* 1 قاڭتاردا پرەزيدەنت ن.ءا.نازارباەۆتىڭ قازاقستان حالقىنا جاڭا جىلدىق ۇندەۋى «ەگەمەن قازاقستان» گازەتىندە جاريالاندى. «ەكونوميكانى تۇراقتاندىرۋعا, ءوندىرىستىڭ قۇلدىراۋىن توقتاتىپ, ونى ىرعاقتى قالىپقا ءتۇسىرۋگە ءبىزدىڭ مۇمكىندىگىمىز جەتەدى, وعان مەنىڭ سەنىمىم مول», دەپ جازىلدى ۇندەۋدە.
* 10-11 قاڭتاردا پرەزيدەنت نۇرسۇلتان نازارباەۆ ءوزبەكستاندا رەسمي ساپارمەن بولدى. مەملەكەتتەر باسشىلارى – نۇرسۇلتان نازارباەۆ پەن يسلام كاريموۆ ەكى ەل اراسىندا ءبىرتۇتاس ەكونوميكالىق كەڭىستىك قۇرۋ تۋرالى شارتقا قول قويدى. قاڭتاردىڭ 11 كۇنى نوكىستە ورتالىق ازيا مەملەكەتتەرى باسشىلارىنىڭ جانە رەسەي فەدەراتسياسىنىڭ قاتىسۋىمەن ارال تەڭىزى باسسەينىنىڭ پروبلەمالارى بويىنشا كونفەرەنتسيا ءوتتى.
* 20 قاڭتاردا ەلباسى نۇرسۇلتان نازارباەۆ ۋكرايناعا رەسمي ساپارمەن باردى. ساپار بارىسىندا ەلباسى مەن ۋكراينا باسشىسى لەونيد كراۆچۋك قازاقستان مەن ۋكراينا اراسىنداعى دوستىق پەن ىنتىماقتاستىق تۋرالى شارتقا, «قازىرگى دۇنيە: قىر كورسەتۋ جانە قاتەرلەر» اتتى دەكلاراتسياعا, ەكى مەملەكەت اراسىنداعى قاتىناستارعا بايلانىستى باسقا دا قۇجاتتارعا قول قويىلدى.
*28 قاڭتار – 1 اقپان كۇندەرى ارالىعىندا پرەزيدەنت
ن.ءا. نازارباەۆ داۆوس قالاسىندا وتكەن (شۆەيتساريا) بۇكىلالەمدىك ەكونوميكالىق فورۋمعا قاتىستى.
* 12 اقپاندا ەلىمىزدە ادام قۇقىعى مەن بوستاندىعى قۇرمەتتەلۋىن قامتاماسىز ەتۋ, ولاردىڭ ساقتالۋىنا كەپىلدىكتەردى كۇشەيتۋ ماقساتىندا ادام قۇقىعى جونىندە رەسپۋبليكالىق كوميسسيا قۇرىلدى.
*13-18 اقپان ارالىعىندا پرەزيدەنت ن.ءا. نازارباەۆتىڭ اقش-قا رەسمي ساپارى بولدى. كەلىسسوزدەر ناتيجەسىندە قازاقستان جانە اقش پرەزيدەنتتەرى دەموكراتيالىق ىقپالداستىق حارتياسىنا قول قويدى. سونداي-اق, ساپار اياسىندا قازاقستان يادرولىق قارۋى جوق ەل رەتىندە تانىلىپ, يادرولىق قارۋدى تاراتپاۋ تۋرالى شارتقا قول قويىلدى. بۇدان بولەك, 16 اقپان كۇنى نيۋ-يوركتە قازاقستان پرەزيدەنتى بۇۇ باس حاتشىسى بۋتروس ب. گاليمەن كەزدەستى. اقش-تان قايتار جولدا, ياعني 18 اقپان كۇنى نۇرسۇلتان نازارباەۆ پاريجگە ايالداپ, فرانتسيانىڭ پرەزيدەنتى فرانسۋا ميتتەرانمەن كەزدەستى.
