ورىسشاعا جەتىك جاستار ماراپاتتالدى

مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ تاپسىرىسىمەن ش.شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى ورىس ءتىلى بىلگىرلەرىنىڭ VIII رەسپۋبليكالىق «وي-سانا» بايقاۋىن وتكىزدى. بايقاۋعا وبلىستىق جانە قالالىق ىرىكتەۋ كەزەڭدەرىنىڭ جەڭىمپازدارى, 18-22 جاس ارالىعىنداعى جوعارى وقۋ ورىندارىنىڭ ستۋدەنتتەرى, جالپى ءبىلىم بەرۋ مەكەمەلەرىندە, ورتا جانە ورتا ارناۋلى وقۋ ورىندارىندا قازاق تىلىندە ءبىلىم الاتىن جاستار قاتىستى. شىعىس قازاقستان وبلىسىنان كەلگەن قاتىسۋشى كايردينوۆا ايدا قايرولداقىزى بايقاۋ بارىسىندا ورىس ءتىلىن جەتىك مەڭگەرگەنىن تانىتىپ, ورىس ءتىلىنىڭ بىلگىرى اتانىپ, باس جۇلدەنى (150 000 تەڭگە) قانجىعاسىنا بايلادى. قوستانايلىق دەمەسىنوۆ نۇرجان المات ۇلى 1-ورىندى (120 000 تەڭگە), استانا قالاسىنان قاتىسقان جۇماعاليەۆا مادينا ماراتقىزى 2-ورىندى (100 000 تەڭگە) جانە سولتۇستىك قازاقستان وبلىسىنان كەلگەن قاپباسوۆا دانا بولاتقىزى 3-ورىندى (70 000 تەڭگە) يەلەندى. اسانباەۆا ەلدانا باقىتقىزى (پاۆلودار وبلىسى), نۇرمۇحامبەتوۆ ارمان نۇرلان ۇلى (اقمولا وبلىسى), سەنكيباەۆا ءمادينا قايراتقىزى (قاراعاندى وبلىسى) مەن ەلشىبەكوۆا گۇلنۇر امانتايقىزىنا (اقتوبە وبلىسى) ىنتالاندىرۋ (35 000 تەڭگە) سىيلىعى بەرىلدى. ەگەمەن-اقپارات