قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى  №18-03/578

  2015 جىلعى 26 ماۋسىم, استانا قالاسى اڭشىلىق جانە بالىق شارۋاشىلىقتارى سۋبەكتىلەرىنىڭ قورىقشىلىق قىزمەتى تۋرالى ۇلگىلىك ەرەجەنى بەكىتۋ تۋرالى «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ 9-بابى 1-تارماعىنىڭ 67) تارماقشاسىنا سايكەس بۇيىرامىن: 1. قوسا بەرىلىپ وتىرعان اڭشىلىق جانە بالىق شارۋاشىلىقتارى سۋبەكتىلەرىنىڭ قورىقشىلىق قىزمەتى تۋرالى ۇلگىلىك ەرەجە بەكىتىلسىن. 2. قازاقستان رەسپۋبليكاسى اۋىل شارۋاشىلىعى مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىنىڭ مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرىلۋىن; 3) وسى بۇيرىقتىڭ قازاقستان رەسپۋبليكاسى اۋىل شارۋاشىلىعى مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ا.مامىتبەكوۆ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 26 ماۋسىمداعى №18-03/578 بۇيرىعىمەن بەكىتىلگەن اڭشىلىق جانە بالىق شارۋاشىلىقتارى سۋبەكتىلەرىنىڭ قورىقشىلىق قىزمەتى تۋرالى ۇلگىلىك ەرەجە 1. جالپى ەرەجەلەر 1. وسى اڭشىلىق جانە بالىق شارۋاشىلىقتارى سۋبەكتىلەرىنىڭ قورىقشىلىق قىزمەتى تۋرالى ۇلگىلىك ەرەجە (بۇدان ءارى - ۇلگىلىك ەرەجە) «جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ تۋرالى» 2004 جىلعى 9 شىلدەدەگى قازاقستان رەسپۋبليكاسى زاڭىنىڭ (بۇدان ءارى - زاڭ) 9-بابى 1-تارماعىنىڭ 67) تارماقشاسىنا سايكەس ازىرلەندى جانە قورىقشىلىق قىزمەتىنىڭ ءتارتىبىن ايقىندايدى. 2. اڭشىلىق جانە بالىق شارۋاشىلىعى سۋبەكتىلەرىنىڭ قورىقشىلىق قىزمەتى (بۇدان ءارى – قورىقشىلىق قىزمەت) بەكىتىلىپ بەرىلگەن اڭشىلىق القاپتارىندا جانە بالىق شارۋاشىلىعى سۋ ايدىندارىندا جانە (نەمەسە) ۋچاسكەلەرىندە جانۋارلار دۇنيەسىن قورعاۋ فۋنكتسيالارىن جۇزەگە اسىراتىن اڭشىلىق جانە بالىق شارۋاشىلىقتارى سۋبەكتىلەرىنىڭ قۇرىلىمدىق بولىمشەسى بولىپ تابىلادى. 3. قورىقشىلىق قىزمەتى اڭشىلىق جانە بالىق شارۋاشىلىقتارى سۋبەكتىسى ديرەكتورىنىڭ بۇيرىعىمەن قۇرىلادى جانە وعان (باسشىلىققا) باعىنادى. 4. قورىقشىلىق قىزمەتكە اڭشىلىق جانە بالىق شارۋاشىلىعى سۋبەكتىلەرىنىڭ قىزمەتكەرلەرى: اڭشىلىق جانە بالىق شارۋاشىلىعى ديرەكتورلارى, اعا قورىقشىلار (بولعان جاعدايدا), قورىقشىلار جاتادى. 5. قورىقشىلىق قىزمەتتى اڭشىلىق جانە بالىق شارۋاشىلىعى سۋبەكتىلەرى ءوز قاراجاتى ەسەبىنەن قۇرادى. 6. قورىقشىلىق قىزمەتى قىزمەتكەرلەرىنىڭ جۇمىسى قازاقستان رەسپۋبليكاسىنىڭ جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىنداعى زاڭناماسىنا, وسى ۇلگىلىك ەرەجەگە نەگىزدەلەدى. 7. قورىقشىلىق قىزمەتى قىزمەتكەرلەرiنiڭ لاۋازىمدىق نۇسقاۋلىقتارىن اڭشىلىق جانە بالىق شارۋاشىلىقتارى سۋبەكتiسى ازiرلەيدi جانە بەكiتەدi. 8. اڭشىلىق جانە بالىق شارۋاشىلىعىنىڭ قورىقشىلىق قىزمەتiنە ون سەگiز جاسقا تولعان, اتىس قارۋىن ساقتاۋعا جانە الىپ جۇرۋگە قۇقىعى بار قىلمىستىق جاۋاپقا تارتىلماعان تۇلعالار قابىلدانادى. 