قىزىلوردا وبلىسى پوليتسياسىنىڭ باسشىسى تاعايىندالدى

20 قازان كۇنى اكتيۆ وتىرىسىندا قىزىلوردا وبلىسىنىڭ اكىمى قىرىمبەك كوشەرباەۆ ارىپتەستەرىنە قازاقستان رەسپۋبليكاسى ىشكى ىستەر ءمينيسترىنىڭ  بۇيرىعىمەن جانە وبلىس اكىمىنىڭ كەلىسىمىمەن قىزىلوردا وبلىسى ىشكى ىستەر دەپارتامەنتىنىڭ باستىعى قىزمەتىنە تاعايىندالعان مۇحيتوۆ قايرات بولات ۇلىن تانىستىردى دەپ حابارلايدى وبلىس اكىمدىگىنىڭ ءباسپاسوز قىزمەتى. ق.مۇحيتوۆ 1964 جىلى وڭتۇستىك قازاقستان وبلىسىندا تۋعان. 1987 جىلى ىشكى ىستەر مينيسترلىگىنىڭ قاراعاندى قالاسىنداعى جوعارعى مەكتەبىن بىتىرگەن. ەڭبەك جولىن 1987 جىلى الماتى وبلىسى, بالقاش اۋداندىق ىشكى ىستەر بولىمىندە جەدەل ۋاكىل قىزمەتىنەن باستاعان. 1990-2012 جىلدار ارالىعىندا الماتى, اقمولا, شىعىس قازاقستان وبلىستارىندا جانە الماتى, استانا قالالارىنىڭ ىشكى ىستەر ورگاندارىندا جاۋاپتى قىزمەتتەردە بولعان. 2012-2014 جىلدارى قازاقستان رەسپۋبليكاسى ىشكى ىستەر مينيسترلىگىنىڭ جەدەل جوسپارلاۋ دەپارتامەنتىنىڭ باستىعى, 2014 جىلدىڭ قاراشا ايىنان باستاپ قازاقستان رەسپۋبليكاسى اكىمشىلىك پوليتسيا كوميتەتى توراعاسىنىڭ ورىنباسارى قىزمەتتەرىن اتقارعان.