1995
* 4 قاڭتاردا شۋ قالاسىندا ترانسازيا ماگيسترالىنىڭ ارىس-شۋ ۋچاسكەسىن ەلەكترلەندىرۋدىڭ اياقتالعانىنا بايلانىستى سالتاناتتى ءراسىم بولىپ ءوتتى. وعان قاتىسقان پرەزيدەنت نۇرسۇلتان نازارباەۆقا ۇزىندىعى 582 شاقىرىمدى قۇرايتىن تەمىر جولدى ەلەكترلەندىرۋدىڭ سوڭعى بۋىنى ىسكە قوسىلعانى باياندالدى.
*10 قاڭتاردا ۇلى ابايدىڭ 150 جىلدىعىنا دايىندالۋ جانە وتكىزۋ جونىندەگى مەرەكەلىك كوميسسيانىڭ كەڭەيتىلگەن ءماجىلىسى بولدى. ونى پرەزيدەنت نۇرسۇلتان نازارباەۆ جۇرگىزدى. ن.ءا.نازارباەۆ دايىندىق جۇمىسىنىڭ ناقتى باعىتتارى بويىنشا جۇمىس توپتارىن قۇرۋدى ۇسىندى. مۇنان بىلاي اباي تويىنا دايىندىق ءىسىن پرەزيدەنت ءوزىنىڭ جەكە باقىلاۋىنا الاتىن بولىپ بەلگىلەندى.
بۇل تۋرالى «ەگەمەن قازاقستان» گازەتىنىڭ 12 قاڭتارىنداعى نومىرىندە « ۇلى اقىن مەرەيتويىن لايىقتى وتكىزۋ – ەلىمىزدىڭ رۋحاني تولىسۋىنا سىن» تاقىرىبىمەن ماقالا جارىق كوردى.
* 12 قاڭتاردا ابايدىڭ تۋعانىنا 150 جىل تولۋىن مەرەكەلەۋگە ازىرلىكتى كۇشەيتۋ جونىندەگى شارالار تۋرالى پرەزيدەنت قاۋلىسىنا قول قويىلدى.
* 20 قاڭتاردا مەملەكەت باسشىسى ن.ءا.نازارباەۆ پەن رەسەي فەدەراتسياسىنىڭ پرەزيدەنتى ب.ن.ەلتسين ماسكەۋدە قازاقستان-رەسەي ىنتىماقتاستىعىن كەڭەيتۋ مەن تەرەڭدەتۋ تۋرالى دەكلاراتسياعا جانە ەكى ەل ازاماتتارىنىڭ مۇددەلەرىن قورعايتىن بىرقاتار قۇجاتتارعا قول قويدى.
* 24 قاڭتاردا بريۋسسەلدە قازاقستان پرەزيدەنتى نۇرسۇلتان نازارباەۆ ناتو-نىڭ باس حاتشىسى ۆيللي كلاسپەن كەزدەستى.
* 31 قاڭتاردا پرەزيدەنت ن.ءا.نازارباەۆ شۆەيتساريانىڭ داۆوس قالاسىنداعى بۇكىل دۇنيەجۇزىلىك ەكونوميكالىق فورۋمداعى كەزدەسۋلەرىن اياقتادى. ەلباسى كوپتەگەن مەملەكەتتەر باسشىلارى مەن الەمدىك بيزنەس وكىلدەرىنە رەسپۋبليكانىڭ مۇناي جانە گاز ورىندارىنىڭ بايلىعىن بىرلەسە يگەرۋ جونىندەگى جوبالاردى ۇسىندى.
*8 اقپاندا قىتاي يادرولىق كلۋبتىڭ مۇشەسى بولا وتىرا, قازاقستانعا قاۋىپسىزدىك كەپىلدىگىن بەردى.
