ماسەلە ورىندى كوتەرىلگەن

(«مال دارىگەرىنىڭ مويىندالماعان مارتەبەسى», «ەق», 2016 جىلعى 23 تامىز) باتىس قازاقستان وبلىسى جاڭاقالا اۋدانىنىڭ ۆەتەريناريا سالاسىنىڭ دارىگەرى, اۋداننىڭ قۇرمەتتى ازاماتى ساتىبالدى جۇماشەۆتىڭ ەلىمىزدىڭ باس گازەتى «ەگەمەن قازاقستاننىڭ» №161 سانىندا جاريالان­عان «مال ءدارى­گەرىنىڭ مويىندالماعان مارتەبەسى» اتتى ماقالاسىندا ايتىل­عانداردى ءبىز, جاڭاقالا اۋدانى­نىڭ وسى سالادا بۇگىنگى كۇنى ەڭبەك ەتىپ جۇرگەن مال دارىگەرلەرىنە دە قاتىستى دەپ سانايمىز. اۋدانى­مىزدا مال باسى جىلدان جىلعا ارتىپ كەلەدى. وسى مالداردى ءوسىرىپ باعىپ, ءونىمىن مولايتىپ جۇرگەن مالشىلار قاۋىمىمەن بىرگە اۋرۋىنىڭ الدىن الىپ ەگىپ, ەمدەپ, اۋىرعان جاعدايدا شاقىرعانعا شۇعىل بارىپ, كومەك جاساپ جۇرگەن اۋداننىڭ دارىگەر­لەر قاۋىمى. قازىر اۋدانىمىزدا 18 جوعارى, 32 ورتا ءبىلىمدى دارىگەرلەر جۇمىس ىستەپ ءجۇر. ماقالادا كورسە­تىل­گە­ن­دەي, مال دارىگەرلەرىنىڭ ايلىق جالاقىسى از, وت­با­سىن اسىراۋعا جەتپەيتىن جاعدايلار بار. وسى ما­مان­­­دىققا وقىپ, جىلدارىن سارپ ەتكەن دارىگەرلەر كۇن­كورىس ءۇشىن ماماندىعىن تاستاپ جاتقاندارى قانشاما؟! ماقالادا جازىلعان 1991 جىلعى 19 جەلتوقسان­داعى №1930 قاۋلىسى بويىنشا جاسالىپ بەكىتىلگەن №2 تىزىمگە مال دارىگەرلەرىن قوسىپ قام­قور­لىق جاساۋ كەرەك. ەلباسىمىز نۇرسۇلتان ءابىش­ ۇلى نازارباەۆ اۋىل شارۋاشىلىعىندا مال باسىن كوبەي­تىپ, ونىڭ ءونىمىن ارتتىرىپ, ساپاسىن جاقسارتۋدى اۋىل ەڭبەككەرلەرىنە, مال ماماندارىنا تاپسىرىپ وتىر. بۇل ىستە مال دارىگەرلەرىنىڭ ەڭبەگى باعالانۋى كەرەك. مال دارىگەرىنىڭ تالاپ-تىلەگى ورىندالعاي. قۇمارعالي قايىرجانوۆ, قازاقستان جۋرناليستەر وداعىنىڭ مۇشەسى باتىس قازاقستان وبلىسى, جاڭاقالا اۋدانى