* 25 اقپاندا اقمولاداعى تىڭگەرلەر سارايىندا (قازىرگى كونگرەسس-حولل) قازاقستانداعى تىڭ جانە تىڭايعان جەرلەردى يگەرۋدىڭ 40 جىلدىعىنا ارنالعان رەسپۋبليكا جۇرتشىلىعى وكىلدەرى مەن اگروونەركاسىپ كەشەنى قىزمەتكەرلەرىنىڭ سالتاناتتى جينالىسى ءوتتى.
* 7 ناۋرىزدا جوعارعى كەڭەس پەن جەرگىلىكتى وكىلەتتى ورگاندار
دىڭ سايلاۋى ءوتتى.
*15 ناۋرىز «جەكە تۇلعالاردىڭ تابىسىنا سالىناتىن سالىق تۋرالى» قازاقستان رەسپۋبليكاسى پرەزيدەنتىنىڭ جارلىعى جاريالاندى.
*20 ناۋرىزدا پرەزيدەنت ن.ءا. نازارباەۆ الماتى قالاسىنا ءىس-ساپارمەن كەلگەن اقش قورعانىس ءمينيسترى ۋليام پەرريدى قابىلدادى.
*21 ناۋرىزدا پرەزيدەنت ن.ءا. نازارباەۆتىڭ ۇلىبريتانياعا رەسمي ساپارى باستالدى. ءۇش كۇندىك ساپار بارىسىندا ەكىجاقتى ىنتىماقتاستىق نەگىزىن قالايتىن قۇجاتتارعا قول قويىلدى.
*23-24 ناۋرىزدا مەملەكەت باسشىسىنىڭ يسپانيا كورولدىگىنە رەسمي ساپارى بولدى. ساپار كەزىندە قازاقستان پرەزيدەنتى يسپانيا كورولى I حۋان كارلوسپەن كەزدەستى جانە يسپان ۇكىمەتىنىڭ باسشىسى فەليپە گونسالەسپەن ەكىجاقتى كەلىسسوزدەر جۇرگىزدى.
*28 ناۋرىزدا پرەزيدەنت نۇرسۇلتان نازارباەۆتىڭ رەسەي فەدەراتسياسىنا ءبىرىنشى رەسمي ساپارى باستالدى. نۇرسۇلتان نازارباەۆ پەن رەسەي پرەزيدەنتى بوريس ەلتسين ەكونوميكالىق ىنتىماقتاستىق پەن ينتەگراتسيانى تەرەڭدەتۋ تۋرالى شارتقا, رەسەي فەدەراتسياسى اۋماعىندا تۇراتىن قازاقستان ازاماتتارىنىڭ جانە قازاقستان اۋماعىندا تۇراقتى ءومىر سۇرەتىن رەسەي ازاماتتارىنىڭ ازاماتتىق جانە قۇقىقتىق مارتەبەسىنە بايلانىستى ماسەلەلەردىڭ نەگىزگى پرينتسيپتەرى تۋرالى مەموراندۋمعا, اسكەري ىنتىماقتاستىق تۋرالى شارتقا, قازاقستان رەسپۋبليكاسى اۋماعىندا ۋاقىتشا ورنالاستىرىلعان ستراتەگيالىق يادرولىق كۇشتەر تۋرالى كەلىسىمگە, «بايقوڭىر» عارىشجايى جونىندەگى كەلىسىمگە قول قويدى.
*29 ناۋرىزدا قازاقستان باسشىسى ماسكەۋ مەملەكەتتىك ۋنيۆەرسيتەتىنىڭ پروفەسسور-وقىتۋشى قۇرامىنىڭ جانە ستۋدەنتتەرىنىڭ الدىندا ءسوز سويلەدى. وسى جولى ەلباسى ەۋرازيالىق ەكونوميكالىق وداق قۇرۋ يدەياسىن ۇسىندى.