* 10 اقپاندا الماتىدا قازاقستان, قىرعىزستان جانە ءوزبەكستان پرەزيدەنتتەرى كەزدەستى. كەزدەسۋ بارىسىندا نۇرسۇلتان نازارباەۆ, اسقار اقاەۆ, يسلام كاريموۆ ورتالىق ازيادا ءبىرتۇتاس ەكونوميكالىق كەڭىستىك كۇرۋ تۋرالى قول جەتكەن ۋاعدالاستىق شەڭبەرىندە ءۇش ەلدىڭ بىرلەسكەن كۇش-جىگەرىمەن اتقارىلعان جۇمىسقا تالداۋ جاسادى.
* 1 ناۋرىزدا ەلدەگى قوعامدىق تۇراقتىلىق جانە ۇلتارالىق تاتۋلىقتى نىعايتۋ ماقساتىندا پرەزيدەنتتىڭ جانىنان كونسۋلتاتيۆتىك كەڭەسشى ورگان رەتىندە قازاقستان حالىقتارىنىڭ اسسامبلەياسى قۇرىلدى.
* 3 ناۋرىزدا پرەزيدەنت ن.ءا.نازارباەۆ تۇرىكمەنستاننىڭ داشحوۆۋز قالاسىندا ورتالىق ازيا مەملەكەتتەرى باسشىلارىنىڭ ارال پروبلەمالارى جونىندەگى كەڭەسىنە قاتىستى.
* 24 ناۋرىزدا پرەزيدەنت جانىنداعى قوعامدىق كونسۋلتاتسيالىق-كەڭەسشى ورگان – قازاقستان حالىقتارى اسسامبلەياسىنىڭ I سەسسياسى اشىلدى. سەسسيادا اسسامبلەيانىڭ توراعاسى, پرەزيدەنت ن.ءا.نازارباەۆ بايانداما جاسادى.
* 1 ساۋىردە قارجى مينيسترلىگىنىڭ باس كەدەن باسقارماسىنىڭ نەگىزىندە مينيسترلەر كابينەتى جانىنان كەدەن كوميتەتى قۇرىلدى.
* 10 ساۋىردە قازاقستانعا رەسمي ساپارمەن گفر پرەزيدەنتى ر. حەرتسوگ كەلدى. پرەزيدەنتتەر نۇرسۇلتان نازارباەۆ پەن رومان حەرتسوگ قازاقستان مەن گەرمانيانىڭ اراسىنداعى بايلانىستىڭ ماڭىزدى ماسەلەلەرى جايىندا اڭگىمەلەستى.
*12 ساۋىردە ماسكەۋدە قازاقستاننىڭ رەسەيدەگى ەلشىلىگى مەن رەسەي فەدەراتسياسى مادەنيەت مينيسترلىگىنىڭ ۇيىمداستىرۋىمەن ابايدىڭ 150 جىلدىعىنا ارنالعان ءىس-شارالار باستالدى. كوپ ۇزاماي اباي كۇندەرى انگليادا, گەرمانيادا, قىتايدا, فرانتسيادا, تۇركيادا, الەمنىڭ تاعى باسقا كوپتەگەن مەملەكەتتەرىندە وتكىزىلەتىنى حابارلاندى.
* 14 ساۋىردە شىمكەنتتە ورتالىق ازياداعى ءۇش مەملەكەت – قازاقستان, وزبەكستان, قىرعىزستان باسشىلارىنىڭ جۇمىس بارىسىنداعى كەزدەسۋى بولدى. وندا ءۇش ەل اراسىنداعى 2000 جىلعا دەيىنگى ەكونوميكالىق ىقپالداسۋ باعدارلاماسى مۇقيات قارالىپ, ماقۇلداندى.
* 21 ساۋىردە پرەزيدەنت نۇرسۇلتان نازارباەۆ الماتى مەشىتىندە بولدى. وسى قاسيەتتى ورىندا وربىگەن اڭگىمە كەزىندە پرەزيدەنتتىڭ قاعباعا ءبىرىنشى كىرگەن قازاق ەكەنى اتاپ ءوتىلدى.
