قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №4-5/603

  2015 جىلعى 2 شىلدە, استانا قالاسى ماقتا وڭدەۋ ۇيىمدارىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ قاعيدالارىن بەكىتۋ تۋرالى «ماقتا سالاسىن دامىتۋ تۋرالى» 2007 جىلعى 21 شىلدەدەگى قازاقستان رەسپۋبليكاسى زاڭىنىڭ 7-بابىنىڭ 18) تارماقشاسىنا سايكەس بۇيىرامىن: 1. قوسا بەرىلىپ وتىرعان ماقتا وڭدەۋ ۇيىمدارىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ قاعيدالارى بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ وسىمدىك شارۋاشىلىعى ونىمدەرىن ءوندىرۋ مەن قايتا وڭدەۋ جانە فيتوسانيتاريالىق قاۋىپسىزدىك دەپارتامەنتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ اۋىل شارۋاشىلىعى ءمينيسترى ا.مامىتبەكوۆ «كەلىسىلگەن» قازاقستان رەسپۋبليكاسىنىڭۇلتتىق ەكونوميكا ءمينيسترى ________________ ە. دوساەۆ 2015 جىلعى 21 تامىز قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 2 شىلدەدەگى № 4-5/603 بۇيرىعىمەن بەكىتىلگەن ماقتا وڭدەۋ ۇيىمدارىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ قاعيدالارى 1. جالپى ەرەجەلەر 1. وسى ماقتا وڭدەۋ ۇيىمدارىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ قاعيدالارى (بۇدان ءارى - قاعيدالار) «ماقتا سالاسىن دامىتۋ تۋرالى» 2007 جىلعى 21 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە ماقتا وڭدەۋ ۇيىمدارىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ ءتارتىبىن ايقىندايدى. 2. وسى قاعيدالاردا مىناداي نەگىزگى ۇعىمدار پايدالانىلادى: 1) كەپىلدىك بەرىلگەن ماقتا كولەمى – قايتارۋ جونىندەگى جاۋاپكەرشىلىككە قور كەپىلدىك بەرەتىن, قور ءاربىر قاتىسۋشى بويىنشا بەلگىلەيتىن ماقتا كولەمى; 2) قاتىسۋ شارتى – قور مەن ماقتا وڭدەۋ ۇيىمىنىڭ اراسىندا جاسالاتىن شارت, ونىڭ نەگىزىندە سوڭعىسى ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسادى; 3) قاتىسۋشى – قورمەن قاتىسۋ شارتى جاسالعان جانە قولدانىلاتىن, ماقتا قولحاتتارىن بەرە وتىرىپ, قويما قىزمەتi جونىندەگى قىزمەتتەر كورسەتۋگە ليتسەنزياسى بار ماقتا وڭدەۋ ۇيىمى; 4) ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ قورى – ءوز قىزمەتىن ماقتا وڭدەۋ ۇيىمدارىنىڭ وزدەرى بەرگەن ماقتا قولحاتتارى بويىنشا مىندەتتەمەلەرىن ورىنداماۋىنان ماقتا قولحاتتارىن ۇستاۋشىلاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ ماقساتىندا جۇزەگە اسىراتىن زاڭدى تۇلعا (بۇدان ءارى – قور نەمەسە قورلار); 5) ماقتا وڭدەۋ ۇيىمىنىڭ پاسپورتتىق قۋاتتىلىعى – ءشيتتى ماقتانى وڭدەۋدىڭ تاۋلىكتىك جانە جىلدىق كولەمىن سيپاتتايتىن تەحنيكالىق قۇجاتتار. 