شىڭعىستاۋ گالەرەياسى

ابايدىڭ «جيدەباي-ءبورىلى» مەم­­لەكەتتىك قورىق-مۋزەيىندە «شىڭ­­عىستاۋ» سۋرەت گالەرەياسى اشىل­­دى. گالەرەيا وسى زەردە وردا­سىن­دا جيناقتالعان تۋىندىلار نەگ­ى­زىندە جۇرتشىلىق نازارىنا ۇسى­­نىلىپ وتىر. شىڭعىستاۋ – قازاق حالقىنىڭ ۇلى پەرزەنتتەرى اباي قۇنانباي ۇلىنىڭ, شاكارىم قۇداي­بەردى ۇلىنىڭ, مۇحتار اۋەزوۆ­­تىڭ تۋعان جەرى. ەۋرازيا قۇر­­­لى­­عىنىڭ كىندىك تۇسى سانالا­تىن شىڭعىستاۋ ولكەسىندە ءۇش الىپ­­­تىڭ دۇنيەگە كەلىپ, ءسوز ونەرىن اسەم­­­دىك بيىگىنە كوتەرۋى – ادامزات تاري­حىندا سيرەك كەزدەسەتىن قۇ­بى­لىس. مىنە, گالەرەيا­دا وسىناۋ قا­سيەت­تى شىڭعىستاۋ ءوڭىرىنىڭ تابي­عا­تى مەن تاريحي جەرلەرى اباي قورىق-مۇراجايى قورىندا جيناق­تالعان جەرگىلىكتى قىلقالام شەبەر­لەرى­نىڭ تۋىندىلارى ارقىلى كور­سە­­تى­لە­دى. سۋرەت كورمەسىندە بەل­گىلى ونەر يەلەرى م.الياكپاروۆ, م.بەلياەۆ, ع.ماكاروۆ, ن.وتەپباەۆ ت.بايعاليەۆ, ت.تاتيەۆ جانە تاعى باسقا سۋرەتشىلەردىڭ 100-دەن استام تۋىندىلارى قويىلعان. – اسىرەسە, حالقىمىزدىڭ سۋرەت ونەرىندەگى ماقتانىشى ءابىلحان قاستەەۆتىڭ جاۋھار تۋىندىلارى اباي مۋزەيىنە كەلۋشىلەردىڭ ەرەكشە قىزۋشىلىعىن تۋدىرادى دەپ سەنەمىز. ايگىلى قىلقالام شەبەرىنىڭ مۋزەي قورىندا 12 تۋىندىسى ساقتالعان بولسا, سونىڭ ءبىرى – «جاس اباي» سۋرەتى دە كەلۋشىلەردىڭ كوزايىمىنا اينالدى, – دەيدى مۋزەي اكىمشىلىگى. سۋرەت گالەرەياسىنىڭ ءبىر ەرەك­شەلىگى – قىلقالام شەبەرلەرىنىڭ تۋىندىلارى مۋزەيدەگى اباي ءومىرى مەن شىعارماشىلىعىن پاش ەتەتىن بولىمدەردىڭ مازمۇنىن تەرەڭىرەك اشا تۇسۋگە كومەكتەسەدى. ماسەلەن, «جاز» زالىنىڭ ماڭداي الدىنداعى قىلقالام شەبەرلەرىنىڭ تۋىندىلارى شىڭعىستاۋ ءوڭىرىنىڭ تابي­عا­تىن الدىڭىزعا جايىپ سالسا, «ءۇش قاينار بۇلاق» ەكسپوزي­تسيا­سىن­داعى سۋرەتتەر ۇلى اقىن شىعار­مالارى­نىڭ تەرەڭ تامىرلارىمەن ۇندەسەدى. دۋمان اناش, «ەگەمەن قازاقستان» سەمەي