ەلىمىزدىڭ باسىم بولىگىندە كۇن اشىق بولادى

بۇگىن قازاقستاننىڭ باسىم بولىگىندە اۋا رايى جاۋىن-شاشىنسىز, اشىق بولادى دەپ بولجام جاسايدى قازگيدرومەت. تەك شىعىستا, سولتۇستىكتە جانە باتىستا اتموسفەرالىق اعىمداردىڭ وتۋىنە بايلانىستى جاڭبىر جاۋادى. سولتۇستىك, سولتۇستىك-باتىس جانە شىعىستىڭ كەي جەرلەرىندە تۇمان تۇسەدى. اقمولا وبلىسىنىڭ كەي جەرلەرىندە جەلدىڭ ەكپىنى سەكۋندىنا 15-20 مەترگە دەيىن كۇشەيەدى, تۇندە جانە تاڭەرتەڭ تۇمان بولۋى ىقتيمال. سونداي-اق ماڭعىستاۋ, باتىس قازاقستان, كۇندىز اتىراۋ جانە شىعىس قازاقستان وبلىستارىنىڭ كەي جەرلەرىندە دە جەلدىڭ جىلدامدىعى سەكۋندىنا 15-20 مەترگە دەيىن جەتەدى. كۇندىز قىزىلوردا وبلىسىنىڭ كەي جەرلەرىندە جەلدىڭ ەكپىنى كۇشەيىپ, شاڭدى داۋىل بولادى. اقتوبە, قوستاناي, سولتۇستىك قازاقستان, قاراعاندى وبلىستارىنىڭ كەي جەرلەرىندە تۇندە جانە تاڭەرتەڭ تۇمان تۇسەدى. وڭتۇستىك قازاقستان, اتىراۋ وبلىستارىندا, قاراعاندى, جامبىل, الماتى وبلىستارىنىڭ باسىم بولىگىندە, سونداي-اق شىعىس قازاقستان, اقتوبە وبلىستارىنىڭ كەي ايماقتارىندا ءورت شىعۋ قاۋپى ءالى دە جوعارى. ەگەمەن-اقپارات