بالعىنداردى سپورتقا باۋلىدى

الماتىدا تۇڭعىش پرەزيدەنت قورىنىڭ مۇرىندىق بولۋىمەن «امان كەلەشەك» اتتى جاسوسپىرىمدەردىڭ مادەني-سپورتتىق فەستيۆالى ءوتتى. ءتورت مىڭعا جۋىق مەكتەپ وقۋ­شىسى وسىمەن ءۇشىنشى جىل ءبىر ورتالىققا جينالىپ, سالامات­تى ءومىر سالتى تۋرالى اڭگىمە مەن ادەمى ويىن-ساۋىققا كەنەلىپ قايتتى. «بارلىق بالا ءۇشىن كۇز ايى توسىن سىي مەن مەرەكەگە تولى عوي. ءبىزدىڭ وتكىزىپ وتىرعان شارامىز دا وقۋشىلاردىڭ ومىرىنە سەرپىن بەرەتىن, اينالا قورشاعان ورتاعا دەگەن قۇشتارلىقتى وياتاتىن ءداس­تۇرلى فەستيۆال. اسىرەسە, جاس ۇرپاق­تىڭ دەنى ساۋ بولىپ ءوسۋى بۇگىنگى قوعامنىڭ باستى مىندەتى. بالالاردى سپورتقا باۋ­لۋ مەن سالاماتتى ءومىر سالتىن سۇيۋگە ۇيرەتۋ ءۇشىن قولدان كەلگەننىڭ بارلىعىن جاساۋىمىز كەرەك. ءبىزدىڭ شارامىز وقىپ, ۇيرەنۋ باعىتىندا جانە ءار بالانىڭ سپورتتىق قابىلەتىن شىڭداۋىنا جول اشادى» دەيدى تۇڭعىش پرەزيدەنت قورىنىڭ اتقارۋشى ديرەكتورى ساعىندىق نۇراحانوۆ. «امان كەلەشەك» فەستيۆالى جىل سايىن جاڭا بۋىن وقۋشى­لاردىڭ قاتىسۋىمەن قىزىقتى ءوتىپ, جالعاسۋدا ەكەن. ۇيىم­داس­تىرۋشىلار بيىل ءجاسوس­پىرىمدەرگە توسىن سىي جاساپ, شاراعا ەلىمىزدىڭ بەلگىلى سپورت شەبەر­لەرىن شاقىرىپتى. وسى كۇنى وليمپيادا جانە الەم چەم­پيوندارىنىڭ قولىن العان وقۋشىلار شاتتىققا كەنەل­دى. فەستيۆالدە ۆاسيلي جيروۆ, يۋري مەلنيچەنكو, يليا يلين, داريعا شاكىموۆا, ماقسۇت جۇماەۆ, نازىم قى­زاي­باي, بولات ءجۇمادىلوۆ سياقتى مايتال­ماندار جاس سپورتشىلارعا اقىل-كەڭەس بەرىپ, ولاردىڭ ونەرىن تاماشالادى.  قالماحانبەت مۇقامەتقالي, «ەگەمەن قازاقستان» الماتى