بۇل تۋرالى «ەگەمەن قازاقستان» گازەتىنىڭ 31 ناۋرىز كۇنگى نومىرىندە «پرەزيدەنت نۇرسۇلتان نازارباەۆتىڭ باستاماسى: «تاۋەلسىز مەملەكەتتەر دوستاستىعىنان – ەۋرازيالىق وداققا» تاقىرىبىمەن ماقالا جاريالاندى.
* 6 ساۋىردە پرەزيدەنت ن.ءا.نازارباەۆتىڭ جاپونياعا العاشقى رەسمي ساپارى باستالدى. ەلباسى ساپار بارىسىندا جاپونيا يمپەراتورى, پرەمەر-ءمينيسترى, ساياسي قايراتكەرلەرى جانە ەلدىڭ ىسكەر توپ وكىلدەرىمەن جۇزدەستى.
* 12 ساۋىردە پرەزيدەنت ن.ءا. نازارباەۆ قازاقستانعا رەسمي ساپارمەن كەلگەن اۆستراليا گەنەرال-گۋبەرناتورى ۋيليام دجوردج حەيدەنمەن كەزدەستى.
* 20 ساۋىردە پارلامەنتتىڭ جاڭا باسشىلىعى سايلاندى. 176 دەپۋتات قاتىسقان داۋىس بەرۋدىڭ ناتيجەسىندە جوعارعى كەڭەستىڭ توراعاسى بولىپ ءابىش كەكىلباەۆ سايلاندى.
* 21 ساۋىردە پرەزيدەنت ن.ءا. نازارباەۆ الماتى قالاسىندا ادام ولشەمى ماسەلەلەرىنە قاتىستى سەمينارىنا كەلگەن ۇلتتىق ازشىلىقتار ءىسى بويىنشا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ جوعارعى كوميسسارى ماكس ۆان دەر ستۋلدى قابىلدادى.
* 25-28 ءساۋىر ارالىعىندا قحر مەملەكەتتىك كەڭەسى پرەمەرى لي پەننىڭ قازاقستانعا رەسمي ساپارى ءوتتى. كەلىسسوزدەر بارىسىندا ن.ءا. نازارباەۆ پەن لي پەن قازاقستان-قىتاي شەكاراسى جونىندە, قىتايدىڭ قازاقستانعا مەملەكەتتىك نەسيە بەرۋ جانە گۋمانيتارلىق كومەك بەرۋ, حالىقارالىق جۇك جانە جولاۋشىلار تاسىمالىن دامىتۋ جانە تاعى دا باسقا كەلىسىمدەرگە قول قويدى.
* 28 ساۋىردە اقش پرەزيدەنتى بيلل كلينتوننىڭ قازاقستان باسشىسى نۇرسۇلتان نازارباەۆقا جولداعان حاتى باسپاسوزدە جاريالاندى. حاتتا اقش پرەزيدەنتى قازاقستاننىڭ يادرولىق قارۋلاردى تاراتپاۋ جونىندەگى شارتقا قوسىلۋى بۇكىل دۇنيە ءجۇزى ءۇشىن ۇلگى بولاتىن تاريحي قادام ەكەنىن, جاس تاۋەلسىز مەملەكەتتىڭ بۇل ىستە كوشباسشىلىق جاساعانىن اتاپ كورسەتتى.
* 30 ساۋىردە قازاقستان پرەزيدەنتى نۇرسۇلتان نازارباەۆ پەن وزبەكستان پرەزيدەنتى يسلام كاريموۆ پرەزيدەنت اسقار اقاەۆتىڭ شاقىرۋىمەن قىرعىزستاندا قىسقا مەرزىمدى ساپاردا بولدى. ساپار اياسىندا ءۇش مەملەكەت اراسىندا ءبىرتۇتاس ەكونوميكالىق كەڭىستىك قۇرۋ جونىندەگى شارتقا قول قويىلدى.
