بىرلەسكەن ءىس-قيمىل جوسپارى قابىلداندى

بۋحارەستتە قازاقستان رەسپۋبليكاسى Cىرتقى ىستەر ءمينيسترىنىڭ ورىنباسارى رومان ۆاسيلەنكو مەن رۋمىنيا سىرتقى ىستەر مينيسترلىگىنىڭ مەملەكەتتىك حاتشىسى دانۋتس نەكۋلاەسكۋدىڭ توراعالىعىمەن قازاقستان مەن رۋمىنيا سىرتقى ساياسات ۆەدومستۆولارىنىڭ اراسىندا كەزەكتى كونسۋلتاتسيالار ءوتتى. كەزدەسۋ بارىسىندا تاراپتار ەكى­­­­­جاقتى جانە كوپجاقتى ءوزارا ءىس-قيمىل ماسەلەلەرىنىڭ كەڭ اۋقىمىن تالقىلادى, سونداي-اق ساياسي ۇنقا­تىسۋ مەن ساۋدا-ەكونوميكالىق, ينۆەستي­تسيالىق ىنتىماقتاستىقتى جانداندىرۋ نيەتتەرىن ءبىلدىرىپ, مادەنيەت, ءبىلىم بەرۋ جانە تۋريزم سالالارىنداعى باي­لانىستاردى نىعايتۋعا شاقىردى. وسى تۇرعىدا, ەرەكشە نازارعا ءىلىن­گەن قازاقستان-رۋمىنيا ۇكىمەتارالىق ساۋ­دا-ەكونوميكالىق جانە عىلىمي-تەح­ني­كالىق ىنتىماقتاستىعى جونىندەگى كوميس­سيانىڭ جۇمىسىنا ەرەكشە كوڭىل ءبولىندى. رۋمىنيانىڭ ەكسپو-2017 حالىق­ارالىق مامانداندىرىلعان كورمەسىنە قاتىسۋى جونىندەگى ماسەلە جەكە قارالدى. تاراپتار بۇۇ, ەقىۇ جانە باسقا دا حالىقارالىق ۇيىمدار شەڭبەرىندە كەلەشەك ءوزارا ارەكەتتەسۋى ماسەلەلەرىن دە ەگجەي-تەگجەيلى قاراستىردى. حالىق­ارالىق جانە وڭىرلىك كۇن ءتارتىبىنىڭ وزەكتى تاقىرىپتارى بويىنشا پىكىر الماستى. قازاقستان مەن ەۋروپالىق وداق اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىم ەلدەردىڭ ۇزاق مەرزىمدى ءتيىمدى ىنتىماقتاستى­عىن دامىتۋعا سەرپىن بەرەتىنى اتاپ ءوتىلدى. الداعى كەزەڭدە جان-جاقتى ىنتى­ماقتاستىقتى دامىتۋ جونىندەگى بىرلەسكەن قادامدار كەلىسسوزدەر ءناتي­جەسىندە قول قويىلعان 2017-2018 جىلدارعا ارنالعان قازاقستان رەسپۋبليكاسى مەن رۋمىنيا سىرتقى ىستەر مينيسترلىكتەرى اراسىنداعى ءىس-ارەكەتتەر جوسپارىمەن بەكىتىلگەن بولاتىن. سونىمەن قاتار, بۋحارەستتە ر.ۆاسي­لەنكو رۋمىنيانىڭ سىرتقى ىستەر مي­نيسترى لازەر كومەنەسكۋ, وسى ەل پار­لامەنتى سەناتىنىڭ حالىقارالىق قا­تىناستار جونىندەگى كوميتەتىنىڭ ءتور­اعاسى پەتر فيليپ جانە ەنەرگەتيكا مي­نيسترلىگىنىڭ مەملەكەتتىك حاتشىسى اريستوتەل جۋدەمەن كەزدەسۋلەر وتكى­زىپ, سەمەي يادرولىق پوليگونى جابىلۋىنىڭ 25 جىلدىعىنا ارنالعان كونفەرەنتسيادا ءسوز سويلەدى. اتالعان كونفەرەنتسيا­عا رۋمىنيا پارلامەنتىنىڭ دەپۋتاتتارى, مەملەكەتتىك ورگانداردىڭ, عىلىمي توپتارى مەن ديپلوماتيالىق كورپۋستىڭ جانە ۇكىمەتتىك ەمەس ۇيىمداردىڭ وكىل­دەرى قاتىستى. «ەگەمەن-اقپارات»