جاپوندىق ونەر جاراسىمى

تۇڭعىش پرەزيدەنت مۋزەيىندە قازاق­ستان مەن جاپونيا اراسىنداعى «مادەنيەت ارقىلى ۇنقاتىسۋ» حالىقارالىق جوباسى اياسىندا يكەبانا ونەرىنە ارنالعان مادەني شارا ۇيىمداستىرىلدى. الدىمەن پروفەسسور سو-كاتوكۋ يكەنوبو اتالعان ونەر بويىنشا شەبەرلىك سىنىبىن وتكىزدى. سونىمەن قاتار قاتى­سۋ­شىلاردىڭ ەڭ ۇزدىك تۋىندىلارى كورمەگە قويىلدى. يكەبانا – جاپوننىڭ ەجەلدەن كەلە جاتقان ۇلتتىق ونەرى. ول ءومىر سالتىنان الىن­عان سۇلۋلىق سيمۆولى, عاسىرلار بويى قۇنىن جويماعان ادەمىلىك قازىناسى بولىپ تابىلادى. سوندىقتان دا جاپون حال­قى نازىكتىكتىڭ شىڭى دەپ باعالاعان يكەبا­نانى كۇنى بۇگىنگە دەيىن قادىر تۇتادى. شەبەرلىك ساباعىندا رەسەيدەگى يكەنوبو فيليالىنىڭ نەگىزىن قالاۋشى ءارى ال­عاشقى پرەزيدەنتى ميدوري يامادا جاي­لى, ونىڭ كوركەم تۋىندىلارىنىڭ ەرەك­شە تۇسى ايتىلدى. يامادا وموتە سەنكە مەكتەبىنىڭ شاي قۇيۋ ءراسىمى بويىنشا جانە سۋمي-ە كەسكىندەمەسىنىڭ حاس شەبەرى بولىپ سانالادى. ول 25 جىل ىشىندە رەسەي, تۇرىكمەنستان, تاتارستان, ۋكراينا, مول­دوۆا, ارمەنيا مەن قازاقستاندا كوپ­تەگەن كۋرستار وتكىزىپ, بۇل ونەردىڭ قىر-سىرىن ۇيرەتكەن. ال وسى شارادا قاتى­سۋ­شىلار يامادانىڭ اۆتورلىق جۇمىستارىن تاماشالاپ, يكەبانانىڭ قۇپيا تۇسىنا ءۇڭىلىپ, وزدەرى گۇل شوقتارىن جاسادى. سون­­داي-اق ەكى ەلدىڭ اراسىنداعى مادەني قارىم-قاتىناستى نىعايتا تۇسكەن يكە­بانا ونەرىنىڭ تاريحى جايلى قىزىقتى دە­رەكتەر ايتىلدى. ماسەلەن بۇل ونەر ۇر­پاق­تان ۇرپاققا مۇرا بولىپ كەلە جات­قاندىقتان, جاپونياداعى روككاكۋدو ءشىر­كەۋىنىڭ 45 موناحىنا كەزەڭ-كەزەڭىمەن يكەنوبو ەسىمى بەرىلگەن. ال بۇگىندە اتال­عان شىركەۋدى سەن ەي يكەنوبونىڭ 45-ءشى ۇرپاعى ونو نو يموكو باسقارادى. تالعات رايىمبەك, «ەگەمەن قازاقستان»