ريو-دە-جانەيرودا وتكەن پاراليمپيالىق ويىندار دا تاريحتىڭ قويناۋىنا كەتىپ بارا جاتىر. سول ءدۇبىرلى دودادا قازاقستان قۇراماسى ءوزىنىڭ تاريحىندا تۇڭعىش رەت مەدال الدى. ولاردىڭ ءبىرى التىن جۇلدە بولسا, ەكىنشىسى كۇمىسپەن كۇپتەلگەن ماراپات ەدى. كەشە كوماندا قورجىنىنا كۇمىس مەدال سىيلاعان پاۋەرلەفتينگشى راۋشان قويشىباەۆا تۋعان جەرىنە ورالدى. ونى تالدىقورعان قالاسىندا جەرلەستەرى قۇشاق جايا قارسى الدى.
شىنىندا دا ءبىزدىڭ ەكى ءجۇلدەگەرىمىز ەرلەدى. مۇحيتتىڭ ارعى جاعىنا ەلىمىزدەن اتتانعان 11 سپورتشىنىڭ قاي-قايسىسى دا قۇرمەتكە لايىقتى ەدى. سوندىقتان 100 مەتر قاشىقتىقتا براسس ادىسىمەن جۇزۋدە الدىنا جان سالماعان ءزۇلفيا عابيدۋلينا مەن پاۋەرلەفتينگتەن 113 كيلونى ەركىن ەڭسەرگەن راۋشان قويشىباەۆا باستاعان سپورتشىلارعا الدىمەن ەلوردانىڭ تورىندە قۇرمەت كورسەتىلدى.
استانانىڭ اقجارىلعاپ قوشەمەتى جەتىسۋ جەرىندە جالعاسىن تاپتى. جۇرت اۋەجايعا قاراي اعىلدى. سايىن دالانىڭ جۇلدەگەر قىزى راۋشان قويشىباەۆانى كۇتىپ الۋعا ەلمەن ىلەسىپ, ءبىز دە جەتتىك. جالىندى سوزدەر جازىلعان ترانسپارانتتار ۇستاعان ۇلكەن-كىشىلى سپورت جانكۇيەرلەرى تاعاتسىزدانا كۇمىس جۇلدەگەردى كۇتۋدە. ايتپاقشى, ريوداعى باسەكەگە جەتىسۋ جەرىنەن ەكى سپورتشى اتتانعان-دى. ونىڭ ەكىنشىسى جەتىنشى ورىن العان گۇلبانۋ ابدىحالىقوۆا بولاتىن. كوڭىلى شات كوپشىلىك كەنەت اۋەلەتىپ ءان شىرقادى. ۇلتتىق كيىم كيگەن قىزدارىمىز شاشۋىن دايىنداپ, ەلەڭدەپ تۇر.
كوپ ۇزاماي جۇرگىزۋشى ريو پاراليمپياداسىنىڭ كۇمىس ءجۇلدەگەرى راۋشان قويشىباەۆانىڭ كەلە جاتقانىن حابارلادى. جانكۇيەرلەردىڭ قولداۋى اۋەجاي ءىشىن جاڭعىرتىپ, كوك تۋدى جەلبىرەتتى. سول ساتتە كەۋدەسىن قۋانىش كەرنەپ, موينىنا تاققان كۇمىس مەدالىن جارقىراتىپ, اتلەت ورتامىزعا كەلدى. اتانىڭ سالتىمەن قايسار قىزعا گۇل شوقتارىن ۇسىنىپ, ورتامىزعا الدىق. قاۋمالاعان جانكۇيەردە ەسەپ جوق. سولاردىڭ ىشىندە جولداسى مەن ءۇش قىزى ەلدىڭ جۇرەگىن تولقىتىپ, جۇلدەگەردى قۇتتىقتادى. «مامالاپ» موينىنا اسىلعان كىشكەنتاي قىزدى كورگەندە, جيىلعان جۇرتتىڭ كوزىنەن قۋانىشتىڭ تامشىسى ىرشىپ شىقتى. ارينە, مىڭداعان مىقتىنىڭ ىشىنەن ۇزدىك شىعۋ وڭاي شارۋا ەمەس.
