قازاقستاندا رف ءىىم ارنايى وكىلىنىڭ تاعايىندالۋى قالىپتى تاجىريبە

بۇگىن ورتالىق كوممۋنيكاتسيالار قىزمەتىندەگى ءباسپاسوز ءماسليحاتىندا قر سىرتقى ىستەر ءمينيسترىنىڭ ورىنباسارى رومان ۆاسيلەنكو قازاقستاندا جاقىندا رەسەي ءىىم ارنايى وكىلىنىڭ تاعايىندالۋىنا بايلانىستى تۇسىنىكتەمە بەردى, دەپ حابارلايدى قازاقپارات. «شىن مانىندە وسى تاقىرىپ اينالاسىنداعى دۇرلىكپەنى تۇسىنبەيمىن. بۇل قالىپتى, ياعني كەڭىنەن تاراعان تاجىريبە. ءتۇرلى ارنايى ورگانداردىڭ وكىلدەرى ءاربىر ەلدەگى ەلشىلىكتەر جانىندا جۇمىس ىستەيدى جانە قر ءىىم وكىلى رەسەيدە بار. سونداي-اق وزگە ارنايى ورگانداردىڭ وكىلدەرى شەتەلدەگى ءبىزدىڭ ەلشىلىكتەر شتاتىندا رەسمي تۇردە جۇمىس ىستەۋدە. وسى رەتتە اقىلعا قونىمسىز پىكىر جاساماۋعا شاقىرامىن»,-دەدى ۆاسيلەنكو تىلشىلەر ساۋالىنا جاۋاپ بەرۋ كەزىندە. ەستەرىڭىزگە سالا كەتەيىك, 20 قازاندا قازاقستانداعى رەسەي ءىىم وكىلى تاعايىندالدى. وسى رەتتە قازاقستان رەسپۋبليكاسىنداعى رەسەي فەدەراتسياسى ىشكى ىستەر مينيسترلىگىنىڭ وكىلەتتى وكىلى قىزمەتىنە پوليتسيا پولكوۆنيگى گير اندرەي ۆون-مەنوۆيچ بەكىتىلدى.