كەرەكۋدەن كەلگەن كوش ەلورداعا ات باسىن تىرەدى

ءار اپتانىڭ سوڭعى كۇندەرى استانا­نىڭ مادەني تىنىس-تىرشىلىگىن ءبىر سەرپىلتىپ تاستاپ جۇرگەن ايماقتاردىڭ ەلورداداعى كۇندەرى جالعاسىن تابۋدا. ەل تاۋەلسىزدىگىنىڭ 25 جىلدىعى قارساڭىنداعى بەرەكەلى ءھام مەرەكەلى شارانى وتكىزۋ كەزەگى پاۆلودار وبلىسىنا كەلىپ تۇر ەكەن. وسىعان وراي, وبلىس اكىمىنىڭ ورىنباسارى باۋىرجان قاسەنوۆتىڭ قاتىسۋىمەن بريفينگ ءوتتى. باۋىرجان قاسەنوۆ وبلىستا اتقارىلىپ جاتقان سان-سالالى جۇمىستاردىڭ بارىسىنا شولۋ جاساپ, قول جەتكىزگەن جەتىس­تىكتەر بارىسىن بايانداپ بەردى. ءاسى­رەسە, اگروونەركاسىپ سالاسىنا كوبىرەك توقتالدى. جالپى, رەسپۋبليكا بويىنشا ىشكى جالپى ءونىمنىڭ 4,8 پايىزى اۋىل شارۋاشىلىعىنا تيەسىلى بولسا, كەرەكۋ وڭىرىندەگى بۇل كورسەتكىش 4,9 پايىزدان اسىپ تۇسەدى ەكەن. اسىرەسە, مال شارۋاشىلىعىنىڭ ۇلەسى باسىم. اۋىل شارۋاشىلىعى سالاسىنا ءونىم­دىلىگى جوعارى تەحنولوگيالاردى ەنگىزۋ, زاماناۋي جابدىقتار الۋ, جينالعان ءونىمدى ساقتاۋ مەن قايتا وڭدەۋ سىندى جۇمىستار جۇيەلى تۇردە جولعا قويىلعان.  جاڭا مال بورداقىلايتىن الاڭدار اشىلىپ, الىنعان ونىمدەردى وڭدەيتىن جاڭا تسەحتار اشۋ, بۇرىننان بار تسەحتاردىڭ جابدىقتارىن جاڭارتۋ جۇرگىزىلۋدە. – بيىل اگروونەركاسىپ كەشەنىن دامىتۋعا 10 ميلليارد تەڭگەدەن استام ينۆەستيتسيا سالىندى. 310 جۇمىس ورنى اشىلىپ, 15 ينۆەستيتسيالىق جوبا جۇزەگە اسىرىلدى. ينۆەستيتسيانىڭ ارتۋىنا مەملەكەتتىك قولداۋدىڭ جاڭا ءتۇرى – ينۆەستيتسيالىق سۋبسيديالاۋ ىقپال ەتىپ جاتىر, – دەدى باۋىرجان قاسەنوۆ. كۇزگى ءونىم جيناۋ ناۋقانىن دا وبلىس وڭ كورسەتكىشتەرمەن قورىتىندىلايتىن ءتۇرى بار. بيىل 800 مىڭ توننادان استام استىق, 140 مىڭ توننا مايلى داقىلدار, 400 مىڭ توننادان استام كارتوپ, 240 مىڭ توننا كوكونىس, باقشا داقىلدارى جينالماق. جينالعان استىقتى ساقتاۋ مەن وڭدەۋ دە قاراستىرىلعان. وبلىستاعى جالپى سىيىمدىلىعى 1 164 مىڭ تونناعا تەڭ ەلەۆاتور, استىق قابىلداۋ پۋنكتتەرى قاجەتتىلىكتى تولىعىمەن وتەۋگە ءتيىس. 23-25 قىركۇيەكتە «قۋاتتى ءوڭىر – قۋاتتى قازاقستان» اكتسياسىنىڭ اياسىندا «حان شاتىر» ساۋدا ويىن-ساۋىق ورتالىعىنىڭ الدىندا وتە­تىن جارمەڭكەگە پاۆلودارلىق تاۋار ءوندىرۋ­شىلەر 700 توننادان استام ءونىم اكەلىپتى. ونىڭ 90 توننادان استامى ەت پەن ەت ونىمدەرى, 300 تونناسى كارتوپ, 140 تونناسى كوكونىس, 150 تونناسى باسقا دا ازىق-ت ۇلىكتەر ەكەن. «حان شاتىر» ساۋدا ويىن-ساۋىق ورتالىعىنىڭ الدىنداعى الاڭدا وتەتىن جارمەڭكەدە حالىققا ازىق-ت ۇلىكپەن قاتار, ءتۇرلى دايىن تاعامدار دا ساتىلماق. وبلىستىق فيلارمونيا ارتىستەرى ونەرلەرىن ورتاعا سالىپ, شارانىڭ كورىگىن قىزدىرادى, سپورتتىق شارالار وتەدى. ارنۇر اسقار, «ەگەمەن قازاقستان»