Cىبايلاس جەمقورلىققا قارسى ءىس-قيمىلدار جونىندەگى كوميسسيا وتىرىسى ءوتتى

قازاقستان رەسپۋبليكاسىنىڭ مەملەكەتتىك حاتشىسى گۇلشارا ابدىقالىقوۆانىڭ توراعالىعىمەن قازاقستان رەسپۋبليكاسىنىڭ پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسى ءوتتى كوميسسيا وتىرىسىن اشقان گ.ابدىقالىقوۆا قازاقستان رەسپۋبليكاسى ۇكىمەتىنىڭ 2016 جىلعى 9 قاڭتاردا وتكەن كەڭەيتىلگەن وتىرىسىندا مەملەكەت باسشىسىنىڭ داعدارىسقا قارسى جوسپاردان ستراتەگيالىق دامۋدىڭ مىندەتتەرىن ورىنداۋعا كوشۋ جونىندەگى بەرگەن تاپسىرمالارىن ىسكە اسىرۋ ءۇشىن ءاردايىم سىبايلاس جەمقورلىق كورىنىستەرىنىڭ الدىن الىپ, مەملەكەتتىك باعدارلامالارعا بولىنەتىن بيۋدجەت قاراجاتىنىڭ قاتاڭ باقىلانۋىن قامتاماسىز ەتۋ قاجەتتىگىن اتاپ ءوتتى. وتىرىس بارىسىندا بىرقاتار مەملەكەتتىك ورگاندار مەن «اتامەكەن» ۇلتتىق كاسىپكەرلەر پالاتاسىنىڭ باياندامالارى تىڭدالدى. ساۋلەت, قالا قۇرىلىسى جانە قۇرىلىس سالالارىنداعى سىبايلاس جەمقورلىققا قارسى كۇرەس, سونداي-اق مەملەكەتتىك يندۋستريالىق-يننوۆاتسيالىق دامۋ باعدارلامالارىن ىسكە اسىرۋعا بولىنگەن بيۋدجەت قاراجاتىن يگەرۋ جونىندەگى شارالار تالقىلاندى. گ.ابدىقالىقوۆا وسى سالاداعى سىبايلاس جەمقورلىق قاتەرلەرىن ازايتاتىن تەتىكتەر قالىپتاستىرۋعا ەرەكشە نازار اۋدارۋ قاجەت ەكەنىن اتاپ ءوتتى. ولاردىڭ تيىمدىلىك دارەجەسىنە ەكونوميكانىڭ احۋالى عانا ەمەس, مەملەكەتتىڭ ينۆەستيتسيالىق تارتىمدىلىعى دا قاتىستى بولماق. سونداي-اق, مەملەكەت تاراپىنان يندۋستريالىق-يننوۆاتسيالىق دامۋدىڭ 2010-2014 جانە 2015-2019 جىلدارعا ارنالعان باعدارلامالارىن ورىنداۋعا ەلەۋلى بيۋدجەت قاراجاتى بولىنەتىنى ايتىلدى. ولاردى جۇزەگە اسىرۋ كەزىندە بيۋدجەت قاراجاتىن پايدالانۋعا قاتىستى كوپتەگەن زاڭ بۇزۋ جايتتارى قاتار جۇرەتىنى انىقتالدى. يندۋستريالاندىرۋدىڭ العاشقى باعدارلاماسى ىسكە اسىرىلعالى بەرى اقشالاي قاراجاتتى جىمقىرۋ فاكتىلەرى بويىنشا مەملەكەتكە 13 ملرد تەڭگەدەن استام زيان كەلتىرىلگەن. مەملەكەتتىك حاتشى باعدارلامالاردىڭ جەرگىلىكتى جەرلەردە ەلباسىنىڭ تاپسىرمالارىنا سايكەس ءتيىمدى ورىندالۋىنىڭ, ءاربىر ينۆەستيتسيالىق جوبانىڭ ىسكە اسىرىلۋىنىڭ, سونداي-اق حالىققا مەملەكەتتىك قىزمەتتەر كورسەتۋ كەزىندە ەلەكتروندىق رەسۋرستار مۇمكىندىكتەرىن كەڭىنەن پايدالانۋدىڭ ماڭىزدىلىعىن اتاپ كورسەتتى. كوميسسيا شەشىمىمەن مەملەكەتتىك ورگاندارعا زاڭدىلىقتى بۇزۋ فاكتىلەرىنە  قاتىستى ماسەلەلەردى رەتتەۋ جانە الداعى قىزمەتتە ولارعا جول بەرمەۋ شارالارىن قاراستىرۋ تاپسىرىلدى. كوميسسيا وتىرىسىنىڭ قورىتىندىسى بويىنشا مەملەكەتتىك ورگاندارعا ناقتى ۇسىنىمدار مەن تاپسىرمالار بەرىلدى.