9. اڭشىلىق جانە بالىق شارۋاشىلىقتارى سۋبەكتىلەرىنىڭ ديرەكتورلارى قورىقشىلىق قىزمەتتى قۇرعاننان كەيىن جانە اعا قورىقشىلاردى (بولعان جاعدايدا), قورىقشىلاردى جۇمىسقا قابىلداعاننان كەيىن جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىنداعى ۋاكىلەتتى ورگاننىڭ ۆەدومستۆوسى اۋماقتىق بولىمشەسىنە ءتيىستى اقپاراتتى (تەگىن, اتىن, اكەسىنىڭ اتىن (بولعان جاعدايدا), لاۋازىمىن, قىزمەتتىك كۋالىك پەن ءتوس بەلگىسىنىڭ نومىرلەرىن كورسەتە وتىرىپ, قىزمەتكەرلەردىڭ ءتىزىمىن) بەرەدى. 2. قورىقشىلىق قىزمەتى قىزمەتكەرلەرىنىڭ وكىلەتتىگi جانە ونىڭ قىزمەتىندە پايدالانىلاتىن قۇجاتتارى 10. قورىقشىنىڭ قۇقىتارى مەن مىندەتتەرى: 1) قازاقستان رەسپۋبليكاسىنىڭ اكiمشiلiك قۇقىق بۇزۋشىلىق تۋرالى زاڭناماسىنا سايكەس كەيiننەن ولاردى جانۋارلار دۇنيەسiن قورعاۋ جونiندەگi مەملەكەتتiك ينسپەكتورلارعا, جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىنداعى ۋاكiلەتتi ورگانعا نە سوتقا مiندەتتi تۇردە بەرۋ ءۇشiن اكiمشiلiك قۇقىق بۇزۋشىلىق تۋرالى حاتتامالار تولتىرادى; 2) قىزمەتتىك قارۋدى الىپ جۇرۋگە جانە ايىرىم بەلگىلەرى بار ارناۋلى كيىم كيەدى; 3) جەكە جانە زاڭدى تۇلعالاردىڭ اڭ اۋلاۋعا جانە بالىق اۋلاۋعا قۇقىق بەرەتىن قۇجاتتارىن تەكسەرەدى; 4) اڭ اۋلاۋ قاعيدالارىن بۇزعانى ءۇشىن اتىس قارۋىن كەيىننەن ىشكى ىستەر ورگاندارىنا مىندەتتى تۇردە بەرۋ ءۇشىن الادى; 5) قازاقستان رەسپۋبليكاسىنىڭ جانۋارلار دۇنيەسiن قورعاۋ, ءوسiمiن مولايتۋ جانە پايدالانۋ سالاسىنداعى زاڭناماسىن بۇزا وتىرىپ پايدالانىلعان اۋلاۋ قۇرالدارىن, زاڭسىز اۋلاپ الىنعان اڭ اۋلاۋ جانە بالىق اۋلاۋ ونىمدەرىن, تىيىم سالىنعان اۋلاۋعا ارنالعان قارۋ تۇرلەرىن كەيىننەن جانۋارلار دۇنيەسىن قورعاۋ جونىندەگى مەملەكەتتىك ينسپەكتورعا بەرۋ ءۇشىن الادى. 6) بەكiتىلiپ بەرiلگەن اڭشىلىق القاپتارىندا جانە بالىق شارۋاشىلىعى سۋ ايدىندارىندا جانە (نەمەسە) ۋچاسكەلەرiندە جانۋارلار دۇنيەسiن قورعاۋدى قامتاماسىز ەتەدى; 7) اڭ اۋلاۋ جانە بالىق اۋلاۋ قاعيدالارىن, اڭشىلىق شارۋاشىلىعىنىڭ ىشكى رەگلامەنتىن, ءورت قاۋىپسىزدىگى قاعيدالارىن, سونداي-اق تىنىشتىق ايماقتارىندا جانۋارلار دۇنيەسىن پايدالانۋعا قويىلعان شەكتەۋلەر مەن تىيىم سالۋلاردى بۇزۋشىلىقتاردىڭ جولىن كەسەدى; 8) جەكە جانە زاڭدى تۇلعالاردان جانۋارلاردىڭ قىرىلۋىنا جانە ولار مەكەندەۋ ورتاسىنىڭ بۇزىلۋىنا اكەپ سوقتىراتىن ارەكەتتەردى توقتاتۋدى تالاپ ەتەدى; 9) جانۋارلار دۇنيەسi وبەكتiلەرiنىڭ مەكەندەۋ ورتاسىن, ولاردىڭ كوبەيۋ جاعدايلارىن جانە شوعىرلانۋ ورىندارىن ساقتاۋ جونىندە شارالار قولدانادى; 10) جانۋارلار دۇنيەسiنە ۇقىپتى جانە iزگiلiكتi قاراۋ ناسيحاتىن جۇرگىزەدى; 11) جانۋارلار اۋىرعان جانە دۇلەي زiلزالا كەزiندە قىرىلۋ قاۋپi تونگەن جاعدايلاردا جانۋارلار دۇنيەسi وبەكتiلەرiنە كومەك كورسەتۋ جونىندە شارالار قولدانادى; 12) انشلاگتاردىڭ ساقتالۋىن قامتاماسىز ەتەدى. 