قازاقستان رەسپۋبليكاسى ۇكىمەتىنىڭ قاۋلىسى  №523

  2016 جىلعى 7 قىركۇيەك, استانا, ۇكىمەت ءۇيى قازاقستان رەسپۋبليكاسى ۇكىمەتىنىڭ «قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى اسىرۋ قاعيدالارىن بەكىتۋ تۋرالى» 2002 جىلعى 29 شىلدەدەگى №843 «كۋالاندىرۋشى ورتالىقتاردى اككرەديتتەۋدى جۇرگىزۋ قاعيداسىن بەكىتۋ تۋرالى» 2010 جىلعى 19 قاراشاداعى № 1222 قاۋلىلارىنا وزگەرىس ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىستەر ەنگىزىلسىن: 1) «قازاقستان رەسپۋبليكاسىندا تاراتىلاتىن شەتەلدىك مەرزىمى باسىلىمدارىن ەسەپكە الۋدى جۇزەگە اسىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2002 جىلعى 29 شىلدەدەگى №843 (قازاقستان رەسپۋبليكاسىنىڭ ءپۇاج-ى, 2002 ج., № 25, 265-قۇجات) قاۋلىسىندا: كورسەتىلگەن قاۋلىمەن بەكىتىلگەن قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى جۇزەگە اسىرۋ قاعيدالارى وسى قاۋلىعا قوسىمشاعا سايكەس جاڭا رەداكتسيادا جازىلسىن; 2) «كۋالاندىرۋشى ورتالىقتاردى اككرەديتتەۋدى جۇرگىزۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2010 جىلعى 19 قاراشاداعى №1222 قاۋلىسىندا: كورسەتىلگەن قاۋلىمەن بەكىتىلگەن كۋالاندىرۋشى ورتالىقتاردى اككرەديتتەۋدى جۇرگىزۋ قاعيداسىندا: 5-تارماقتىڭ 2) تارماقشاسى الىپ تاستالسىن; 12-تارماق مىناداي رەداكتسيادا جازىلسىن: «12. «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 19-1-بابىنىڭ 2-تارماعىندا كوزدەلگەن جاعدايلاردا كۋالاندىرۋشى ورتالىقتى اككرەديتتەۋ تۋرالى كۋالىكتى بەرۋدەن باس تارتىلادى.». 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ قازاقستان رەسپۋبليكاسى ۇكىمەتىنىڭ 2016 جىلعى 7 قىركۇيەكتەگى №523 قاۋلىسىنا قوسىمشا قازاقستان رەسپۋبليكاسى ۇكىمەتىنىڭ 2002 جىلعى 29 شىلدەدەگى №843 قاۋلىسىمەن بەكىتىلگەن قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى جۇزەگە اسىرۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى جۇزەگە اسىرۋ قاعيدالارى (بۇدان ءارى – قاعيدالار) «بۇقارالىق اقپارات قۇرالدارى تۋرالى» 1999 جىلعى 23 شىلدەدەگى قازاقستان رەسپۋبليكاسى زاڭىنىڭ تالاپتارىنا سايكەس ازىرلەندى جانە قازاقستان رەسپۋبليكاسىنىڭ اقپاراتتىق كەڭىستىگىنىڭ جاي-كۇيىن دۇرىس ءارى ۋاقتىلى تالداۋ ماقساتىندا قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى جۇزەگە اسىرۋ ءتارتىبىن بەلگىلەيدى. 