الەمدىك ۇزدىك ۋنيۆەرسيتەتتەر قاتارىنا ەندى

World University Rankings   QS ( ۇلىبريتا­نيا) بەدەلدى رەيتينگتىك اگەنتتىگىنىڭ زەرتتەۋ قو­رى­­تىن­­دى­لارى بويىنشا, ءال-فارابي اتىنداعى قا­زاق ۇلتتىق ۋنيۆەرسيتەتى 236-ورىننان كورىنىپ, الەمنىڭ 250 ۇزدىك ۋنيۆەرسيتەتى قاتارىنا ەندى. ايتا كەتەرلىگى, بۇل توپقا تمد ەلدەرىنەن ەكى جوعارى وقۋ ورنى – لومو­نوسوۆ اتىنداعى ممۋ مەن ءال-فارابي اتىنداعى قازۇۋ عانا كىردى. وسىلايشا جەتەكشى قازاقستاندىق ۋنيۆەرسيتەت ورتالىق ازيا مەن تمد-داعى تەڭدەسسىز كوشباسشىلىعىن تاعى دا دالەلدەدى. حالىقارالىق رەيتينگتە جوعارى باعالانۋىنا ۋنيۆەرسيتەتتە زاماناۋي تالاپتارعا ساي جۇرگىزىلگەن كەشەندى قۇرىلىمدىق جاڭارتۋ­دىڭ ىقپال ەتكەنى انىق. ناتيجەگە باعىتتالعان پروتسەستىك مەنەدجمەنت, باسقارۋ جۇيەسى جانە ەڭبەك­تى رەيتينگتىك باعالاۋ ەنگىزىلدى. سونداي-اق, جوعارى الەمدىك تالاپ­تارعا ساي ءارى حالىقارالىق اككرەديتتەۋدەن وتكەن ەكسپەريمەنتتىك ءبىلىم بەرۋ باعدارلامالارى دايىندالىپ ەنگىزىلدى, عىلىمي-زەرت­تەۋ جۇمىستارى  دا بەلسەندى ءجۇر­گىزىلۋدە. رەيتينگى جوعارى شەتەل­دىك عىلىمي جۋرنالداردا قازاق­ستان­نىڭ اتىنان جاريالان­عان ءاربىر ءۇشىنشى ماقالا قازۇۋ عالىمدارىنا تيەسىلى. مەملە­كەت­تىك-جەكە سەرىكتەستىك قاعي­دا­لارى نەگىزىندە بىرەگەي نىسان­دار سالىنىپ, ۋنيۆەرسيتەت كامپۋسى­نىڭ ينفراقۇرىلىمدىق قۇرى­لىس­تارىنىڭ ەكىنشى كەزەڭى اياقتالدى. QS ساراپشىلارىنىڭ ۇسىنىس­تارى بويىنشا, قازۇۋ تاجىريبەسى الەمدەگى ۇزدىك ۋنيۆەرسيتەتتەردە زەرتتەلۋدە. بۇل كورسەتكىش الەمدىك ءبىلىم مەن عىلىم نارىعىندا باسەكەلەستىككە قابىلەتتىلىكتىڭ ايقىن دالەلى بولىپ تابىلادى. قازۇۋ عىلىم, ءبىلىم بەرۋ جانە يننوۆاتسيالىق جەتەكشى ورتا­لىق رەتىندە ەلباسى نۇرسۇلتان نازارباەۆتىڭ حالىق­قا جول­داۋىن­دا ايتىلعان قازاق­ستان­نىڭ دامىعان 30 ەلدىڭ قاتارىنا كىرۋى جانە ەكى جوو-نىڭ الەمنىڭ 200 ۇزدىك ۋنيۆەرسيتەتى قۇرامىنا ەنۋى جونىندەگى مەملەكەتتىك ماڭىزى زور تاپسىرمالاردى جۇزەگە اسىرۋ ماقساتىندا جۇمىس ىستەۋدە. «ەگەمەن-اقپارات»