بىرگە ءجۇرىپ, بىرگە جازدىق...

وسى جولعى وليمپيا ويىندارىنا قازاقستان ۇلتتىق وليمپيادا كوميتەتى 11 ءجۋرناليستى اتتاندىردى. بۇرىن تورتەۋ عانا باراتىن. ۇركەردەي بولىپ جۇرەر ەدى. بۇل جولى قارقاراداي, جەر قايىسقان قولداي كوتەرىلىپ ءجۇردى. بۇعان «قازاقستان», «حابار» جانە «قازسپورت» تەلەارنالارىنان بارعان جۋرناليستەر مەن وپەراتورلاردى قوسىڭىز. بۇرىنىراقتا دوحادا وتكەن ازيا ويىندارىنا بىزگە تاياۋ ەلدەردىڭ بىرىنەن ەكى جۋرناليست بارعان. جاستاۋى ءبىزدىڭ جانىمىزدا جۇرەدى. باسكيىمىن تاستامايتىن ەگدەلەۋ ءجۋرناليستى كورەتىنبىز. وزدەرى بىزدەگىدەي مەدالدى كۇرەپ الىپ جاتقان جوق, بىراق نە ايتا بەرەتىنىن قايدام, وسى ەگدە جۋرناليست قاشان كورسەڭ دە ەكىلەنىپ ەلىنە حابار بەرىپ جاتاتىن. ەكەۋى جازاتايىم كەزدەسىپ قالعاندا, دۇنيەنىڭ ءبىر قيىرىندا جۇرگەن الگى ەكەۋ ءبىر-بىرىمەن امانداسپايتىن. كارىسى جاسىنا ءتۇيىلىپ قاراعاندا, ولارعا ەش قاتىسى جوق ءبىز تىكسىنىپ قالامىز. ونىڭ سەبەبىن جاس جىگىت ءوزى ايتىپ بەردى. بۇعان دەيىنگى جارىس بىتكەنگە قولىندا ازىن-اۋلاق بيلىگى بار, سپورت باسشىلارىنا وزىنەن ارتىق سپورت ءتىلشىسى جوق ەكەندىگىن ۇقتىرىپ كەلگەن ەگدە جۋرناليست جالعىز بارىپ كەلگەن ەكەن. باقتيار تايجان, «ەگەمەن قازاقستان»