باتىرعا ەسكەرتكىش قويىلدى

قاراعاندى وبلىسىنداعى جاڭاارقا اۋدانىنىڭ ورتالىعى اتاسۋ كەنتىندە  ارالباي باتىرعا ەڭسەلى ەسكەرتكىش قويىلدى. تۇلپار ءمىنىپ, تۋ ۇستاعان باتىردىڭ ءمۇسىنىن پاۆلودارلىق شەبەر مارات ابىلقاسىموۆ سومداعان. وسىدان بەس جىل بۇرىن باتىر­دىڭ ونەگەلى دە ۇيىمشىل ۇرپاقتارى ارالباي بابانىڭ 325 جىلدىعىن لايىقتى تۇردە اتاپ ءوتىپ, اس بەرگەن ەدى. سول جىلى اۋدان ورتالىعىنان ونىڭ اتىنا كوشە دە بۇيىرعان بولاتىن. ەندىگى كەزەك ەسكەرتكىشكە كەلىپ, سول كوشەنىڭ باسىنا باتىردىڭ ات ۇستىندە تۇرعان ايبارلى ەسكەرتكىشى ورىن تەپتى. ارالباي باتىر ەسكەرتكىشىنىڭ اشىلۋ سالتاناتىندا ايتىسكەر اقىن امانجول التاەۆ ەسكى تاريحتان قال­عان ەستەلىكتەردى ءتىرى­ل­تىپ, ەلىن-جەرىن قور­عاعان ەردىڭ ءومىر­تاري­حىنا جان-جاق­تى شولۋ جاسا­دى. بۇ­دان كەيىن ەڭبەك اردا­گەرى حامزە ءسات­جانوۆ, جازۋ­­شى ال­دان سمايىل, اقىن سەرىك اقسۇڭقار ۇلى جانە اۋدان اكىمى عابدراح­مان وماروۆ ەس­كەرت­كىش­تىڭ جامىل­عىسىن سىپىرىپ, اشىلۋ ءراسىمىنىڭ ىرىمىن ورىندادى. سونىمەن قاتار, ەسكەرتكىش­تىڭ اشىلۋ سالتاناتىندا اۋىل اقساقالى مولدازايىم حيشاۋوۆ باتا بەرسە, جەرگىلىكتى اقىن ءومىرجان كوپ­بوسىنوۆ جىردان شاشۋ شاشتى. ءسوز سويلەۋشى­لەر تاعىلىمدى شارا­نىڭ ۇرپاق ءتار­بيەسىندە الاتىن ورنى زور ەكەن­دىگىنە توقتالىپ, ەسكەرتكىشتى ورناتۋعا اتسالىسقان ازاماتتارعا العىستارىن ءبىلدىردى. ايتا كەتەرلىگى, ەسكەرتكىشكە جۇم­سالعان 11 ميلليون تەڭگە قار­جى­نى باتىردىڭ ۇرپاقتارى ءوز ورتا­­لارى­نان شىعارعان ەكەن. تاربيەلىك, تاعىلىمدىق ءمانى زور بۇل شارا قازاقستان رەس­پۋب­ليكاسى تاۋەلسىزدىگىنىڭ 25 جىل­دىعىنا ار­نال­دى. راسىندا دا, ارالباي با­تىر­دىڭ ەل شەتىن اتا جاۋدان قور­عاپ, قازاقتىڭ جەرىن ا­مان ساقتاپ, ءبۇ­گىن­گى ۇرپاققا امانتتاپ كەتكەن ەر­لەر­دىڭ قاتارىنان ەكەندىگى اتا تاريحتان ءمالىم.  قايرات ءابىلدينوۆ, «ەگەمەن قازاقستان» قاراعاندى وبلىسى, جاڭاارقا اۋدانى