ميلليونىنشى تۇتىنۋشى ماراپاتتالدى

كەشە ورتالىق كوممۋنيكاتسيالار قىزمەتىندە وتكەن سوتتارداعى جاڭا اقپاراتتىق تەحنولوگيالار جانە سوت پروتسەسىنە قاتىسۋشىلار اراسىنداعى ەلەكتروندى ونلاين-ساۋالداما قورىتىندىسىنا ارنالعان بريفينگتە «سوت كابينەتى» سەرۆيسىنىڭ ميلليونىنشى تۇتىنۋشىسى ماراپاتتالدى. سوت سالاسىنداعى قۇجات اينالىمى جۇيەسىن ەلەكتروندى ۇلگىدە جۇرگىزۋ قىزمەتى بويىنشا اق­مو­لا وبلىسىنىڭ تۇرعىنى, ادۆوكات ناتاليا ۆوديانوۆا جو­عارعى سوت ءجۇر­گىزەتىن «سوت كابي­نە­تى» سەرۆي­سىنىڭ ميلليونىنشى قول­دا­نۋشىسى رەتىندە تىركەلگەن ەكەن. وعان ارنايى سىي-قۇرمەت كورسەتىلدى. ءباسپاسوز ءماسليحاتىنا جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى اباي توقسابا مەن جوعار­عى سوتتىڭ سۋدياسى ەلەنا ماك­سيۋ­تا جانە استانا قالالىق ادۆوكات­تار القاسىنىڭ ادۆوكاتى امان­جول مۇحامەدياروۆ قاتىسقان ەدى. سپي­كەرلەردىڭ مالىمدەۋىنشە, اعىمداعى جىلدىڭ 8 ايىندا «سوت كابينەتى» سەرۆيسى ارقىلى 390 698 تالاپ ارىز جولدانعان. بۇل سالاداعى بارلىق قۇجات اينالىمىنىڭ 75,4%-ىن قۇ­رايدى. سونداي-اق, وسى ۋاقىت ارا­لىعىندا 900 مىڭ سمس-حابارلاما جونەلتىلگەن. وسىلايشا, سوڭعى ءۇش جىلدا 1 ملرد تەڭگەگە جۋىق بيۋدجەت قاراجاتى ۇنەمدەلىپتى. سونىمەن قاتار, بريفينگتە اباي اسان ۇلى بۇگىنگى تاڭدا ەلى­مىز بويىنشا سوت زالدارىنىڭ اۋ­ديو-بەينەتىركەۋ جۇيەسىمەن جاراق­تان­دىرىلۋى 84%-دى قۇراعانىنا توقتالدى. «وسى جىلدىڭ وزىندە سوت وتى­­رىستارىنىڭ 78%-ى اۋديو-بەي­نە­تىركەۋ جۇيەسىن قولدانۋ ارقىلى ءوتتى», دەدى ول. ال جوعارعى سوتتىڭ سۋدياسى ەلە­نا ماكسيۋتا سوت پروتسەسىنە قاتى­سۋ­شىلار مەن «سوت كابينەتى» سەرۆي­سى قولدانۋشىلارى اراسىندا ءجۇر­گىزىلگەن ونلاين-ساۋالداما قورى­تىندىسىن تانىستىردى. ساۋال­داما «100 ناقتى قادام» – ۇلت جوس­پارىن ىسكە اسىرۋ شەڭبەرىندەگى سوت ورگاندارى جۇمىسىنىڭ نەگىزگى ين­ديكاتورلارىن ايقىنداۋعا ار­نالعان 8 سۇراقتان قۇرالعان. ءاربىر كورسەتكىشتىڭ وڭىرلەر تۇرعىسىندا تەرەڭ تالدانعانىنا توقتالعان ول ونلاين-ساۋالداماعا 16 445 رەسپوندەنت قاتىسقانىن ايتتى. «ولاردىڭ 77,3%-ى سوت ساتىلارىنىڭ قىسقارۋى سوت تورەلىگىنىڭ تيىمدىلىگىن ارتتى­رادى دەپ ساناسا, 81,2%-ى سوت­تار­دىڭ اشىقتىق دەڭگەيىنە قانا­عات­تانۋشىلىق بىلدىرگەن», دەيدى سۋديا. ونىڭ ايتۋىنشا, ساۋالداما ەلىمىزدىڭ سوت جۇيەسى قىزمەتىنە جۇرتشىلىقتىڭ كوڭىلى تولاتىنىن كورسەتىپ وتىر. نۇرلىبەك دوسىباي, «ەگەمەن قازاقستان»