عىلىمي ءبىلىم بەرۋ ورتالىعى اشىلادى

ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىم مۇتانوۆ كاتار مەملەكەتىنىڭ دوحا قالاسىنا جۇمىس ساپارىمەن بارىپ, ءبىلىم ءمينيسترى مۇحاممەد ءال-حامماديمەن جۇزدەستى. كەزدەسۋ بارىسىندا قازۇۋ مەن كاتاردىڭ جوعارى وقۋ ورىندارى اراسىنداعى سەرىكتەستىك ماسەلەلەرى تالقىلاندى. كاتار ۋنيۆەرسيتەتىنىڭ پرەزي­دەنتى حاسان دەرحاممەن كەزدەسۋ بارىسىندا ەكى جاق جاقىن ارادا ءال-فارابي اتىنداعى قازۇۋ نەگىزىندە قازاقستان-كاتار عىلىمي ءبىلىم بەرۋ ورتالىعىن اشۋ جونىنەن ءوزارا ىن­تىماقتاستىق تۋرالى كەلىسىمگە قول قويۋعا ۋاعدالاستى. عالىم مۇتانوۆ حالىقارالىق تانىمال «Qatar Foundation» قو­رىنىڭ قۇرامىنا كىرەتىن شەيح حاماد بەن حاليف اتىنداعى ۋنيۆەرسيتەت پەن «Carnegie Mellon» ۋني­ۆەر­­سيتەتىندە بولدى. حاماد بەن حاليف اتىنداعى ۋنيۆەرسيتەت پرە­زيدەنتى احماد حاسنا يسلامدىق قار­جىلاندىرۋ مەن اۋدارما ءىسى سالالارىندا قازۇۋ-مەن بىرلەسە وتىرىپ, بىلىكتى مامان دايارلاۋ تۋرالى ايتسا, كاتار ۋنيۆەرسيتەتىنىڭ پرەزيدەنتى حاسان دەرحام ۋنيۆەرسيتەتپەن ءبىر­لەسكەن عىلىمي-يننوۆاتسيالىق ور­تاق جوبالار ازىرلەپ, كاتار قورى­نىڭ قارجىلاندىرۋىنا ۇسىنۋ ءمۇم­كىندىكتەرىن قاراستىرۋعا دايىن ەكەن­دىگىن مالىمدەدى. كەزدەسۋدە يسلام وركەنيەتىن, اراب ءتىلى مەن ادە­بيەتىن, مادەنيەتىن, تاريحىن عى­لىمي تۇرعىدا زەرتتەۋ, يسلامدىق ءبىلىم بەرۋ سالاسىندا بىلىكتى ماماندار دايىنداۋ جانە جاڭا عى­لىمي يننوۆاتسيالىق باعىتتاردا ورتاق جوبالار ازىرلەۋ, كاتار ۋني­ۆەرسيتەتتەرىنىڭ پرو­فەس­سورلارىن قازۇۋ-گە شاقىرۋ ماسەلەلەرى دە ءسوز بولدى. قازۇۋ-گە بۇعان دەيىن ارىپتەستىك ورناتۋ ماقساتىندا ورتالىق بانك توراعاسى ابداللا بەن ساۋدا ءال-تاني باسقارعان كاتار مەملەكەتىنىڭ دەلەگاتسياسى ىسساپارمەن كەلگەن ەدى. ول قازۇۋ-ءدىڭ جەتىستىكتەرى مەن دامۋ قارقىنىن, ءبىلىم بەرۋ جانە عىلىمي-زەرتتەۋ ءمۇم­كىندىك­تەرىن جوعارى باعالادى. كەزدەسۋ با­­­رى­­سىندا يسلامدىق بانكينگ پەن قار­جىلاندىرۋدى دامىتۋداعى ءارىپ­تەستىك ماسەلەسىنە نازار اۋدارىل­عان بولاتىن. ەلدانا توقباي