2. ماقتا وڭدەۋ ۇيىمدارىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ ءتارتىبى 3. ماقتا قولحاتتارىن بەرە وتىرىپ, قويما قىزمەتi جونىندەگى قىزمەتتەر كورسەتۋگە ليتسەنزياسى بار ماقتا وڭدەۋ ۇيىمى قورعا (قورلارعا) قاتىسۋ ءۇشiن ەركىن نىساندا قورعا (قورلارعا) ءوتiنiش بەرەدi جانە مىناداي قۇجاتتاردى قوسا بەرەدi: 1) جىلجىمايتىن م ۇلىككە تىركەلگەن قۇقىقتار (اۋىرتپالىق سالۋلار) جانە ونىڭ تەحنيكالىق سيپاتتامالارى تۋرالى انىقتاما; 2) ماقتا وڭدەۋ ۇيىمى جارعىسىنىڭ كوشىرمەسى (تۇپنۇسقاسى سالىستىرىپ تەكسەرۋ ءۇشىن كورسەتىلەدى); 3) قۇرىلتايشىلاردىڭ قۇرامى تۋرالى قۇرىلتاي شارتىنان ءۇزىندى-كوشىرمە نەمەسە قورعا ءوتىنىش بەرەتىن كۇنگە دەيىن كەمىندە ون كۇن بۇرىن تىركەۋشى بەرگەن باعالى قاعازداردى ۇستاۋشىلار تىزىلىمدەرى جۇيەسىندە باعالى قاعازداردى ۇستاۋشىلاردىڭ جەكە شوتىنان ءۇزىندى-كوشىرمە; 4) ماقتا قولحاتتارىن بەرە وتىرىپ, قويما قىزمەتi جونىندەگى قىزمەتتەر كورسەتۋگە ليتسەنزيانىڭ كوشiرمەسi (تۇپنۇسقاسى سالىستىرىپ تەكسەرۋ ءۇشىن كورسەتىلەدى); 5) ماقتا وڭدەۋ ۇيىمىنىڭ بىلىكتىلىك تالاپتارىنا سايكەستىگى جانە ءشيتتى ماقتانىڭ جاڭا ءونىمىن قابىلداۋعا ازىرلىگى مانىنە جۇرگىزىلەتىن جىل سايىنعى تەكسەرىس تۋرالى جەرگىلىكتى اتقارۋشى ورگان اكتىسىنىڭ كوشىرمەسى (تۇپنۇسقاسى سالىستىرىپ تەكسەرۋ ءۇشىن كورسەتىلەدى); 6) وتكەن جىلعا جانە سوڭعى ەسەپتى كۇنگە بۋحگالتەرلىك تەڭگەرىمنىڭ جانە قارجى-شارۋاشىلىق قىزمەت تۋرالى ەسەپتىڭ ماقتا وڭدەۋ ۇيىمىنىڭ مورىمەن كۋالاندىرىلعان كوشىرمەلەرى; 7) ماقتا وڭدەۋ ۇيىمىنىڭ وتكەن ەسەپتى جىلعى جىلدىق قارجىلىق ەسەپتىلىگىنىڭ شىنايىلىعىن راستايتىن اۋديتورلىق قورىتىندىنىڭ كوشىرمەسى (تۇپنۇسقاسى سالىستىرىپ تەكسەرۋ ءۇشىن كورسەتىلەدى); 8) ماقتا وڭدەۋ ۇيىمى ءوتىنىش بەرگەن كۇننىڭ الدىنداعى ءۇش ايدان استام مەرزىمگە بانكتىڭ الدىندا مەرزىمى وتكەن بەرەشەگىنىڭ جوق ەكەندىگى تۋرالى بانكتىڭ ءمورى باسىلعان, ءبىرىنشى باسشىنىڭ نەمەسە قول قويۋ قۇقىعى بار ادامنىڭ جانە باس بۋحگالتەردىڭ قولى قويىلعان بانكتىڭ انىقتاماسى. ەگەر ماقتا وڭدەۋ ۇيىمى بىرنەشە ەكىنشى دەڭگەيدەگى بانكتىڭ نەمەسە فيليالدىڭ, سونداي-اق شەتەلدىك بانكتىڭ كليەنتى بولعان جاعدايدا, بۇل انىقتاما وسىنداي بانكتەردىڭ ارقايسىسىنان ۇسىنىلادى; 9) قازاقستان رەسپۋبليكاسى قارجى ءمينيسترىنىڭ 2008 جىلعى 29 جەلتوقسانداعى № 622 بۇيرىعىمەن بەكىتىلگەن دەربەس شوتتاردى جۇرگىزۋ ەرەجەلەرىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5446 بولىپ تىركەلگەن) 20-تارماعىنا سايكەس سالىق بەرەشەگىنىڭ, مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى جانە الەۋمەتتىك اۋدارىمدار بويىنشا بەرەشەكتەرىنىڭ جوق ەكەنى تۋرالى مالىمەتتەر (تولەۋ مەرزىمى قازاقستان رەسپۋبليكاسىنىڭ زاڭناماسىنا سايكەس ۇزارتىلعان جاعدايلاردى قوسپاعاندا), نەمەسە كونكۋرس جاريالانعان كۇننەن كەش ەمەس ءبىر تەڭگەدەن كەم ەمەس سالىق بەرەشەگىنىڭ, مىندەتتى زەينەتاقى جارنالارى, مىندەتتى كاسىپتىك زەينەتاقى جارنالارى جانە الەۋمەتتىك اۋدارىمدار بويىنشا بەرەشەكتەرىنىڭ بار ەكەنى تۋرالى انىقتاماسىنىڭ كوشىرمەسى; 10) قاتىسۋ شارتىنىڭ كوشىرمەسى جانە كەپىلدىك بەرىلگەن ماقتانىڭ كولەمى تۋرالى مالىمەتتەر (ەگەر ماقتا وڭدەۋ ۇيىمى ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرەتىن باسقا قورلاردىڭ قاتىسۋشىسى بولسا); 11) قورعا كەپىلدىك بەرىلگەن ماقتا كولەمىن انىقتاۋ ءۇشىن قاجەتتى وزگە قۇجاتتار. 