ەگىزدەرگە ەسىك اشىق

قاراعاندى قالاسىنداعى گيم­نازيا­لاردىڭ بىرىندە مەكتەپ تابال­دىرىعىن ءۇش بىردەي جۇپ ەگىزدەر اتتاعان ەدى. ءبىر قىزىعى, بۇلار­دىڭ بويىنا ءبىلىم ءنارىن قۇيا­تىن ۇستازداردىڭ وزدەرى دە ەگىزدەر ەكەن. «سىرت قاراعاندا, ەگىزدەر وتە ۇقساس بولىپ كورىنەدى. ال شىن مانىندە, ولار مۇلدە بولەك», دەيدى ەگىزدەردىڭ انالارىنىڭ ءبىرى. دەگەنمەن, ازىرگە ەگىزدەردى تۇستەۋ مۇعالىمدەر ءۇشىن وڭايعا ءتۇسىپ جاتقان جوق. ءبىرىنشى سىنىپقا كەلگەن ەگىز بالاقاي­لاردى ەگىز ۇستازدار – سالتانات جانە ماحاببات ايت­پايلار ءوزارا ءبولىسىپ الدى. ءدىل­ناز بەن گۇلنازدى سالتانات السا, ءابدىراحىم مەن ءابدىراحمان ماحابباتتىڭ سىنىبىنا قا­بىل­دانعان. ال ەگىز قىز بەن ۇلدى ەكى مۇعالىمگە ءبولىپ بەرۋگە تۋرا كەلىپتى. جالپى, پسيحولوگتار ەگىزدەردى بولەك سىنىپتاردا وقىتقاندى قۇپ كورەدى ەكەن. ال اتا-انالار بولسا, كوبىنە مۇنداي تۇجىرىممەن كەلىسە بەرمەيتىن كورىنەدى. مىسالى, ءوزى دە ەگىزدىڭ سىڭارى, ەگىز قىزداردىڭ اكەسى مۇرات ءجۇمادىلدين دەگەن قالا تۇرعىنى بىلاي دەيدى: «ءبىز ءبىرىنشى سىنىپقا بارار الدىندا سىڭارىم ەكەۋمىز سىناق تاپسىردىق. اپكەم ءوتىپ كەتتى دە, مەن سىناقتى تاپسىرا الماي قالدىم. بىراق, مۇعالىمدەر ءبىزدى اجىراتپاي, ءبىر سىنىپقا قا­بىلدادى. ءسويتىپ, سىڭارىما مەنى وقۋ جاعىنان «سۇيرەپ» جۇرۋگە تۋرا كەلدى...». پەداگوگ مامانداردىڭ ايتۋىنشا, ءبىرى­نەن-ءبىرى اۋمايتىن وقۋشىلاردىڭ ءتۇر-ءتۇسىن اجىراتۋ ۋاقىتشا عانا قيىندىق تۋدىرادى ەكەن. بىرەر ساباقتان كەيىن ءار بالانىڭ وزىندىك مىنەز-قۇلقى ايقىندالا باستايتىن كورىنەدى. دەگەنمەن, ۇستازدار ەگىزدەردى وقىتۋ مەن تاربيەلەۋ بارىسىندا ولارعا دەگەن كوزقاراستىڭ ەرەكشە بولۋى كەرەكتىگىن ايتادى. قايرات ءابىلدينوۆ, «ەگەمەن قازاقستان» قاراعاندى