جۇمىسسىزدىقتى جويۋ جولىندا

اقتوبە قالالىق جۇمىسپەن قامتۋ ورتالىعىنىڭ ماماندارى ەلباسى ن.نازارباەۆتىڭ «100 ناقتى قادام» ۇلت جوس­پارىن, بەس ينستيتۋتتىق رەفور­مانى جۇزەگە اسىرۋعا باعىت­تالعان تاپسىرمالاردى ورىنداۋ جانە اقتوبەلىكتەرگە «جۇمىس­پەن قامتۋدىڭ جول كارتاسى- 2020» جانە «ورلەۋ» باعدار­لا­مالارىنىڭ تيىمدىلىگىن جان-جاقتى ءتۇسىندىرۋ ماقساتىندا تۇرعىندارمەن كەزدەسۋلەر ۇيىم­داستىرىپ كەلەدى. بۇل شارانى ورتالىق ماماندارى «قامقور» اكتسياسى اياسىندا وتكىزۋدى قولعا العان. ۇستىمىزدەگى جىلعى 3 ماۋ­سىمنان باستالعان اكتسيا بۇعان دەيىن قالانىڭ «شىعىس» بازارى مەن حالىققا قىزمەت كورسەتۋ ورتالىعىندا وتكىزىلدى. «قامقور» اكتسياسى اياسىندا ورتالىق ماماندارى قالا تۇر­­­عىن­دارىنا اتالعان مەم­لە­كەتتىك باعدارلامالاردىڭ بار­لىق با­عىتتارىن ءتۇسىندىرىپ, اقپا­راتتىق جۇمىستار جۇرگىزەدى. بۇل جولعى جۇرتشىلىقپەن ءجۇز­دەسۋ «التاي» بازارىندا ۇيىم­داستىرىلدى. اقتوبە قالالىق جۇمىسپەن قامتۋ ورتالىعىنىڭ ديرەكتورى گۇلشات قاڭتارباەۆانىڭ ايتۋىنشا, حالىققا مەملەكەتتىك باعدارلامانىڭ تيىمدىلىگىن وسىنداي اكتسيا تۇرىندە, بوس جۇمىس ورىندارى جارمەڭكەسى, ترەنينگتەر مەن دوڭگەلەك ۇستەل وتىرىس­تارىن ۇيىمداستىرۋ ارقىلى ءتۇسىندىرىپ كەلگەن. ماقسات جۇمىس­سىز, ءوزىن-ءوزى جۇمىسپەن قامتىعان جانە الەۋمەتتىك جاعىنان از قامتىلعان وتباسى مۇشەلەرىن «جۇمىسپەن قامتۋدىڭ جول كارتاسى-2020» جانە «ورلەۋ» باعدارلامالارىنا قاتىستىرۋ ارقىلى حالىقتىڭ ءال-اۋقاتىن كوتەرۋ ءارى قالا تۇرعىندارىن مەم­لەكەتتەن كورسەتىلەتىن الەۋ­مەتتىك كومەك تۇرلەرىمەن اقپارات­تاندىرۋ بولىپ تابىلادى. بۇل جولى قالاداعى 116 مەكەمە 833 بوس جۇمىس ورنىن ۇسىن­دى. جىل باسىنان بەرى قالا­دا 5 بوس جۇمىس ورىندارى ءجار­مەڭكەسى ۇيىمداستىرىلدى. ءناتي­جەسىندە 189 ادام جۇمىسقا ورنا­لاسقان. «بوس جۇمىس ورىندارى جارمەڭكەسى» مەن «قامقور» اك­تسياسىن شاتاستىرۋعا بولمايدى. ويتكەنى جارمەڭكەگە جۇمىس بە­رۋشى مەكەمەنىڭ وكىلدەرى قاتىسسا, ال اكتسيا اياسىندا ورتا­لىق ماماندارى تۇرعىندارعا بوس جۇمىس ورىندارىن ايتىپ, ءتۇ­سىندىرۋ جۇمىستارىن جۇرگىزەدى. وسىن­داي جۇمىستاردىڭ ءناتي­جە­سىندە, ياعني بۇعان دەيىن ۇيىم­داس­­تىرىلعان «قامقور» اكتسياسى بو­يىنشا 40 ادام جۇمىسقا ورنالاسقان. مامانداردىڭ ايتۋىنشا, قازىر قالا مەكتەپتەرىنە باستا­ۋىش سىنىپ مۇعالىمدەرى مەن قۇ­رىلىسشىلارعا سۇرانىس جو­عارى. سونداي-اق قالانى كوركەيتۋ, اباتتاندىرۋ شارالارىنا 29 جاسقا دەيىنگى جۇمىسسىز جۇرگەن جاس­تاردى ۋاقىتشا ەڭبەككە تارتۋ مۇمكىندىگى قاراستىرىلعان.  ساتىبالدى ءساۋىرباي, «ەگەمەن قازاقستان» اقتوبە وبلىسى