مىنە, اناسىنىڭ ەرلىگى قازاقستاننىڭ سپورت تاريحىندا التىن ارىپپەن جازىلسا, كىشكەنتاي ءبۇلدىرشىننىڭ جۇرەگىندە وسى ءسات ماڭگىلىك ساقتالاتىنى انىق. سالتاناتتى شارانىڭ شىمىلدىعىن دەنەشىنىقتىرۋ جانە سپورت باسقارماسىنىڭ باسشىسى تۇراتبەك شاراپيەۆ اشتى. ول جينالعان جۇرتقا العىس سەزىمىن اقتارىپ, ريودا كۇمىس مەدال سىيلاعان راۋشانعا جۇرەكجاردى تىلەگىن ارنادى. وليمپيادادا ونەر كورسەتۋ ءبىر بولەك بولسا, وعان جولداما ۇتۋ ءبىر باسقا. ءبىزدىڭ راۋشان ريوعا ەل ءۇمىتىن ارقالاپ اتتانعان ەدى. باعى مەن بابى قاتار شاپقان ول ەندى ورتامىزعا كۇمىس مەدالمەن كەلىپ وتىر. «راۋشاننىڭ تالاي جىلعى ەڭبەگى, ماڭداي تەرىنىڭ وتەۋى قازاقستاننىڭ ابىرويىن اسىردى», – دەپ ءسوزىن تۇيىندەدى ول.
مۇنان كەيىن ۇيعىر اۋدانىنىڭ اكىمى ءالىمجان توحتاحۋنوۆ ءسوز الىپ, ىلەنىڭ ارعى بەتىندەگى ەلدىڭ ساعىنىشتى سالەمىن جەتكىزدى. ول ءوز سوزىندە سپورتشىلاردىڭ وسىنداي جەتىستىككە جەتۋىنە قولداۋ كورسەتىپ وتىرعان ەلباسى, وبلىس اكىمى جانە وبلىستىق سپورت باسقارماسى ەكەنىن تىلگە تيەك ەتىپ, بارلىعىنا العىسىن ءبىلدىردى. ول ءسوزىن: «راۋشان الەم چەمپيوناتىنان جۇلدەمەن ورالعاندا, اۋداندا وسىنداي قۇرمەت كورسەتكەنبىز, ريوعا بارا جاتقانىندا اق جول تىلەپ, تايلى-تاياعىمىز قالماي شىعارىپ سالىپ ەدىك. سول كەزدە قايسار قىز «مەن جۇلدەسىز ورالمايمىن» دەگەن ەدى. ۋادەسىندە تۇرىپ, ەلىمىزگە كۇمىس مەدال سىيلاپ وتىر. ۇلكەن العىس ايتامىن», – دەپ ءسوزىن اياقتادى.
سوڭىنان كوپ الدىنا قاھارمان قىزدىڭ ءوزى شىقتى. جۇرەگى تولقىپ تۇرعان راۋشان جانكۇيەرلەردىڭ مۇنداي قولداۋىنا ءوزىنىڭ ريزاشىلىعىن تانىتتى. ول ءالى تالاي دودادان وسىلاي ابىرويمەن ورالاتىنىن اشىپ ايتتى. سودان سوڭ: «ريوعا اتتانار الدىندا ەلباسىعا مەن مەدالسىز قايتپايمىن دەپ ۋادە ەتكەن ەدىم. سول ۋادەمدە تۇردىم. وعان جەتۋىمە مىنا سىزدەر, سپورتتىڭ باسىندا ءجۇرگەن بارلىق باسشىلار جانە وتباسىم كومەكتەستى. وسىنداي جەڭىسىمىز كوپ بولسىن, سپورتپەن شۇعىلدانىڭىزدار, ەلدىڭ نامىسىن جوعارى ۇستايىق», – دەپ ءسوزىن تياناقتادى.
جينالعان جۇرت ريودا جەتىنشى ورىننان كورىنگەن گۇلبانۋ ءابدىحالىقوۆاعا دا وسىنداي ىستىق ىقىلاس كورسەتتى.
سالتاناتتى شارانىڭ سوڭى ەستەلىك سۋرەتكە تۇسۋمەن اياقتالىپ, كولىكتەر قايسار قىزداردى الىپ, قالاعا قاراي بەت تۇزەدى.
ريشاد تۇرعانباەۆ,
جۋرناليست
تالدىقورعان
ريو-دە-جانەيرودا وتكەن پاراليمپيالىق ويىندار دا تاريحتىڭ قويناۋىنا كەتىپ بارا جاتىر. سول ءدۇبىرلى دودادا قازاقستان قۇراماسى ءوزىنىڭ تاريحىندا تۇڭعىش رەت مەدال الدى. ولاردىڭ ءبىرى التىن جۇلدە بولسا, ەكىنشىسى كۇمىسپەن كۇپتەلگەن ماراپات ەدى. كەشە كوماندا قورجىنىنا كۇمىس مەدال سىيلاعان پاۋەرلەفتينگشى راۋشان قويشىباەۆا تۋعان جەرىنە ورالدى. ونى تالدىقورعان قالاسىندا جەرلەستەرى قۇشاق جايا قارسى الدى.