*24 ساۋىردە جاۋىنگەرلىك ەرلىگى ءۇشىن جازۋشى قاسىم قايسەنوۆكە, زەينەتكەرلەر الەكسەي كارپوۆيچ كۋلاكوۆ پەن مۋردين تايپوۆكە «حالىق قاھارمانى» اتاعى بەرىلىپ, التىن جۇلدىز تاپسىرىلدى, سونداي-اق, كوپتەگەن سوعىس ارداگەرلەرى وردەندەرمەن, مەدالدارمەن ناگرادتالدى.
*29 ساۋىردە قازاقستان پرەزيدەنتى نۇرسۇلتان نازارباەۆتىڭ وكىلەتتىگىن 2000 جىلدىڭ 1 جەلتوقسانىنا دەيىن ۇزارتۋ جونىندە بۇكىلحالىقتىق رەفەرەندۋم بولىپ ءوتتى. ورتالىق سايلاۋ كوميسسياسىنىڭ دەرەكتەرى بويىنشا, رەفەرەندۋمعا تىزىمگە ەنگىزىلگەن سايلاۋشىلاردىڭ 91,3 پايىزى قاتىسقان. ولاردىڭ 95,4 پايىزى بيۋللەتەنگە ەنگىزىلگەن سۇراققا وڭ جاۋاپ بەرگەن, ياعني نۇرسۇلتان نازارباەۆتىڭ پرەزيدەنتتىك وكىلەتتىگىن 2000 جىلدىڭ 1 جەلتوقسانىنا دەيىن ۇزارتۋدى جاقتاعان.
* 5 مامىردا مەملەكەت باسشىسىنىڭ رەزيدەنتسياسىندا نۇرسۇلتان نازارباەۆقا بۇكىلحالىقتىق رەفەرەندۋم قورىتىندىسى بويىنشا ونىڭ وكىلەتتىك مەرزىمىنىڭ 2000 جىلعى 1 جەلتوقسانعا دەيىن ۇزارتىلعاندىعى تۋرالى ورتالىق سايلاۋ كوميسسياسى كۋالىگىن تاپسىرۋدىڭ سالتاناتتى ءراسىمى بولدى.
*15-18 مامىر ارالىعىندا پرەزيدەنت ن.ءا.نازارباەۆتىڭ كورەيا رەسپۋبليكاسىنا ساپارى بولدى. ساپار بارىسىندا كورەيا رەسپۋبليكاسىنىڭ پرەزيدەنتى كيم ەن ساممەن جانە ەلدىڭ ىسكەر وكىلدەرىمەن كەزدەستى.
* 20 مامىردا وزبەكستان رەسپۋبليكاسىنىڭ قازاقستانداعى كۇندەرى باستالدى. وسىدان ءبىر جىل بۇرىن وزبەكستاندا قازاقستان كۇندەرى وتكەن بولاتىن.
* 26 مامىردا قازاقستاننىڭ يادرولىق تاريحىندا ءمانى زور وقيعا بولدى: بۇرىنعى سەمەي پوليگونىنىڭ اۋماعىندا سوڭعى يادرولىق زارياد جويىلدى. وسىعان وراي قازاقستان پرەزيدەنتىنىڭ رەسپۋبليكانىڭ بارلىق ازاماتتارىنا ۇندەۋى جاريالاندى.
ول «ەگەمەن قازاقستان» گازەتىنىڭ 27 مامىرداعى نومىرىنە باسىلدى.
*6 ماۋسىمدا مەملەكەت باسشىسى ن.ءا.نازارباەۆ جەنەۆادا وتكىزىلەتىن بىرىككەن ۇلتتار ۇيىمىنىڭ قارۋسىزدانۋ جونىندەگى سەسسياسىنا بارار جولدا پاريجدە قىسقا ۋاقىتقا توقتاپ, فرانتسيا پرەزيدەنتى جاك شيراكپەن اڭگىمەلەستى. ساياسي ماسەلەلەردى تالقىلاۋ كەزىندە ن.ءا.نازارباەۆ يادرولىق قارۋدى تاراتپاۋ جانە يادرولىق دەرجاۆالار تاراپىنان قازاقستاننىڭ قاۋىپسىزدىگىنە كەپىلدىك بەرۋ تاقىرىبىنا توقتالدى.
