قازاقستان رەسپۋبليكاسى قارۋلى كۇشتەرىنىڭ قاتارىن جوعارى اسكەري وقۋ ورىندارىنىڭ تۇلەكتەرى جانە وسى جىلى زاپاسقا شىعارىلعان اسكەري قىزمەتشىلەر تولىقتىرىپ جاتىر.
وسى كۇندەرى «استانا» وڭىرلىك قولباسشىلىعىندا 46298 اسكەري ءبولىمىنىڭ بازاسىندا جاس لەيتەنانتتارمەن وقۋ-ادىستەمەلىك جيىندار وتۋدە.
جيىننىڭ نەگىزگى ماقساتى – جاس وفيتسەرلەردى قىزمەتكە الىپ, جەكە قۇراممەن جۇمىس ىستەۋدەگى قىزمەتىن كورسەتۋ.
«سىزدەرگە ۇلكەن جاۋاپكەرشىلىك جۇكتەلىپ وتىر. سىزدەر ەلىمىزدىڭ قورعانىسىن نىعايتۋدا, ەلىمىزدى قورعاۋدا ۇلگى بولۋعا تيىسسىزدەر», - دەدى «استانا» وڭىرلىك قولباسشىلىعى اسكەرلەرىنىڭ جيىن باستىعى پولكوۆنيك ەرميان بياتوۆ.
جاس وفيتسەرلەر قىزمەتىن اتقارۋ ءۇشىن قارۋلى كۇشتەردىڭ بارلىق اسكەري بولىمدەرى مەن بولىمشەلەرىنە اتتانادى. قازىر اسكەري-تەڭىز كۇشتەردىڭ قاتارىن قىتايدىڭ اسكەري-تەڭىز اكادەمياسى, سانكت-پەتەربور قالاسى اسكەري-تەڭىز اكادەمياسى مەن قۇرلىق اسكەرلەرىنىڭ اسكەري ينستيتۋتىن بىتىرگەن 12 جاس لەيتەنانت تولىقتىردى.
داستان كەنجالين
