ەسەلى ەڭبەك باسەكەگە باستايدى

ەڭبەك ونىمدىلىگىن ارتتىرۋ ارقىلى وتاندىق كاسىپورىنداردىڭ باسەكەلەستىككە قابىلەتتىلىگىن كۇشەيتۋ كەرەك. بۇل تۋرالى ەلوردادا ينۆەستيتسيالار جانە دامۋ مينيسترلىگىنىڭ مۇرىندىق بولۋىمەن وتكەن عىلىمي-تاجىريبەلىك كونفەرەنتسيادا ايتىلدى. القالى جيىنعا بىرقاتار مينيسترلىكتەر وكىلدەرى, «اتامەكەن» ۇلتتىق كاسىپكەرلەر پالاتاسىنىڭ وكىلدەرى, وتاندىق جانە شەتەلدىك ساراپشىلار قاتىستى. ينۆەستيتسيالار جانە دامۋ مي­نيستر­ىنىڭ ءبىرىنشى ورىنباسارى البەرت راۋدىڭ ايتۋىنشا, ين­دۋستريالىق-يننوۆاتسيا­لىق دامىتۋ مەملەكەتتىك باعدارلاماسىنىڭ العاشقى بەسجىلدىعىندا ەل ەكونوميكاسىن دامىتۋعا قاجەتتى العىشارتتار قالىپتاستى. جاھاندىق ەكونوميكادا باسەكە كۇشەيگەن سايىن, ەكونوميكالىق ءوسىمدى, حالىقتىڭ لايىقتى تۇرمىسىن ساقتاپ قالۋ ماسەلەسى كۇردەلەنە بەرمەك. ال ەڭبەك ونىمدىلىگىن ارتتىرۋ ەكو­­­نوميكالىق وسىمگە تىكەلەي ىقپال ەتەدى. وسى ورايدا, مەملەكەت شەشۋشى سالالارداعى ەڭبەك ونىمدىلىگىن ارتتىرۋعا قولداۋ كورسەتۋى كەرەك, دەدى البەرت راۋ. ءمينيستردىڭ ءبىرىنشى ورىنباسارى ايتىپ وتكەندەي, 2010-2014 جىلدارى ەلىمىزدە يندۋستريالىق دامۋعا قاجەتتى بازالار جاسالدى. زاڭنامالىق بازا جەتىلدىرىلدى, ينفراقۇرىلىم قار­قىندى تۇردە دامىدى. بۇل ين­دۋستريالىق-ين­نوۆاتسيالىق دامۋ باعدارلاماسىنىڭ ەكىنشى كەزەڭىندە جەمىسىن بەرە باس­تادى. وسىلايشا, 2016 جىلدىڭ العاش­قى جارتىجىلدىعىندا وندىرىلگەن بارلىق ءونىمنىڭ بەستەن ءبىر بولىگى يندۋستريالاندىرۋ كارتاسىنىڭ اياسىندا جاسالعان نەمەسە جاڭعىرتىلعان جوبالارعا تيەسىلى بولىپ وتىر. وسى كونفەرەنتسيادا ايتىلعان دە­رەكتەرگە سۇيەنسەك, ەلىمىزدە سوڭ­عى بىرنەشە جىل ىشىندە 7 مىڭ شا­عىن, ورتا جانە ءىرى كاسىپورىندارعا مەم­­لەكەتتىك قولداۋ كورسەتىلگەن. 160 مىڭنان استام جاڭا جۇمىس ورىندارى اشىلعان. ەكونوميكانىڭ شەشۋشى سالالارىن جاڭعىرتۋعا, جەتىلدىرۋگە ءمان بەرۋ كەرەكتىگى ۇنەمى ايتىلىپ كەلەدى. شىن مانىسىندە بۇل قادامنىڭ دۇرىستىعىن تۇسىنگەندەر وزدەرىنىڭ باستامالارىنا نىق سەنىمدى. ال ونى تۇسىنبەگەندەر دۇنيەجۇزىلىك ساۋدا ۇيىمى, كەدەن وداعى سىندى ۇيىمدار ەكونوميكامىزدى ىعىستىرىپ تاستايدى دەپ بايبالامداۋعا بەيىم. ەگەر باسەكەگە قابىلەتتى بولعىمىز كەلسە, ون­داي قورقىنىشقا بوي الدىرماۋىمىز كەرەك. بۇل بۇگىنگى زامان تالابى, جاھاندىق ەكونوميكاداعى احۋالدار بىزدەن باتىلدىقتى, باسەكەگە قابىلەتتى بولۋدى تالاپ ەتەدى, دەگەن ءبىرىنشى ۆيتسە-مينيستر جەتىلدىرۋ مەن جاڭعىرتۋ ىسىندە باتىل قادام جاساعان بىرقاتار كاسىپورىندى ۇلگى رەتىندە اتاپ ءوتتى. كونفەرەنتسيا بارىسىندا ەكو­نوميكالىق سەكتوردا ەڭبەك ءونىمدىلى­گىن ارتتىرۋعا باسىمدىق بەرە وتىرىپ, كاسىپورىنداردىڭ باسەكەگە قا­بى­­لەتتىلىگىن جاقسارتۋ ماسەلەسى تال­قىلاندى. جيىل­عاندار مەملەكەتتىك سەكتور مەن بيزنەس قاۋىمداستىعىنىڭ اراسىندا ءوز­ارا ءتيىمدى ديالوگ ورناتۋ جولدارىن قاراستىردى. ارنۇر اسقار, «ەگەمەن قازاقستان»