توبىل-تورعاي اۋەندەرى اۋەلەدى

الماتىداعى ءو.جولداسبەكوۆ اتىنداعى ستۋدەنتتەر سارايىندا كومپوزيتورلار وداعىنىڭ مۇشەسى, ءانشى-كومپوزيتور قاليبەك دەرىپسالديننىڭ «توبىل-تورعاي اۋەندەرى» اۆتورلىق كەشى ءوتتى. تاۋەلسىزدىكتىڭ 25 جىلدىعى قۇر­مەتىنە ارنالعان كەش قالا اكىم­دىگىنىڭ قولداۋىمەن وتكىزىلدى. كوم­پوزيتوردىڭ «قوستاناي تۋرالى ءان», «قايداسىڭ, اڭساعانىم؟», «سەن مەنى تۇسىنەسىڭ بە؟», «اياۋلى جان اعا», «توبىل تاڭى», «جيھان شاپاعات», «اكە ارمانى», «قيما­دان با ەدىڭ, قالقاتاي؟», «ساعى­نىش سازى», «ايلى تۇندە», ت.ب. ءان­­­دەرى شىرقالدى. سونىمەن قا­­تار, حالىق كومپوزيتورلارى ءابىل­احات ەسپاەۆ, باقىتجان باي­قا­داموۆتىڭ ليريكالىق ءان­دەرى­مەن قاتار ب.ساۋەكەنوۆ, ب.حام­زين, ب.مۇقاشەۆ, ق.ماقانوۆ, ت.سەي­داحمەتوۆتىڭ شىعارمالارى ورىن­دالدى. بەلگىلى انشىلەر دو­سىم­­جان تاڭاتاروۆ, ەسەت ءساد­ۋا­قا­سوۆ, سۇلەيمەن يب­راگيموۆ, عا­زي­زا جۇمەكەنوۆا, گۇل­ميرا سارينا, جا­نات­بەك قا­دىروۆ, نۇربولات ار­زا­ما­س ۇلى جانە ت.ب. ونەر كورسەتتى. ونەر يەسىن قوعام قايرات­كەرى امانجول سەيىتجانوۆ  قۇتتىق­ت­اپ, يىعىنا شاپان جاپتى. قازاق­ستان­نىڭ ەڭبەك سىڭىرگەن قاي­رات­كەرى ەرمۇرات ۇسەنوۆ ءوزى­نىڭ جۇرەكجاردى لەبىزىن ءبىلدى­رىپ, «قازاق گازەتتەرى» جشس باس دي­رەك­تورى, قالامگەر جۇ­ما­­بەك كەنجالين, ءلايلا مول­­دا­عاليقىزى ىزگى تىلەكتەرىن ار­ن­ا­دى. قاليبەك دەرىپسالدين ءوز سوزىندە كونتسەرتىنىڭ وتۋىنە قول­داۋ كورسەتكەن تۇلعالارعا ال­عىس ايتتى. كومپوزيتوردىڭ شىعار­ما­شى­لىق كەشىنە ونەردەگى دوستارى مەن ارىپتەستەرى ارنايى كەلىپ قۇتتىقتادى. سازگەردىڭ اۆتورلىق تۋىن­دىلارى م.بەسباەۆ, س.مايعازيەۆ, ە.سادۋاقاسوۆ, د.تاڭاتاروۆ سىندى بەلگىلى انشىلەر مەن «نۇر-مۇقاسان» دۋەتىنىڭ رەپەرتۋارىنا ەنگەن. ول قازاقتىڭ كورنەكتى اقىن­دارى عافۋ قايىر­بەكوۆ, تۇ­مان­باي مولداعاليەۆ, ءماريام حاكىم­جانوۆا, كاكىم­بەك سالىقوۆ ولەڭدەرىنە بىرنەشە ءان جازعان. قازىرگى تاڭدا سەرىك تۇرعىنبەك ۇلى, سەرىكباي وس­پانوۆ, اقىلبەك شاياح­مەت ۇلى, ناعاشىباي مۇقاتوۆ جانە ت.ب. اقىن­دارمەن شىعار­ماشىلىق بايلانىستا. قارشىعا كۇلەن