ءنۇردىلدا وراز باس پروكۋراتۋرانىڭ اپپارات باسشىسىنىڭ ورىنباسارى بولىپ تاعايىندالدى

بۇل تۋرالى اتالعان ۆەدومستۆونىڭ ءباسپاسوز قىزمەتىنە سىلتەپ قازاقپارات حابارلادى. ءنۇردىلدا سەرىك ۇلى 1981 جىلى دۇنيەگە كەلگەن. ءال-فارابي اتىنداعى قازاق ۇلتتىق ۋنيۆەرسيتەتىن, قر ءىىم قاراعاندى اكادەمياسىن بىتىرگەن. ەڭبەك جولىن الماتىداعى «يۋسا» تەلەارناسىنىڭ ءتىلشىسى بولىپ باستاعان. "31 ارنا" تەلەارناسى «ينفورمبيۋرو» جاڭالىقتار ءبولىمىنىڭ جۇرگىزۋشىسى,  «استانا» تەلەارناسىنىڭ رەداكتور-جۇرگىزۋشىسى, رەپورتەر-ساراپشىسى, «قازاقستان» ۇلتتىق ارناسىنىڭ جاڭالىقتار جۇرگىزۋشىسى, «اپتا.kz» باعدارلاماسىنىڭ جۇرگىزۋشى-رەداكتورى بولعان. 2007 جىلى ىشكى ىستەر ورگانىنا اۋىسىپ, استانا قالالىق ىشكى ىستەر دەپارتامەنتى ءباسپاسوز قىزمەتىنىڭ باستىعى, مەملەكەتتىك ءتىل جانە اقپارات ءبولىمىنىڭ باستىعى, دەپارتامەنت باستىعىنىڭ ءباسپاسوز حاتشىسى  قىزمەتتەرىن اتقاردى.  2011-2015 جىلدارى - قر ىشكى ىستەر مينيسترلىگى مەملەكەتتىك ءتىل جانە اقپارات دەپارتامەنتىنىڭ ديرەكتورى,  مينيستردىڭ ءباسپاسوز حاتشىسى, كەيىننەن رەسمي وكىلى. 2015 جىلدان «بولاشاق» باعدارلاماسى بويىنشا اقش-تا ءبىلىم الۋدا. ءبىز ارىپتەسىمىزدىڭ جاڭا قىزمەتىندە تابىستى بولۋىنا تىلەكتەستىگىمىزدى بىلدىرەمىز!