8 پايىزعا جوعارى.  جالپى قاراعاندى قويناۋىندا 10,9 ميلليارد توننا كومىر قورى بار. وسى قاتتى وتىننىڭ تونناسى ايماقتاردا قىس الدىندا قانشا ەكەنىن ايماقتارداعى تىلشىلەرىمىزدەن سۇرادىق.  سونىمەن قاراعاندىنىڭ وزىندە - 4-6 مىڭ تەڭگە, الماتى وبلىسىندا - 10 مىڭ 200, بىلتىر 9500 بولعان. ال اقتوبەدە - 14 مىڭ تەڭگە, پاۆلودار قالاسىندا - 10-11 مىڭ بولسا, اۋدانداردا 12-13 مىڭ تەڭگە. ەلدىڭ شىعىسى سەمەيدە تونناسى - 7,5 مىڭ, اۋىلدى جەرلەردە 12-16 مىڭ ارالىعىندا. وقو-دا - 12 000 تگ, بىلتىر 10 جارىم, 11 مىڭ بولىپتى. ال قوستانايدا 6 مىڭنان 12 مىڭعا دەيىن.