11. قورىقشىلىق قىزمەتىنىڭ جۇمىسىندا مىناداي قۇجاتتار پايدالانىلادى: 1) ديرەكتور: وبلىستىڭ جەرگىلىكتى اتقارۋشى ورگانىنىڭ اڭشىلىق القاپتى نەمەسە بالىق شارۋاشىلىعىنىڭ سۋ ايدىندارىن جانە (نەمەسە) ۋچاسكەلەرىن بەكىتىپ بەرۋ تۋرالى شەشىمىنىڭ كوشىرمەسى; اڭشىلىق جانە (نەمەسە) بالىق شارۋاشىلىقتارىن جۇرگىزۋگە ارنالعان شارت; شارۋاشىلىقىشىلىك اڭشىلىق ءىسىن ۇيىمداستىرۋدىڭ ماتەريالدارى (اڭشىلىق شارۋاشىلىعىنىڭ سۋبەكتىلەرى ءۇشىن); «اكىمشىلىك قۇقىق بۇزۋشىلىقتار جانە ولاردى جاساعان ادامدار تۋرالى ورتالىقتاندىرىلعان دەرەكتەر ەسەبىن جۇرگىزۋ جونىندەگى نۇسقاۋلىعىن بەكىتۋ تۋرالى» قازاقستان رەسپۋبليكاسى باس پروكۋرورىنىڭ 2014 جىلعى 10 قازانداعى № 114 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9869 بولىپ تىركەلگەن) نىسان بويىنشا اكىمشىلىك قۇقىق بۇزۋشىلىقتاردى ەسەپكە الۋ جۋرنالى; «جولدامانىڭ ۇلگىلىك نىسانىن, سونداي-اق ونى بەرۋ قاعيداسىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ مىندەتىن اتقارۋشىنىڭ 2015 جىلعى 27 اقپانداعى № 18-03/145 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10702 بولىپ تىركەلگەن) نىسان بويىنشا اڭشىلىق جانە بالىق شارۋاشىلىعى سۋبەكتiلەرi بەرگەن جولدامالاردى تiركەۋ جۋرنالى; اڭشىلىق القابىنىڭ كارتا-سحەماسى; اڭشىلىق شارۋاشىلىعىن جۇرگىزۋ جوسپارى; جانۋارلاردى ەسەپكە الۋ ماتەريالدارى; «انشلاگتارىنىڭ ۇلگىلەرىن جانە اڭشىلىق شارۋاشىلىقتار, ءوسىمىن مولايتۋ ۋچاسكەلەرى مەن تىنىشتىق ايماقتارى, بالىق شارۋاشىلىعى سۋ ايدىندارىنىڭ جانە (نەمەسە) ۋچاسكەلەرىنىڭ شەكارالارىن, سونداي-اق اڭ اۋلاۋ مەن بالىق اۋلاۋ ءۇشىن تىيىم سالىنعان مەرزىمدەر مەن ورىنداردى, بالىق رەسۋرستارىن جانە باسقا دا سۋ جانۋارلارىن اۋلاۋدى ەسەپكە الۋ جۋرنالىنىڭ (كاسىپشىلىك جۋرنالدىڭ) نىسانىن بەكىتۋ تۋرالى» قازاقستان رەسپۋبليكاسى اۋىل شارۋاشىلىعى ءمينيسترىنىڭ 2012 جىلعى 13 ناۋرىزداعى № 25-03-02/96 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7573 بولىپ تىركەلگەن) نىسان بويىنشا بالىق رەسۋرستارى مەن باسقا دا سۋ جانۋارلارىن اۋلاۋدى ەسەپكە الۋ جۋرنالى (كاسىپشىلىك جۋرنال); 2) اعا قورىقشى (بولعان جاعدايدا), قورىقشى: اڭشىلىق جانە (نەمەسە) بالىق شارۋاشىلىقتارى سۋبەكتىلەرى, ولاردىڭ بىرلەستىكتەرى (اڭشىلار مەن بالىقشىلار بىرلەستىكتەرىن قوسا العاندا) بەرگەن قىزمەتتىك كۋالىك; قورىقشىعا قورىق ۋچاسكەسىن (اينالىمدى) بەكىتىپ بەرۋ تۋرالى اڭشىلىق جانە (نەمەسە) بالىق شارۋاشىلىقتارى سۋبەكتىلەرى بۇيرىعىنىڭ كوشىرمەسى جانە ونىڭ كارتا-سحەماسى; قىزمەتتىك قارۋدى الىپ جۇرۋگە جانە ساقتاۋعا رۇقسات. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 29 شىلدەدە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11780 بولىپ ەنگىزىلدى.