استانادا «اق ورامال» رەسپۋبليكالىق اكتسياسى ءوتتى

بۇگىن استانا قالاسىنداعى «وتان انا» الاڭىندا قازاقستان حالقى اسسامبلەياسى انالار كەڭەسىنىڭ ۇيىمداستىرۋىمەن سەمەي يادرولىق پوليگونى جابىلۋىنىڭ 25 جىلدىعىنا ارنالعان «اق ورامال» رەسپۋبليكالىق اكتسياسى وتتى. ءىس-شاراعا پارلامەنت ءمəجىلىسىنىڭ دەپۋتاتتارى, قحا انالار كەڭەسىنىڭ, «جاراسىم» رەسپۋبليكالىق جاستار ۇيىمىنىڭ مۇشەلەرى, مەملەكەتتىك ورگاندار مەن ەتنومəدەني بىرلەستىكتەردىڭ وكىلدەرى, جاستار قاۋىمى جانە باق وكىلدەرى قاتىستى. شارا بارىسىندا پرەزيدەنت اكىمشىلىگى قحا حاتشىلىعىنىڭ سەكتور مەڭگەرۋشىسى نازيپا شاناي اتالمىش اكتسيانىڭ تەرەڭ ماعىناسىنا, ماقساتى مەن مىندەتتەرىنە توقتالدى. «بۇگىن قازاقستان حالقى اسسامبلەياسىنىڭ انالار كەڭەسى انالىق جۇرەگىمەن اق ورامالدارىن اق نيەتى رەتىندە جەلبىرەتىپ, ەلباسىمىزدىڭ بەيبىتشىل باستامالارىن قولداۋ ماقساتىندا «اق ورامال» اكتسياسىن وتكىزۋدە», – دەدى ول ءوز سوزىندە. سونىمەن قاتار, پارلامەنت ماجىلىسىنىڭ دەپۋتاتى نادەجدا نەستەروۆا مەن جازۋشى ساۋلە دوسجانوۆا «Əلەم.ءححى عاسىر» مانيفەسى مەن ەلباسى ن.Ə.نازارباەۆتىڭ بەيبىتشىل باستامالارىن قولداۋ تۋرالى انالار كەڭەسىنىڭ قازاقستان حالقىنا ۇندەۋىن وقىدى. ءىس-شارا بارىسىندا مەرەكەلىك كونتسەرت ۇيىمداستىرىلىپ, «اق ورامال – اق نيەت» تەاترلاندىرىلعان مۋزىكالىق قويىلىمى كورسەتىلدى. ايدار ورىسباەۆ