ينۆەستيتسيانى يكەمدى ەل يەمدەنەدى

الەم ەكونوميكاسى ءالى دە بولسا تۇراقتىلىققا تابان تىرەي الماي تۇرعانى بەل­گىلى. سونىڭ سالدارىنان قاي ەلدە دە تىكەلەي شەتەل ينۆەس­تي­تسيالارى اعىمىنىڭ باسەڭ­دەۋ ءۇردىسى بايقالادى. ءتىپتى, ينۆەس­تيتسيالار ءۇشىن ۇلكەن باسە­كەلەستىك جۇرۋدە. ال بۇل رەتتە ينۆەس­تورلار الدى­مەن ينۆەس­تيتسياعا ەڭ يكەمدى ەلدى تاڭ­دايتىنى بەلگىلى. وسى­عان وراي ءبىزدىڭ ۇكىمەت تە احۋالدى جاقسارتۋ ءۇشىن بەل­سەندى جۇمىس ءجۇر­گىزىپ, ينۆەس­تيتسيالاردىڭ قاۋىپ­سىزدىگى مەن ساقتالۋىن قامتا­ماسىز ەتۋدە. بۇل تۋرالى كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى. ەلىمىزدەگى ينۆەستيتسيالىق احۋال جايىن ارقاۋ ەتكەن ءباسپاسوز ءماسليحاتىنا ينۆەستيتسيالار جانە دامۋ مينيسترلىگى ينۆەستيتسيالار كوميتەتى توراعاسىنىڭ مىندەتىن اتقارۋشى رۋسلان تاسبەرگەنوۆ, پرەزيدەنت جانىنداعى شەتەل ينۆەستورلارى كەڭەسى قاۋىمداستىعىنىڭ باسقارما توراعاسى ۋلف ۆوكۋركا, «ەكسپورت جانە ينۆەستيتسيالار ۇلتتىق اگەنتتىگى «Kaznex Invest» اق باسقارما توراعاسى بوريسبي جانعورازوۆ جانە ونىڭ ورىنباسارى الماس ايداروۆ قاتىسىپ, اتقارىلىپ جاتقان جۇمىستاردىڭ باعىتىن, بارىسىن باياندادى. ءما­سەلەن, ەلىمىزدە كاسىپكەرلىك كودەك­س­ىندە ينۆەستيتسيالاردىڭ قاۋىپ­سىزدىگىنە جانە ساقتالۋىنا كەپىل­دىك بەرەتىن ەرەجەلەر بەكى­تىل­گەن. ال ينۆەستيتسيالار سالا­سىنداعى حالىقارالىق قۇقىقتىق بازانى جەتىلدىرۋ شەڭبەرىندە ينۆەستيتسيالاردى كوتەرمەلەۋ جانە ءوزارا قورعاۋ تۋرالى 48 كەلى­سىمگە قول قويىلىپتى. سونىمەن قاتار, ينۆەستورلاردىڭ پروبلەمالى ماسەلەلەرىن تەز ارادا شەشۋ ماقساتىندا ۇنقاتىسۋ الاڭدارى قۇرىلعان. ولار –پرەزيدەنت جانىنداعى شەتەل ينۆەستورلارى كەڭەسى جانە ۇكىمەت جانىنداعى ينۆەستيتسيالىق احۋالدى جاقسارتۋ جونىندەگى كەڭەس. 2015 جىلى ينۆەستيتسيالىق ومبۋدسمەن ينستيتۋتى قۇرىلعانى بەلگىلى. ال اعىمداعى جىلى ۇكىمەت جانىنان ينۆەستورلاردى تارتۋ جانە ينۆەستيتسيالىق احۋالدى جاقسارتۋ جونىندەگى كەڭەس قۇرىلدى. ايتقانداي, جۇرگىزىلىپ جات­قان جۇمىستار حالىقارالىق ساراپ­شىلار تاراپىنان دا جوعا­رى با­عالانۋدا. مىسالى, دۇنيە­جۇ­زىلىك ەكونوميكالىق فورۋمنىڭ جاھاندىق باسەكەگە قابىلەتتىلىك تۋرالى ەسەبىنە سايكەس, قازاقستان الەمنىڭ 140 ەلىنىڭ اراسىندا 42-ورىنعا جانە تمد ەلدەرى اراسىندا ەكىنشى ورىنعا يە بولدى. دۇنيەجۇزىلىك بانكتىڭ Doing Business رەيتينگىندە قازاقستان 41-ورىندى يەلەنە وتىرىپ, ءوزى­نىڭ جايعاسىمىن 12 تارماققا جاق­سارتتى. 189 ەل اراسىندا دۇنيە­جۇزىلىك بانك توبىنىڭ Doing Business-2016 بويىنشا قازاقستان مينوريتارلىق ينۆەستورلاردى قورعاۋ جونىندە 25-ءشى ورىنعا جانە جاھاندىق باسەكەگە قابىلەتتىلىك رەيتينگىسى بويىنشا ينۆەستورلاردى قورعاۋ بويىنشا 25-ءشى ورىنعا يە بولدى. ينۆەستيتسيالىق احۋالدى جەتىلدىرۋ شەڭبەرىندە قا­بىلداناتىن اۋقىمدى ءىس-شارالاردىڭ بارلىعى ينۆەستورلار ءۇشىن قولايلى جاعداي جاساۋ جانە قازاقستاننىڭ وڭىرلىك ينۆەستيتسيالىق حاب رەتىندە قالىپتاسۋى ءۇشىن ەنگىزىلۋدە. دينارا بىتىكوۆا, «ەگەمەن قازاقستان»