قارۋلى كۇشتەرگە – زاماناۋي بايلانىس قۇرالدارى

قازاقستاننىڭ قارۋلى كۇشتەرىندە اسكەري قىزمەتشىلەر «قازاقستان ينجينيرينگ» ۇك» اق-تىڭ ەنشىلەس كاسىپورنى بولىپ تابىلاتىن «س.م.كيروۆ اتىنداعى زاۋىت» اق-تا شىعارىلعان بايلانىس قۇرالدارىن تاجىريبەلىك-اسكەري پايدالانۋدى جۇزەگە اسىرۋ ۇستىندە. قۋاتتىلىعى ورتاشا «قاراعاي» راديوستانساسى مەن «اقتەرەك» راديورەلەلىك ستانساسى, سونداي-اق, قۇراستىرۋ جانە تەحنولوگيالىق قۇجاتتاما 2015 جىلى «س.م.كيروۆ اتىنداعى زاۋىت» اق-تىڭ ماماندارى تاراپىنان 2015 جىلى ازىرلەندى. «قاراعاي راديوستانساسى دۋپلەكستى ارنالاردى ء(بىر ۋاقىتتا جۇزەگە اسىرىلاتىن ەكىجاقتى بايلانىس) نەمەسە سيمپلەكستى بايلانىستى (باعىت ءبىر جاقتا جۇزەگە اسىرىلاتىن ەكى ابونەنت اراسىنداعى بىرجاقتى بايلانىس) راديوجەلىگە نەمەسە راديوباعىتقا ۇيىمداستىرۋعا ارنالعان. «اقتەرەك» راديورەلەلىك ستانساسى باسقارۋدىڭ ستراتەگيالىق, جەدەل-ستراتەگيالىق جانە جەدەل بۋىننىڭ ارنايى ماقساتتاعى جەلىلەرىندە ۇزدىكسىز رەجىمدە جۇمىس جاسايتىن جيىلىكتەردىڭ سانتيمەترلىك دياپازونىنىڭ راديورەلەلىك بايلانىس جەلىسىن ۇيىمداستىرۋدى قامتاماسىز ەتەدى. «قاراعاي» مەن «اقتەرەك» ستانسالارى اسكەري سىنامالاردان ءساتتى ءوتتى جانە حالىقارالىق «KADEX-2016» قارۋ-جاراق پەن اسكەري-تەحنيكالىق م ۇلىكتەر كورمەسىندە ۇسىنىلىپ, مامانداردىڭ جوعارى باعاسىنا يە بولدى. راديوستانسالار جاڭا تسيفرلىق بايلانىس قوندىرعىسىمەن جابدىقتالعان جانە جوعارى ەكسپورتتىق الەۋەتكە يە. «ەگەمەن-اقپارات»