قامقورلىعى ءۇشىن العىس ءبىلدىردى

ەلباسى نۇرسۇلتان نازارباەۆتىڭ اتىنا ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆتان حات كەلىپ ءتۇستى, دەپ حابارلادى پرەزيدەنتتىڭ ءباسپاسوز قىزمەتى. ەلباسىنىڭ اتىنا ءال-فارابي اتىنداعى قازۇۋ رەك­تورىنان حات كەلىپ ءتۇستى. حات­تا ۋنيۆەرسيتەتتىڭ بار­لىق ماڭىزدى جەتىستىگى قازاق­ستان پرەزيدەنتىنىڭ باسشى­لىعىمەن ەلدىڭ تاۋەلسىزدىك جىلدارىنداعى قارقىندى دامۋىنا تىكەلەي بايلانىستى ەكەنىنە نازار اۋدارىلعان. «بۇل جىلدارى قازاقستان الەمدەگى تانىمال ءارى باسەكەگە قابىلەتتى ىرگەلى مەملەكەتتىڭ بىرىنە اينالىپ, ءتيىمدى ەكونوميكا قۇرۋ, ازاماتتاردىڭ ءال-اۋقاتىن ارتتىرۋ, ساياسي دەموكراتيالاندىرۋ جانە حالىقارالىق ينتەگراتسيا مەن جاھاندىق ۇدەرىستەرگە كوشباسشىلىق ەتۋ جولىندا زور تابىستارعا قول جەتكىزدى» – دەلىنگەن حاتتا. ع.مۇتانوۆ ۋنيۆەرسيتەتتىڭ الەمدىك بەدەلى ارتىپ كەلە جاتقانىنا توقتالدى. «يۋنەسكو-نىڭ ءال-فارابي اتىنداعى قازۇۋ-ءدى ورتالىق ازيا ءوڭىرى بويىنشا حاب رەتىندە جانە تۇراقتى دامۋ ماسەلەلەرى جونىندەگى جاھان­دىق حاب رەتىندە مويىن­داۋى وسىنىڭ دالەلى سانا­­لادى. ۋنيۆەرسيتەتتىڭ ماڭىز­دى جەتىستىگى – 2016 جىلى بەدەلدى QS رەيتينگ اگەنتتى­گى­نىڭ ( ۇلىبريتانيا) زەرتتەۋ قو­رىتىندىسى بويىنشا الەم­نىڭ ۇزدىك توپ-250 ۋنيۆەر­سيتەتتەرى قاتارىنا ەنۋى» – دەلىنگەن حاتتا. سونداي-اق, ۋنيۆەرسيتەت رەكتورى حالىقارالىق ستان­دارتتارعا سايكەس كەلە­تىن باسقارۋدىڭ ءتيىمدى جۇيە­سىنىڭ قازۇۋ-دە تابىستى ەنگىزىلگەنىن اتاپ وتكەن. «ۋنيۆەرسيتەتتە ۇدە­رىس­تىك مەنەدجمەنت پەن ەڭبەك جەتىستىگىن رەيتينگتىك باعا­لاۋعا باعىتتالعان باس­قارۋ جۇيەسى ەنگىزىلدى. الەم­نىڭ الدىڭعى قاتارلى ۋنيۆەر­سيتەتتەرى ۇلگىسىمەن قازۇۋ-دە حالىقارالىق اككرەديتاتسيا­دان وتكەن ەكسپەريمەنتتىك ءبىلىم بەرۋ باعدارلامالارى ءازىر­لەنىپ, قولدانىسقا ەنگى­زىلدى» – دەلىنگەن حاتتا. وقۋ ورداسىنىڭ باسشىسى مەملەكەت-جەكەمەنشىك سەرىك­تەستىگى ارقاسىندا ۋنيۆەرسي­تەتتىڭ بىرقاتار ءبىلىم بەرۋ ءجا­نە ينفراقۇرىلىمدىق نىسان­دارىنىڭ قۇرىلىسى اياقتال­عانىن اتاپ وتكەن. «مەحانيكا-ماتەماتيكا, فيزيكا-تەحنيكا جانە حيميا فاكۋلتەتتەرىنىڭ جاڭا وقۋ عيماراتتارى, ءال-فارابي عىلىمي كىتاپحاناسى, جاس عالىمدار ءۇيى, «كەرەمەت» ستۋدەنتتەرگە قىزمەت كورسەتۋ ورتالىعى, مەديتسينالىق دياگنوستيكالىق ورتالىعى سالىندى. بۇدان بولەك, بيىلعى وقۋ جىلىندا د.بالاندين اتىنداعى ءجۇزۋ باسسەينى جانە ستۋدەنتتەر مەن تۇلەكتەردىڭ سالتاناتتى قاقپاسى اشىلدى» – دەلىنگەن ۇندەۋدە. سوڭىندا ۋنيۆەرسيتەت رەكتورى وقۋ ورنىنىڭ ۇجىمى اتىنان ۋنيۆەرسيتەتكە كور­سەتكەن قولداۋى جانە وتاندىق ءبىلىم مەن عىلىمدى دامىتۋ ماسەلەلەرىنە قام­قورلىعى ءۇشىن قازاقستان پرەزيدەنتىنە العىس ءبىلدىردى.