شىنىندا دا ءبىزدىڭ ەكى ءجۇلدەگەرىمىز ەرلەدى. مۇحيتتىڭ ارعى جاعىنا ەلىمىزدەن اتتانعان 11 سپورتشىنىڭ قاي-قايسىسى دا قۇرمەتكە لايىقتى ەدى. سوندىقتان 100 مەتر قاشىقتىقتا براسس ادىسىمەن جۇزۋدە الدىنا جان سالماعان ءزۇلفيا عابيدۋلينا مەن پاۋەرلەفتينگتەن 113 كيلونى ەركىن ەڭسەرگەن راۋشان قويشىباەۆا باستاعان سپورتشىلارعا الدىمەن ەلوردانىڭ تورىندە قۇرمەت كورسەتىلدى.
استانانىڭ اقجارىلعاپ قوشەمەتى جەتىسۋ جەرىندە جالعاسىن تاپتى. جۇرت اۋەجايعا قاراي اعىلدى. سايىن دالانىڭ جۇلدەگەر قىزى راۋشان قويشىباەۆانى كۇتىپ الۋعا ەلمەن ىلەسىپ, ءبىز دە جەتتىك. جالىندى سوزدەر جازىلعان ترانسپارانتتار ۇستاعان ۇلكەن-كىشىلى سپورت جانكۇيەرلەرى تاعاتسىزدانا كۇمىس جۇلدەگەردى كۇتۋدە. ايتپاقشى, ريوداعى باسەكەگە جەتىسۋ جەرىنەن ەكى سپورتشى اتتانعان-دى. ونىڭ ەكىنشىسى جەتىنشى ورىن العان گۇلبانۋ ابدىحالىقوۆا بولاتىن. كوڭىلى شات كوپشىلىك كەنەت اۋەلەتىپ ءان شىرقادى. ۇلتتىق كيىم كيگەن قىزدارىمىز شاشۋىن دايىنداپ, ەلەڭدەپ تۇر.
كوپ ۇزاماي جۇرگىزۋشى ريو پاراليمپياداسىنىڭ كۇمىس ءجۇلدەگەرى راۋشان قويشىباەۆانىڭ كەلە جاتقانىن حابارلادى. جانكۇيەرلەردىڭ قولداۋى اۋەجاي ءىشىن جاڭعىرتىپ, كوك تۋدى جەلبىرەتتى. سول ساتتە كەۋدەسىن قۋانىش كەرنەپ, موينىنا تاققان كۇمىس مەدالىن جارقىراتىپ, اتلەت ورتامىزعا كەلدى. اتانىڭ سالتىمەن قايسار قىزعا گۇل شوقتارىن ۇسىنىپ, ورتامىزعا الدىق. قاۋمالاعان جانكۇيەردە ەسەپ جوق. سولاردىڭ ىشىندە جولداسى مەن ءۇش قىزى ەلدىڭ جۇرەگىن تولقىتىپ, جۇلدەگەردى قۇتتىقتادى. «مامالاپ» موينىنا اسىلعان كىشكەنتاي قىزدى كورگەندە, جيىلعان جۇرتتىڭ كوزىنەن قۋانىشتىڭ تامشىسى ىرشىپ شىقتى. ارينە, مىڭداعان مىقتىنىڭ ىشىنەن ۇزدىك شىعۋ وڭاي شارۋا ەمەس.
مىنە, اناسىنىڭ ەرلىگى قازاقستاننىڭ سپورت تاريحىندا التىن ارىپپەن جازىلسا, كىشكەنتاي ءبۇلدىرشىننىڭ جۇرەگىندە وسى ءسات ماڭگىلىك ساقتالاتىنى انىق. سالتاناتتى شارانىڭ شىمىلدىعىن دەنەشىنىقتىرۋ جانە سپورت باسقارماسىنىڭ باسشىسى تۇراتبەك شاراپيەۆ اشتى. ول جينالعان جۇرتقا العىس سەزىمىن اقتارىپ, ريودا كۇمىس مەدال سىيلاعان راۋشانعا جۇرەكجاردى تىلەگىن ارنادى. وليمپيادادا ونەر كورسەتۋ ءبىر بولەك بولسا, وعان جولداما ۇتۋ ءبىر باسقا. ءبىزدىڭ راۋشان ريوعا ەل ءۇمىتىن ارقالاپ اتتانعان ەدى. باعى مەن بابى قاتار شاپقان ول ەندى ورتامىزعا كۇمىس مەدالمەن كەلىپ وتىر. «راۋشاننىڭ تالاي جىلعى ەڭبەگى, ماڭداي تەرىنىڭ وتەۋى قازاقستاننىڭ ابىرويىن اسىردى», – دەپ ءسوزىن تۇيىندەدى ول.
