جاڭا مينيستر باس مۇفتيمەن كەزدەستى

استانا قالاسىندا قازاقستان مۇسىلماندارى ءدىني باسقارماسىنىڭ توراعاسى ەرجان قاجى مالعاجى ۇلى جاڭادان قۇرىلعان ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆپەن كەزدەستى. كەزدەسۋگە مادەنيەت جانە سپورت ۆيتسە-ءمينيسترى مارات ءازىلحانوۆ, ءدىن ىستەرى كوميتەتىنىڭ توراعاسى عالىم شويكين, قازاقستان مۇسىل­ماندارى ءدىني باسقارماسى ءدىني ىستەر ءبولىمىنىڭ باسشىسى كامالجان تۇردىباەۆ جانە وسى باسقارما ءباسپاسوز ءبولىمىنىڭ باسشىسى اعابەك قونارباي ۇلى قاتىستى. رەسمي كەزدەسۋدە جاستارعا دۇ­رىس ءدىني اقپارات جەتكىزۋ, ءدىني وقۋ-اعارتۋ جۇيەسىن جەتىلدىرۋ, يمامداردىڭ ءبىلىمى مەن ءتاجى­ري­بە­سىن شىڭداۋ, ەلىمىزدە قالىپ­تاسقان دىنارالىق كەلىسىمدى ودان ءارى نىعايتۋ, حالىققا ءدىننىڭ ادام­گەرشىلىك, جالپىعا بىردەي مەيىرباندىق قۇندىلىقتارىن ناسيحاتتاۋ ماسەلەلەرى جان-جاقتى تالقىلاندى. مينيستر نۇرلان ەرمەكباەۆ قازاقستان مۇسىلماندارى ءدىني باسقارماسىنىڭ ەلىمىزدەگى ءدىن­ارالىق كەلىسىمدى نىعايتۋعا قوسىپ جاتقان ۇلەسى ءۇشىن العىس ايتىپ, وسى باعىتتا ناتيجەلى جۇمىس جۇرگىزىلە بەرەتىنىنە سەنىم ءبىلدىردى. «ەگەمەن-اقپارات»