2. وسى قاعيدالاردا مىناداي ۇعىمدار پايدالانىلادى: 1) بۇقارالىق اقپارات قۇرالدارى سالاسىنداعى ۋاكىلەتتى ورگان – بۇقارالىق اقپارات قۇرالدارى سالاسىندا مەملەكەتتىك رەتتەۋدى جۇزەگە اسىراتىن مەملەكەتتىك ورگان (بۇدان ءارى – ۋاكىلەتتى ورگان); 2) شەتەلدىك مەرزىمدى باسپا باسىلىمى – قازاقستان رەسپۋبليكاسىنان تىسقارى جەرلەردە باسىلاتىن جانە تۇراقتى اتاۋى, اعىمداعى ءنومىرى بار, كەمىندە ءۇش ايدا ءبىر رەت شىعارىلاتىن گازەت, جۋرنال, الماناح, بيۋللەتەن, ولاردىڭ قوسىمشاسى; 3) تاراتۋشى – شەتەلدىك مەرزىمدى باسپا باسىلىمدارىن مەنشىك يەسىمەن, شىعارۋشىسىمەن شارت بويىنشا نەمەسە وزگە دە زاڭدى نەگىزدەردە قازاقستان رەسپۋبليكاسىنىڭ اۋماعىندا تاراتۋدى جۇزەگە اسىراتىن جەكە نەمەسە تۇلعا (فيليال نەمەسە وكىلدىك). 3. وبلىستىڭ, رەسپۋبليكالىق ماڭىزى بار قالانىڭ, استانانىڭ اۋماعىندا (بۇدان ءارى – قازاقستان رەسپۋبليكاسىنىڭ اۋماعى) تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى ۋاكىلەتتى ورگان جۇزەگە اسىرادى. 4. ۋاكىلەتتى ورگان قازاقستان رەسپۋبليكاسىنىڭ اۋماعىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدىڭ بىرىڭعاي ءتىزىلىمىن جۇرگىزەدى. 2. قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋدى جۇزەگە اسىرۋ ءتارتىبى 5. قازاقستان رەسپۋبليكاسىنىڭ اۋماعىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە الۋ ءۇشىن تاراتۋشى ۋاكىلەتتى ورگانعا تاراتۋشىنىڭ اتاۋىن, شەتەلدىك مەرزىمدى باسپا باسى­لىم­دارىنىڭ اتاۋلارىن, تاراتىلۋ اۋماعىن, ونىڭ تاراتىلاتىن ءتىلىن, نەگىزگى تاقىرىپتىق باعىت­تى­عىن, مەرزىمدىلىگىن, تاراتىلاتىن دانالارىنىڭ بولجامدى سانىن كورسەتە وتىرىپ ءوتىنىش بەرەدى. 6. ءوتىنىش ۋاكىلەتتى ورگاندا تىركەلگەن كۇنىنەن باستاپ ون جۇمىس كۇنى ىشىندە قارالادى. 7. ۇسىنىلعان قۇجاتتار وسى قاعيدالاردىڭ تالاپتارىنا سايكەس بولعان جاعدايدا ۋاكىلەتتى ورگان ەسەپكە قويۋ جۋرنالىنا ەسەپكە قويۋ كۇنىن, قۇجاتتىڭ ءنومىرىن, تاراتۋشىنىڭ اتاۋىن ەنگىزۋ ارقىلى قازاقستان رەسپۋبليكاسىنىڭ اۋماعىندا تاراتىلاتىن شەتەلدىك مەرزىمدى باسپا باسىلىمدارىن ەسەپكە قويادى. 8. ءوتىنىشتى قاراۋ قورىتىندىلارى بويىنشا تاراتۋشىعا قازاقستان رەسپۋبليكاسىندا تاراتىلاتىن شەتەلدىك مەرزىمدى باسپا باسىلىمدارىن قويۋ نەمەسە «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسىنىڭ زاڭى 19-1-بابىنىڭ 2-تارماعىندا كوزدەلگەندەي باس تارتۋ تۋرالى قۇجات بەرىلەدى. 9. قۇجاتتى جوعالتىپ نەمەسە ءبۇلدىرىپ العان جاعدايدا تاراتۋشىعا ەركىن نىسانداعى جازباشا ءوتىنىشى بويىنشا وڭ جاقتاعى جوعارعى بۇرىشىندا «تەلنۇسقا» دەگەن جازۋى بار جاڭا ءنومىر بەرىلگەن قۇجاتتىڭ تەلنۇسقاسى بەرىلەدى. ءوتىنىش ۋاكىلەتتى ورگاندا تىركەلگەن كۇنىنەن باستاپ بەس جۇمىس كۇنى ىشىندە قارالادى.