الماتى ارەندالىق تۇرعىن ءۇي نارىعىندا ءبىر بولمەلىدەن باسقاسىنىڭ جالداۋ قۇنى تومەندەدى, دەپ جازدى kn.kzساراپتامالىق قىزمەتى.
2016 جىلدىڭ 10 جانە 16 قازان ارالىعىندا جالداۋ ستاۆكاسى ايىنا 136 000 تگ ء(بىر اپتا ىشىندە -13,4%) دەڭگەيىندە ساقتالدى. قالادا ءبىر شارشى مەتر اۋماق ارەنداسىنىڭ ورتاشا قۇنى 2205 تگ/شارشى م قۇرادى.
نەگىزىنەن 3 بولمەلى پاتەرلەردى جالعا بەرۋ باعاسى ارزانداپ وتىر. وسىلايشا, 3 بولمەلى پاتەرلەردى جالعا بەرۋ قۇنى 22,67% (184 000 تگ), 2 بولمەلى پاتەرلەردىكى 14,52% (127 000 تگ), 5 بولمەلى پاتەرلەردىكى 8,35% (566 000 تگ) جانە 4 بولمەلى پاتەرلەردىكى 2,49% (353 000 تگ) تومەندەدى.
سونداي-اق ءبىر بولمەلى پاتەرلەردىڭ ارەنداسى 5,86% (78 000 تگ) قىمباتتاعانى بەلگىلى بولدى.
سونىمەن قاتار الماتىدا «قىمبات» پاتەرلەردى جالعا الۋ قۇنى ايىنا 220 000 تگ قۇرايدى. «ارزان» باسپانا ءۇشىن ورتاشا العاندا ايىنا 81 000 تگ سۇرايدى.