مۇنان كەيىن ۇيعىر اۋدانىنىڭ اكىمى ءالىمجان توحتاحۋنوۆ ءسوز الىپ, ىلەنىڭ ارعى بەتىندەگى ەلدىڭ ساعىنىشتى سالەمىن جەتكىزدى. ول ءوز سوزىندە سپورتشىلاردىڭ وسىنداي جەتىستىككە جەتۋىنە قولداۋ كورسەتىپ وتىرعان ەلباسى, وبلىس اكىمى جانە وبلىستىق سپورت باسقارماسى ەكەنىن تىلگە تيەك ەتىپ, بارلىعىنا العىسىن ءبىلدىردى. ول ءسوزىن: «راۋشان الەم چەمپيوناتىنان جۇلدەمەن ورالعاندا, اۋداندا وسىنداي قۇرمەت كورسەتكەنبىز, ريوعا بارا جاتقانىندا اق جول تىلەپ, تايلى-تاياعىمىز قالماي شىعارىپ سالىپ ەدىك. سول كەزدە قايسار قىز «مەن جۇلدەسىز ورالمايمىن» دەگەن ەدى. ۋادەسىندە تۇرىپ, ەلىمىزگە كۇمىس مەدال سىيلاپ وتىر. ۇلكەن العىس ايتامىن», – دەپ ءسوزىن اياقتادى.
سوڭىنان كوپ الدىنا قاھارمان قىزدىڭ ءوزى شىقتى. جۇرەگى تولقىپ تۇرعان راۋشان جانكۇيەرلەردىڭ مۇنداي قولداۋىنا ءوزىنىڭ ريزاشىلىعىن تانىتتى. ول ءالى تالاي دودادان وسىلاي ابىرويمەن ورالاتىنىن اشىپ ايتتى. سودان سوڭ: «ريوعا اتتانار الدىندا ەلباسىعا مەن مەدالسىز قايتپايمىن دەپ ۋادە ەتكەن ەدىم. سول ۋادەمدە تۇردىم. وعان جەتۋىمە مىنا سىزدەر, سپورتتىڭ باسىندا ءجۇرگەن بارلىق باسشىلار جانە وتباسىم كومەكتەستى. وسىنداي جەڭىسىمىز كوپ بولسىن, سپورتپەن شۇعىلدانىڭىزدار, ەلدىڭ نامىسىن جوعارى ۇستايىق», – دەپ ءسوزىن تياناقتادى.
جينالعان جۇرت ريودا جەتىنشى ورىننان كورىنگەن گۇلبانۋ ءابدىحالىقوۆاعا دا وسىنداي ىستىق ىقىلاس كورسەتتى.
سالتاناتتى شارانىڭ سوڭى ەستەلىك سۋرەتكە تۇسۋمەن اياقتالىپ, كولىكتەر قايسار قىزداردى الىپ, قالاعا قاراي بەت تۇزەدى.
ريشاد تۇرعانباەۆ,
جۋرناليست
تالدىقورعان
سوڭعى جاڭالىقتار
استانا مەن الماتىدا دوللار قانشادان ساتىلىپ جاتىر؟
قارجى • بۇگىن, 09:38
مەملەكەت باسشىسى پاسحا مەرەكەسىمەن قۇتتىقتادى
پرەزيدەنت • بۇگىن, 09:20
مەملەكەت باسشىسى مەن وزبەكستان پرەزيدەنتى بەيرەسمي كەزدەسۋ وتكىزدى
پرەزيدەنت • كەشە
قازاقستاندا نەگىزگى ۇبت-عا تىركەلۋ باستالادى
ءبىلىم • كەشە
مەملەكەت باسشىسى بەلگىلى عالىمداردى ماراپاتتادى
پرەزيدەنت • كەشە
بۇگىن ەلىمىزدىڭ التى قالاسىندا اۋا ساپاسى ناشارلايدى
اۋا رايى • كەشە