4. قور (قورلار) ءوتىنىشتى جانە وسى قاعيدالاردىڭ 3-تارماعىندا كورسەتىلگەن قۇجاتتاردى العاننان كەيىن, ماقتا وڭدەۋ ۇيىمىنىڭ ءوتىنىشىن وسى قورعا قاتىسۋشىلاردىڭ قۇرامىنا ەنگىزۋ جانە كەپىلدىك بەرىلگەن ماقتانىڭ كولەمىن انىقتاۋ مانىنە قارايدى. ماقتا وڭدەۋ ۇيىمىنىڭ ءوتىنىشىن قوردىڭ قاراۋ مەرزىمى جيىرما كۇنتىزبەلىك كۇننەن اسپاۋى كەرەك. 5. ماقتا وڭدەۋ ۇيىمىنىڭ ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋى قوردىڭ ماقتا وڭدەۋ ۇيىمىن قورعا قاتىسۋشىلاردىڭ قاتارىنا قوسۋ تۋرالى شەشىمدەرىنە سايكەس جاسالعان قاتىسۋ شارتتارىنىڭ نەگىزىندە جۇزەگە اسىرىلادى. قوردىڭ قاتىسۋشىمەن قاتىسۋ شارتىن جاساسۋ مەرزىمى قوردىڭ ماقتا وڭدەۋ ۇيىمىن قورعا قاتىسۋشىلاردىڭ قاتارىنا قوسۋ تۋرالى شەشىمى قابىلدانعاننان كەيىن كۇنتىزبەلىك جەتى كۇننەن اسپايدى. 6. ماقتا وڭدەۋ ۇيىمىن قورعا قاتىسۋشىلاردىڭ قاتارىنا قوسقان كەزدە, قور ماقتا وڭدەۋ ۇيىمىنىڭ پاسپورتتىق قۋاتتىلىعىن, ناقتى تولتىرىلعان كولەمىن, باسقا قور (قورلار) كەپىلدىك بەرگەن ماقتانىڭ كولەمى تۋرالى مالىمەتتەردى ەسكەرە وتىرىپ (ماقتا وڭدەۋ ۇيىمى باسقا دا قورلارعا قاتىسقان جاعدايدا) انىقتالاتىن كەپىلدىك بەرىلگەن ماقتانىڭ كولەمىن بەلگىلەيدى. 7. ماقتا وڭدەۋ ۇيىمىنىڭ قورعا قاتىسۋى قور بەرەتىن قاتىسۋشى كۋالىگىمەن راستالادى. ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ تۋرالى كۋالىكتى اۋىستىرۋ قاتىسۋشىنىڭ اتاۋى وزگەرگەن جاعدايدا قاتىسۋشىدان ليتسەنزيانىڭ قايتا تىركەلۋىن جانە قايتا رەسىمدەلۋىن راستايتىن قۇجاتتاردى العان ساتتەن باستاپ ون جۇمىس كۇنى ىشىندە جۇرگىزىلەدى. ماقتا وڭدەۋ ۇيىمىن قورعا قاتىسۋشىلاردىڭ قۇرامىنان شىعارعان جاعدايدا, ماقتا وڭدەۋ ۇيىمى قور بەرگەن كۋالىكتى ءۇش جۇمىس كۇنى ىشىندە وعان قايتارادى. 8. ماقتا قولحاتتارى بويىنشا مىندەتتەمەلەردىڭ ورىندالۋىنا كەپىلدىك بەرۋ جۇيەسىنە قاتىسۋ ءۇشىن قاتىسۋشى قورعا (قورلارعا) قاتىسۋ شارتىندا ايقىندالاتىن جىل سايىنعى مىندەتتى جارنالاردى تولەيدى. 9. قور ءوزىنىڭ قاتىسۋشىلارىنىڭ ءتىزىلىمىن جۇرگىزەدى جانە كەپىلدىك بەرىلگەن ماقتانىڭ كولەمىن كورسەتە وتىرىپ, قاتىسۋشىلار تۋرالى اقپاراتتىڭ رەسپۋبليكالىق مەرزىمدى باسپا باسىلىمدارىندا مەملەكەتتىك جانە ورىس تىلدەرىندە جىل سايىنعى جاريالانۋىن قامتاماسىز ەتەدى. 10. قاتىسۋشىنىڭ قورعا (قورلارعا) قاتىسۋى تومەندە سانامالانعان جاعدايلاردىڭ بىرەۋى بولعاندا توقتاتىلادى: 1) قورمەن جاسالعان قاتىسۋ شارتى بۇزىلعاندا; 2) سوتتىڭ شەشىمى بويىنشا; 3) قاتىسۋ شارتى تاراپتارىنىڭ ءبىرى جويىلعاندا. ماقتا وڭدەۋ ۇيىمىنىڭ قورعا قاتىسۋى توقتاتىلعان كۇننەن باستاپ وتىز كۇننىڭ ىشىندە قور ءتيىستى اقپاراتتىڭ رەسپۋبليكالىق مەرزىمدى باسپا باسىلىمدارىندا مەملەكەتتىك جانە ورىس تىلدەرىندە جاريالانۋىن قامتاماسىز ەتەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 22 قىركۇيەكتە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12093 بولىپ ەنگىزىلدى.