قىزىلقاق اۋىلىنداعى وقيعانى بىرجاقتى باعالاۋعا بولمايدى – داۋرەن اباەۆ

اقپارات جانە كوممۋنيكاتسيالار ءمينيسترى داۋرەن اباەۆتىڭ پىكىرىنشە, پاۆلودارداعى قىزىلقاق اۋىلى تۇرعىندارىنىڭ جاپپاي سوققىعا جىعىلۋىن بىرجاقتى باعالاۋعا بولمايدى. «مەنىڭشە, تاياۋ ۋاقىتتا بارلىعىن ەگجەي-تەگجەيلى بىلەتىن بولاسىزدار. سىزدەر ايتىپ تۇرعانداي وقيعا بىرجاقتى ءارى قاراپايىم ەمەس. بۇل جايتقا بايلانىستى بەلگىلى ءبىر تەرگەۋ شارالارى جۇرگىزىلىپ جاتىر. شىدامدىلىق كەرەك جانە سىزدەر تولىق ءمان-جايدى بىلەتىن بولاسىزدار», – دەدى ول. ايتا كەتەيىك, وقيعاعا 14 قىركۇيەك كۇنى قىزىلقاق اۋىلىندا ورىن العان بولاتىن. وندا قۇقىق قورعاۋشىلار مەن جەرگىلىكتى تۇرعىندار اراسىندا تۇسىنىسپەۋشىلىك تۋىنداپ, سالدارىنان ءتارتىپ ساقشىلارى اۋىل حالقىن سوققىعا جىققان. وسىعان وراي پاۆلودار وبلىستىق ءىىد باسشىسىنىڭ ءبىرىنشى ورىنباسارى نازىمبەك ءجۇنىسوۆ: «ەرتىس اۋدانىنداعى تۇزدى كولدى تەكسەرۋ ءۇشىن ۇيىمداسقان قىلمىسقا قارسى كۇرەس باسقارماسى مەن جەدەل ارەكەت ەتەتىن جاساق قىزمەتكەرلەرى اتالعان ەلدى مەكەنگە باردى. الايدا, قىزىلقاق كولىنىڭ ماڭىندا اشۋعا ب ۇلىققان اۋىل تۇرعىندارى كولدەگى ارتەميا شايانىن اۋلاۋعا ەركىن رۇقسات بەرۋدى تالاپ ەتتى», – دەيدى. ەگەمەن-اقپارات