«بوكو حارام» توبىنىڭ ليدەرى ءولىمشى بولىپ جارالاندى

افريكاداعى «بوكو حارام» تەررورلىق توبىرىنىڭ ليدەرى ابۋباكار شەكاۋ ءولىمشى بولىپ جارالاندى. بۇل اقپاردى نيگەريا پرەزيدەنتى مۋحامماد بۋحاري راستاپ بەردى. ونىڭ ايتۋىنشا, شەكاۋ نيگەريا اۋە-قورعانىس كۇشتەرىنىڭ سوققىسى بارىسىندا اۋىر جاراقات الىپ قالعان. اۆياسوققى وتكەن جۇما كۇنى شەكاۋ نيگەريانىڭ سولتۇستىك-شىعىسىنداعى بورنو شتاتىنىڭ تايە دەرەۆنياسىندا قاراۋىنداعى كومانديرلەرمەن بىرگە ءدىني سالتتار جاساۋعا دايىندالىپ جاتقان كەزدە بەرىلگەن. ريا «نوۆوستي» حابارلاعانداي, سوققى كەزىندە ءۇش دالا كومانديرىنىڭ كوزدەرى جويىلىپ, قاراقشىلاردىڭ باسشىسى ءولىمشى بولىپ جاراقات الىپ قالعان. «بوكو حارام» - راديكالدى يسلام توبىرى. ونىڭ سودىرلارى نەگىزىنەن نيگەريانىڭ سولتۇستىگى مەن سولتۇستىك-شىعىسىندا ارەكەت ەتەدى. بىراق شابۋىلدى نيگەر, كامەرۋن جانە چاد سەكىلدى كورشى ەلدەرگە جاسايدى. ول بۇكىل ەلگە شاريعات زاڭىن ەنگىزۋ جولىندا كۇرەسەدى. مۇرات ايتقوجا