بىلىكتىلىك بىلىمنەن باستالادى

بiلiم جۇيەسiن جەتىلدىرۋ بارىسىندا ەلباسى نۇرسۇلتان نازارباەۆ وقىتۋ پروتسەسiنە جاڭا ادiستەمەلەر مەن تەحنولوگيالاردى ەنگىزۋ, پەدا­گوگيكالىق قۇرامنىڭ ساپاسىن جوعارىلاتۋ جانە بiلiكتiلiكتi بەكiتۋدiڭ تاۋەلسiز جۇيەسiن قۇرۋ قاجەتتiگiن بەلگiلەگەنى ءمالىم. جاڭا پەدا­گوگيكالىق يدەيالاردىڭ ناتيجەسىندە تال­دى­قورعاندىق ۇستازداردىڭ حالىقارالىق وليم­پيادالارعا بارعان وقۋشىلارى جۇلدەمەن ورالۋدا. مىسالى, بىلتىرعى وقۋ جىلىندا حالىقارالىق, رەسپۋبليكالىق وليمپيادالار مەن بايقاۋلارعا 93 وقۋشىمىز قاتىسىپ 12 ءبىرىنشى, 16 ەكىنشى, 18 ءۇشىنشى ورىندى جەڭىپ الدى. سول وقۋشىلارىمىزدىڭ اراسىنان كورەيادا وتكەن «جاس عالىم» حالىقارالىق عىلىمي جوباسىنىڭ جەڭىمپازى بولعان الىشەر ماحمۇتوۆ پەن ادىلەت ءىزباساروۆانى, گرۋزيادا وتكەن «جاس زەرتتەۋشى» عىلىمي جوباسىنىڭ جۇلدەگەرى اياۋلىم تولەعاليەۆانى, بايقوڭىرداعى «عىلىم الەمىن اشامىز» عىلىمي بايقاۋىنىڭ جۇلدەگەرى ارۋجان ءنۇسىپوۆانى بولە-جارا ايتىپ وتكەن ءجون. بۇگىنگى تاڭدا قالامىزدا 3 ليتسەي ءۇش تىلدە وقىتۋدا جاقسى جەتىستىكتەرگە جەتۋدە. وزگەلەرى اعىلشىن ءتىلىن 1 سىنىپتان مەڭگەرۋدە. بۇل ۋاقىت تالابى. زامان سۇرانىسىنا وراي ءبىلىم بەرۋ ۇستازداردىڭ ءتول مىندەتى دەسەك تە بولادى. زەردەلەپ قاراساڭىز, بۇگىندە بيلىكتىڭ باسىم بولىگىن جاستار قۇراپ وتىر. ول دەگەنىمىز, ساپالى ءبىلىمى مەن ءۇش ءتىلدى ەركىن يگەرە بىلگەندىكتىڭ جەمىسى. قالاي دەسەك تە ءبىلىمدى جاس بوس قالمايدى. ايتەۋىر جول تابادى. ونى ءومىر كورسەتىپ وتىر. وسى ورايدا, باسا ايتىپ قانا قويماي ناقتى ومىرگە ەنۋىنە ىقپال ەتەتىن جايت – تاربيە. كۇن ساناپ كوركەيىپ, تۇرعىندارىنىڭ سانى كوبەيىپ كەلە جاتقان تالدىقورعاندا وقۋشىلار سانى دا وسۋدە. بەس ساۋساق بىردەي ەمەس. سول وقۋشىلار اراسىندا ەرەكشە باقىلاۋدى قاجەت ەتەتىندەرى دە بارشىلىق. سوندىقتان قالا مەكتەپتەرىندە قۇقىق بۇزۋشىلىقتى بولدىرماۋ جانە ونىڭ الدىن الۋعا باعىتتالعان كەشەندى ءىس-شارالار اتقارىلۋدا. قازىرگى ۋاقىتتا مەكتەپتەردە ينكليۋزيۆتى وقىتۋ بويىنشا مۇمكىندىگى شەكتەۋلى بالالار­دىڭ ءوز قاتارىمەن مەكتەپتە تولىققاندى ءبىلىم الۋى قامتاماسىز ەتىلۋدە. قالاداعى بارلىق مەكتەپتەردە لوگوپەدتەر مەن دەفەكتولوگتار قىزمەت ەتەدى. ءبىلىم بەرۋ سالاسىندا ۇزاق جىلدان بەرى ەڭبەك ەتەتىندىكتەن ايتار ۇسىنىسىم دا بار. بىرىنشىدەن, ءبىلىم بەرۋ ۇيىمدارىن وقۋ-ءتار­بيە جۇيەسىندەگى ءىستى بولجاي بىلەتىن جانە ءبىلىم ساپاسىن ارتتىرۋدىڭ ءتيىمدى تاسىلدەرىن ۇيىمداستىراتىن بىلىكتى باسقارۋمەن قامتاما­سىز ەتۋ قاجەت. ەكىنشىدەن, ءبىلىم مەكەمەلەرىنىڭ وقۋ-ماتەريالدىق, تەحنيكالىق بازاسىن جاقسارتا وتىرىپ, زامان تالابىنا ساي ءبىلىمدى ۇرپاق تاربيەلەۋ جۇمىسىن جۇيەلەگەن ءجون. ۇشىنشىدەن, ءبىلىم مەن تاربيە جۇيەسىنە: مەملەكەتتىك ۇيىم­دار­مەن, مادەني ورتالىقتارمەن, اتا-انالارمەن جانە قوعامدىق ۇيىمدارمەن تىعىز بايلانىس­تى قامتاماسىز ەتۋ كەرەك. تورتىنشىدەن, ۇستاز­داردىڭ كاسىبي بىلىكتىلىگىن كوتەرۋ, ءبىلىم دەڭ­گەيىن ارتتىرۋ زامان تالابى. بەسىنشىدەن, جاس ۇرپاققا تاربيە مەن ءبىلىم بەرۋدە, وقۋشى مەن پەداگوگتارعا قۇقىقتىق تاربيە بەرۋ مەن كامە­لەتكە تولماعان جاسوسپىرىمدەرمەن جۇمىس ءتۇر­لەرىن كۇشەيتۋدىڭ جاڭا جولىن ەنگىزگەن دۇرىس. قورىتا ايتقاندا, ۇرپاققا ساپالى ءبىلىم بەرۋ ارقىلى بولاشاعىمىزدى بەكىتەمىز.  بولات تۇرىسبەكوۆ, تالدىقورعان قالالىق ءبىلىم ءبولىمىنىڭ باسشىسى